Hindi ka gwapo
At wala ka ring abs
Nung una kitang makita
Akala ko pa bakla ka
Naging malapit tayo sa isa't isa
Laging nag-uusap, nagbibiruan, at masaya lang
Tumagal iyon ng ilang taon
At mas lalo nating nakilala ang isa't isa
Hanggang isang araw
May naramdaman akong iba
Nung una hindi ko matanggap
Kasi nga bakit ikaw pa?
Ikaw na nag-iisa kong kaibigang lalaki
Na sobrang close ko na
Ilang araw pa ang lumipas
Hindi ko parin matanggap
Kahit na alam ko sa sarili ko na may iba sakin
Pinilit kong magbulag-bulagan at ang nadarama'y nakalimutan
Pero ang hindi ko magawa ay ikaw ay iwasan
Kasi masaya ako sa t'wing kasama ka
Sa sobrang bilis ng tibok ng puso
Ay halos mabingi ako pag malapit ka
At kapag naman may iba kang kausap
Ay nasasaktan ako, palihim na ngumingiti
At nagtatanong, ano ba'ng nakita ko sa'yo
Bakit pinagdadamot kita?
Bakit ayokong nakikita na may iba kang tinitingnan?
At higit sa lahat bakit hindi ko parin matanggap na mahal na yata kita?
Ni hindi ko nga masabi sa iba dahil baka tuksuhin ako
Dahil sa nararamdaman ko sa'yo
Ay lagi kitang tinutulungan
Ayoko kasing mahirapan ka
Ewan ko ba pero mahal nga kasi kita
Mahal kita kahit hindi ka pogi
At kung hindi ko talaga masabi sa'yo to sa personal
Dito ko nalang sasabihin lahat
Tutal hindi mo naman 'to mababasa
Sana bumalik na yung dati nating closeness
Kasi napapansin kong lumalayo ka
Alam mo bang nasasaktan ako?
Nasanay kasi na lagi kang nandyan
Pero kung talagang makakatulong din
Para makalimutan ko na gusto kita
Handa akong lumayo,
Kahit sa totoo lang
Hindi ko kaya
Salamat dahil kahit hindi ikaw ang type ko
Sayo ko naman naramdaman at natutunan kung paano magmahal
Ikaw
Ikaw na hindi pogi
Pero minahal ko ng Sobra
