Mga panahong mahina ako
Wala akong makapitan sa oras ng bagyo
Lahat nalang ng tao ay iniwan ako
Maging ikaw na pinakamamahal ko
Sinisi kita sa mga nangyari sa akin
Inisip ko noon na hindi mo ako mahal
At wala kang pakialam
Tinanong kita noon kung bakit mo ako pinabayaan
Bakit mo hinayaan ang anak mo na masaktan
Hindi lang isang beses kitang sinabihan ng masasakit na salita
Naalala ko pa kung paano ako lumayo sa iyo aking ama
Sarado ang aking isip at hindi ko makita
Ang mga plano mo para sa akin ay di ko alintana
Habang ako'y lumalayo ay mas lalo akong naliligaw
At ang tanging nais ko ay makabalik sayong presensya
Mahal kong ama nagmakaawa ako sa'yo para muli mong tanggapin
At hindi ko batid na lahat pala ng dasal ko ay iyong naririnig
Napakabait mong tunay
Ako'y pinatawad mo sa aking mga kasalanan
Ngayon nasagot na ang aking katanungan
Na ako pala ang nagbago at hindi ikaw
Ikaw ay pag-ibig at hindi yun nagbago
Patawad ama dahil nagkasala ako
Mahal na mahal kita at aking pangako
Na habambuhay kitang pupurihin hanggang sa huling hininga ko
