Sunday.....
အားလပ်ရက်များတွင် အတူတူအချိန်ဖြုန်းကြသည်ဆိုခြင်းက သူတို့နှစ်ယောက်အတွက်တော့ အလွန်အမင်းကိုရိုးရှင်းပါသည်။ အိမ်ကနေ အကြောင်းတစ်ခုခုပြပြီးထွက်လာတတ်တဲ့ ဂျွန်နဲ့ အတူ ဆိုင်ကယ်တစ်စီးနဲ့ ရောက်တတ်ရာရာလျှောက်သွားတတ်တာမျိုး...ဆူညံသံတွေဝေးတဲ့ မြို့ပြင်လိုနေရာမျိုးက သစ်ရိပ်အေးအေး တစ်ခုမှာထိုင်ရင်း စကားတွေပြောတတ်ကြတာမျိုး...
အခုလက်ရှိကတော့ အပြင်မှာ နေပူတယ်ဆိုတဲ့ အကြောင်းပြချက်နဲ့ ဂျွန်ကလဲ အခန်းထဲရောက်ကတည်းက ထိုင်ရာကနေ မထ စတမ်း ဂိမ်းနှိပ်နေသလို ..ကိုယ်ကလဲ ကာတွန်းကားတစ်ကားနဲ့ ငြိမ်ပြီး ဆိုင်အပေါ်ထပ်က အခန်းထဲအောင်းနေလိုက်သည်။
ဆိုင်က ကောင်လေးတွေဆီကနေ ကူးယူထားတဲ့ "The secret life of pets"ကိုကြည့်နေရင်းက အကောင်အသေးဆုံးနဲ့ အစွာဆုံး ယုန်ဖြူုဖြူတစ်ကောင် ပေါ်လာတော့ ဖြူသည်ထက်ပို၍ဆွတ်သည့်ဖက်ပင်လုသော ဂျွန့်အသားအရည်ကို သွားပြီးသတိရမိသည်။
ပြီးတော့ အခုနောက်ပိုင်း ဂျွန်ကလဲ လူကောင်သာပိုထွားမလာပေမယ့် ဒေါသအိုးကနှစ်ဆနီးပါးတိုးပွားပြီး ခပ်စွာစွာလေးဖြစ်လာတာမဟုတ်လား..စိတ်အလိုမကျလို့ ..မထိနဲ့ မကိုင်နဲ့တွေ ထအော်တတ်တာ လဲ ခဏခဏ..
.. အဟင်း တူလိုက်လေခြင်း...
တွေးလို့မှ မဆုံးသေးခင် Snowball ဆိုတဲ့ အနှီယုန်ဖြူဖြူ က အနားမှာရှိသမျှ တိရိစ္ဆာန်တွေကို လှည့်ပတ်ဆရာလုပ်ရင်း စိတ်တိုင်းမကျလာတဲ့ပုံနဲ့ ဒေါသပုန်ထကာ
သွားနှစ်ချောင်းငေါထွက်လာတဲ့အထိ ပြဲလန်နေအောင် အော်ဟစ်လာတော့ ကျိတ်ရယ်နေခဲ့သမျှ ထိန်းမရတော့ချေ...
"ဟား.ဟား.ဟား"
"ဟွန်း!!"
"အဟင်း...ဘာလဲ"
လက်ထဲကဖုန်းကို ပစ်ချရင်း စိတ်မရှည်သည့်အလား ဆောင့်ခနဲခေါ်တော့ ရယ်ရင်းတန်းလန်းကနေ ပြန်ထူးပေးလိုက်သည်။
