Worthless (Published Under MPress)

Kabanata 7

Kabanata 7

Noah Elizalde's

I have never felt this weak in my entire life. Nangangatog ang mga tuhod ko at pinagpapawisan ako. Umalis na si Noah pero ang epekto ng mga salita niya ay ganon parin sa akin. Bumalik si Ysmael at halos hindi ko masundan ang mga sinasabi niya dahil sa pagiging pre occupied ko sa mga sinabi niya.

Kung hindi ako ginulat ni Everlyse pagkarating niya ay siguro hindi na ako nakabalik sa sitwasyon ngayon.

"Uy!" Sabay tulak niya sa akin.

Ngumiti ang kaharap kong si Ysmael habang pinagmamasdan si Everlyse na ginugulat ako.

"Nandito ka lang pala. Hinanap kita." Sabi ni Everlyse.

"I texted y-you." Nagkakandautal na ako dahil sa naisip kanina.

"Ganon? Hindi ko tiningnan ang cellphone ko." Sumulyap siya kay Ysmael at pinanlakihan niya ako ng mga mata na para bang may sinasabing interesante.

Alam ko ang iniisip niya. At kapag sasabihin ko sa kanyang niyaya ako ni Ysmael na pumuntang prom ay paniguradong magkakatotoo ang kung anong haka haka sa utak ni Everlyse ngayon.

Umupo si Everlyse sa tabi ko pagkatapos ay sinabi sa akin lahat ng mga nakasalubong niya sa party. Nakinig ako. Samantalang si Ysmael naman ay naging abala sa mga lumapit na iilan pang kaibigan.

"Hey, girls. Let's go home. Tumatawag na si daddy." Dinig ko ang boses ni Stan sa likod namin.

Tumayo agad si Everlyse at humikab. "Talaga? Let's go, Meg." Sabay tingin niya kay Ysmael at ngumiti.

"Ysmael, we gotta go. Hinahanap na kasi kami." Ngumiti ako. "See you around?"

"Uh... Sure!" Tumayo si Ysmael at medyo naaasiwang tiningnan ang kung sino ang nasa likod ko. I'm pretty sure Stan was staring daggers at him. "By the way, can I get your number? I will need it for prom, of course. Ako na ang bahala sa damit mo." Sabay pakita sa kanyang cellphone.

"Oh! It's okay, Ysmael. Sure. Thank you." Ngiti ko at hindi ko inakalang sasagutin niya ang damit ko. Gusto ko sanang sabihing ayos lang naman kung sagot ko na ang damit ko ngunit ayaw ko rin namang masira 'yong gabi niya kung sakaling may binabalak siyang mag ka pair 'yong damit namin o ano.

Nilingon ko si Stan na nag paalam kay Noah sa malayo. Sumulyap pa si Noah sa amin habang si Everlyse ay abala sa pamamansin sa mga kakilala naming dumadaan. Nakita kong tumango si Noah at sumunod kay Stan.

Kumalabog agad ang dibdib ko. I don't want to assume that he's now interested on me. Kung hindi naaapakan ang ego nito ay paniguradong may iba pang dahilan. Nauna kaming luambas ni Everlyse samantalang nasa likod namin si Stan at Noah, nag uusap ng kung ano. Medyo malakas ang boses ni Stan, banayad naman ang kay Noah. Gusto kong mag kwento kay Everlyse pero hindi pwede dahil nandyan pa si Noah sa likod.

Sumalampak agad si Everlyse sa likod ng sasakyan. Sumunod ako at huling binuksan ni Stan 'yong front seat. Tiningnan ko si Noah na natatawa sa mga pinag uusapan nila ni Stan.

"Sige, pre. Happy birthday ulit. Alis na kami!" Ani Stan tapos ay tumango.

Tumango rin si Noah at bahagyang nag salute. Sumulyap siya sa akin at halos matigil ako sa pag hinga. Sinundan ko siya ng tingin hanggang sa mapalayo kami pagkatapos ay sumigaw na ako sa panggigigil.