((((((الحلقة الأولى )))))))
#احببته_كثيراً
#بوسى_مصطفى
*********
الحلقة الأولى :-
في الجامعة وتحديداً في كلية التجارة
داليا / صباح الخير ازيك يا سوسن
سوسن / الحمد لله أنتي ايه إللي اخرك كده
داليا / المواصلات ما انتي عارفة الطريق بيكون زحمة الصبح
سوسن / أنا هروح اجيبلي حاجة اشربها قبل الدكتور ما يدخل اجيبلك معايا
داليا / لأ مليش نفس دلوقتي
أحد الزملاء ل داليا
وأنا مفيش صباح الخير
داليا / أنا قولتلك قبل كده يا لؤي مفيش أي كلام بيني وبينك قبل ما تنهي الموضوع اللي تكلمنا فيه قبل كده
لؤي/ اللي أنتي بتقوليه دا مستحيل يا داليا
داليا/ خلاص لو شايف إن موضوع ارتباطنا شيء مستحيل يبقى ايه لازمة إنك تكلمني ولا عايز تقضيها صحوبيه
لؤي/ أنتي شايفة أني من النوع دا يا داليا أنا لو مش جاد ودوغري كان ممكن أتعامل معاكي بشكل تاني
داليا/ أنا مبقتش فاهمة أنت عايز ايه بالظبط
لؤي/ كل اللي طالبه منك أنك تصبري لما أخلص جامعة واهو آخر سنه لينا السنه دي وبعدين اشتغل وأقدر اتقدملك
داليا/ أنت مش عارف ماما كل يوم بتقولي ايه
يا بنتي بنت خالتك اتخطبت وانت لأ
مديحة جارتنا اتجوزت وأنتي رافضة كل اللى بيتقدموا ليكي
و...و...وحاجات كتير من دي كل يوم وأنا عماله اتحجج بالدراسة ومش عارفه بعد كده هقولهم ايه
لؤي / خلاص اتجوزي أول واحد يتقدملك
داليا / أنا مبقولش الكلمتين دول علشان ترد وتقولي كده
لؤي / حيرتيني مش عارف أنتي عايزة ايه بالظبط
داليا / تتقدملي دلوقتي وسيبلي أنا الباقي
لؤي/ وتفتكري أهلك هيوافقوا
داليا / قولتلك سيب كل حاجة عليه أنا بابا هقدر اقنعه وهو عمره ما رفضلي طلب
لؤي/ لو أهلك وافقوا أهلي أنا عمرهم ما هيوافقوا
داليا / أنا عملت اللي عليه بس انت الظاهر بقي مش عايز تتعب علشاني
أحد الزملاء
نجيب بقي اتنين ليمون ولا حاجة ساقعة
داليا قامت متنرفزة
لؤي/ انت مش هتبطل هزارك السخيف ده
عمر / كنت بهزر معرفش إنها هتضايق كده
لؤي / ما هو انا ناقصك انت كمان
عمر / يا عم اهدي شوية هو أول مرة تتخانقوا بس قولي في ايه
لؤي/ عايزاني اتقدملها دلوقتي وخايف تضيع من أيدي بيتقدملها عرسان كتير وهي بترفض وأهلها ضاغطين عليها في الموضوع ده
أنت تقرأ
أحببته كثيراً💙💚
ChickLitهل سينتصر الحب أم دوافع الانتقام سوف تجعله ينتهي للأبد أحببته كثيراً قصه اجتماعية واقعيه
