((((((الحلقة الرابعه )))))))
#احببته_كثيرا
#بوسى_مصطفى
******************
الحلقة الرابعة:-
**********
لؤي / مين قالك تعملي كده يا داليا هتقدملك إزاي بالوضع ده وهقول لوالدك ايه أنتي فاكره الموضوع سهل كده اروح أقوله يا عم جوزني بنتك يقولي موافق يلا خدها
داليا بضيق / أنا قولت لبابا علي كل ظروفك وهو موافق وطلب يقابلك
لؤي / طب والدك وافق أنا أقنع والدي إزاي دا لسه بيجهزوا اختي اروح أنا اقولهم عايز اخطب
داليا / شوف يا لؤي أنا عملت اللى عليه وكلمت بابا وماما الدور عليك أنت تقنع أهلك دا لو كنت بتحبني وعايز حبنا يكمل بالجواز
لؤي / طبعاً بحبك يا داليا بس
داليا قاطعته
داليا / لا بس ولا مبسش الظاهر أني أنا اللي رخصت نفسي أكتر من اللازم مع واحد زيك
وسبيته ومشيت حاول لؤي يلحقها ولكن كانت أسرع منه وروحت البيت
في منزل حمدي والد داليا
نادية / معرفش هي من ساعة ما جت من الجامعة وهي قافله علي نفسها بكلمها مبتردش
حمدي / طيب روحي نادلها وقوللها بابا عايزك
داليا / نعم يا بابا
حمدي / تعالي هنا يا بنتي جمبي وكان نايم علي السرير
داليا قعدت جمب باباها
حمدي / روحي يا نادية اعمللنا حاجة نشربها
داليا/ لا يا بابا أنا مش عايزة اشرب حاجة
حمدي/ روحي أنتي بس يا نادية اعملي اللى قولتلك عليه
حمدي ل داليا / الجميل ماله ايه اللى مزعله مش خلاص اتفاقنا علي كل حاجة امبارح مش هغصبك علي حاجة وقولتلك زميلك يجي ويتقدم
داليا / بابا أنا موافقة علي العريس اللى ماما كلمتني عليه
نادية بتفتح الباب فجأة وتدخل
نادية / يا ألف بركة مبرووووك لووووووولي
حمدي/ استني أنتي بتزغرطي علي ايه
نادية متابعة / عين العقل يا بنتي كده انتي بنتي حبيبتي
حمدي/ يا ستي اصبري شوية خلينا نفهم
حمدي بيسأل داليا / ايه سبب التغير الكبير ده كنتي امبارح زعلانه ومش عايزة دلوقتي موافقة أنا مش فاهم حاجة ممكن تفهمينا
نادية/ تفهمك ايه هي فكرت واختارت صح
حمدي/ اسكتي يا نادية خلينا نفهم منها كل حاجة
داليا / زي ما ماما قالت يا بابا أنا فكرت ولاقته شاريني
حمدي/ طيب وزميلك
داليا والدموع بدأت تتلألأ في عنيها / لا يا بابا الموضوع دا أنتهي
حمدي / خلاص يا بنتي اللي يريحك مامتك تكلم خالته ويجي تشوفيه ونتفق علي كل حاجة والوضع اللى يريحك محدش هيغصبك علي حاجة
داليا دخلت اوضتها
حمدي بيتكلم مع نادية
حمدي / مش عارف قلبي مش مطمن لتغيرها المفاجأ ده اوعى تكونى غصبتي عليها في حاجة
نادية / انا ولا غصبت ولا اتكلمت معاها اصلا في الموضوع من امبارح
لؤي في اوضته زعلان تدخله مامته
عايدة / ايه يا ابني مالك من ساعة ما جيت من بره وأنت قاعد في اوضتك مخرجتش حتي ماكلتش حاجة من امبارح
لؤي شافها فرصة أنه يبدأ يتكلم مع والدته هي هتفهمه وممكن تقدر تقنع والدة
لؤي والدموع نازله من عنيه قربت منه عايدة بتأثر
عايدة / مالك يا ابني في ايه واحتضنت لؤي
لؤي / اللي بحبها هتضيع مني يا ماما
عايدة / مين يا ابني احكيلي كل حاجة
لؤي وبدأ يحكي لوالدته
عايدة / خلاص يا ابني هكلم أبوك واشوف رده ايه
لؤي ممازحا عايدة / حاولي تقنعيه يا ماما شغلي عليه دور الحنيه شوية
عايدة بتضحك/ اختشي يا ولا
داليا في اوضتها بتعيط بعد ما قالت الكلمتين لباباها
بتكلم نفسها / بحبك يا لؤي لكن أنت مش عايز تعمل حاجة علشان تثبتلي حبك ليه وبدأت في البكاء مرة تانية
في منزل محسن والد لؤي
محسن / أنتي اكيد اتجننتي
عايدة / الواد جوه هاري نفسه من العياط بيحبها هنعمل ايه
محسن / هنعمل ايه ؟؟!!
بسخرية نروح نخطبهالو ونسيبنا من جوازة البت علشان ابنك يتبسط انتي عارفة لما واحد يتقدم لوحده بيعمل ايه
لازم يكون جاهز من كله شقة ووظيفة دا غير الشبكة والهدايا
أنا داخله اشوف ايه الحكاية
عايدة / علشان خاطري يا ابو لؤي متكسرش قلب الواد
وبدأت تبكي دخل محسن ل لؤي
لؤي قام مفزوع كان نايم علي السرير
محسن متجه ناحيته ممسك بقميص لؤي
محسن / الكلام اللى بتقوله والدتك دا صحيح
لؤي باضطراب / بحبها يا بابا وخايف تضيع مني
محسن / حب ايه ده لما تتخرج وتتوظف ابقي حب براحتك واتجوز دا أنت لو رحت دلوقتي تعزمها علي 2عصير مش هتلاقي تدفع حسابه منين
لؤي / بس يا بابا أنا بقول خطوبة دلوقتي والجواز بعدين لما اتخرج واشتغل
محسن / لحد ما تتخرج وتشتغل مسمعش سيرة الموضوع ده
لؤي / بس يا با. ..قاطعة محسن
محسن / دا آخر كلام عندي
***************
أنت تقرأ
أحببته كثيراً💙💚
Chick-Litهل سينتصر الحب أم دوافع الانتقام سوف تجعله ينتهي للأبد أحببته كثيراً قصه اجتماعية واقعيه
