أحببته كثيراً💙💚

الحلقة ٩

الحلقة التاسعة :-

مجدي عيونه بتلاحق داليا والانفاس بتعلي مع تنهيده طويلة
مجدي بيحاول يتمالك نفسه
نادية بغضب / فكري يا بنتي
داليا / خلاص فكرت الموضوع انتهي
المأذون / اتفضلي أمضي هنا
مجدي قاعد كل تركيزة مع داليا لحد ما قامت
المأذون / اتفضل أمضي هنا يا استاذ
مجدي سرحان مسمعش أي شيء حواليه المأذون بيكرر كلامه تاني / اتفضل أمضي هنا
مجدي /هاااااا
حمدي/ أمضي يا ابني
مجدي مسك القلم يحاول يكتب مش قادر
نادية وحمدي نظراتهم لبعض كلها شفقه لمجدي
المأذون استأذن انا يا جماعة / لا حول ولا قوة إلا بالله

المأذون خرج
حمدي لمجدي بعد اذنك انتظرني شويه
مجدي بإنكسار حاضر يا عمي

حمدي دخل جوه ل داليا نادية كانت معاها واقفة يتخبط بايدها ومضايفة
حمدي/ اهدي يا نادية مش ناقصين فضايح هاتي يا بنتي الشبكة وكل الهدايا اللي عندك
داليا / اتفضل يا بابا أنا مجهزاهم من امبارح
يخرج حمدي
اتفضل يا ابني دي كل حاجتك ولو في حاجة ناقصة قولي
مجدي بتأثر / متغلاش عليها يا عمي أنا مش عايز غير داليا قالها وهو عنيه ناحية باب اوضتها ودموعه نزلت
حمدي / كل شيء نصيب يا أبني
مجدي بيمسح دموعه بسرعة
تليفون البيت بيرن
حمدي/ بعد اذنك يا ابني ارد علي التليفون
اتفضل يا عمي 
مجدي خرج من البيت
خلص حمدي المكالمة بتلفت ملقاش مجدي وحاجته. زي ما هي مآخدهاش

سمعت نادية الباب بيتقفل خرجت
خلاص عملتوا اللي عايزينه ارتحتي يا داليا ارتحت يا حمدي كل دا من دلعك فيها طول عمرك تقول تأكل اللي هي عايزاه واللي ميجيش علي نفسها تسيبه بس المرادي دي مش لعبه ولا اكل دا بني آدم بنتك كسرت قلبه
نادية تابعت كلامها هقولك حاجة يا داليا خديها مني حكمه زي ما كسرتي قلبه هيجي اللى يكسر قلبك وبكره تشوفي وتقولي ماما قالتها ووقتها متلوميش غير نفسك

حمدي / خلاص يا نادية الموضوع انتهي واللي حصل حصل خلاص بقي
ودخل اوضته داليا جوه بتعيط نادية قاعدة في الصاله لا عايزة تدخل اوضتها ولا عايزة تشوف داليا

أم مجدي / يا ابني نام ساعة قبل ميعاد الطيارة
مجدي/ لو نمت دلوقتي هتروح عليه نومه وهتفوتني الطيارة
أم مجدي/  خلاص هعملك حاجة تاكلها
مجدي / لا يا ماما مليش نفس هروح اقفل الشنط واظبط أوراقي
دخل مجدي اوضته قفل الباب وهو بيبتسم لوالدته بابتسامه كلها وجع لما بقي لوحده  أنهار الدموع مبتوقغش قعد في الأرض ياخد نفسه مش قادر يصدق اللي حصل
أم مجدي سمعته وكانت عارفة انه داخل ينفرد بنفسه ومش عايز ينهار قدامها
مجدي/ 😭😭ليه يا داليا تكسري قلبي ليه تعذبيني بفراقك
  ازاي هقدر أعيش من غيرك وبدأ يبكي
والدته دخلت اوضتها علشان متسمعش حاجة وهي قلبها موجوع علي ابنها

حمدي خارج من اوضته يسمع صوت في اوضة داليا
يقرب يسمع بكاءها يخبط علي الباب
داليا تمسح دموعها اتفضل يا بابا
حمدي  بدخل يشغل النور/ ايه يا بنتي صاحيه ومضلمه الاوضة ليه ...ايه دا يا داليا انتي بتعيطي
مبعيطش يا بابا مفيش حاجة
لأ معيطه وعينك وارمه كمان
داليا بتمسح دموعها تانى
بتحبيه يا بنتي
داليا بحنين كنت بحبه لكن كل ما افتكر اللي حصل وهو....
خلاص يا بنتي كله شيء نصيب
ماما يا بابا مبتكلمنيش
معلش يا بنتي هي تاخد وقت وهتروق هي بس خايفة عليكي
عايزك بكره تروحي الجامعة ومتفوتيش محاضرة عايز تقدير كويس هو دا اللي هيفرحني أنا ومامتك
إن شاء الله يا بابا
يلا نامي علشان تصحي بدري وبدأ يغطيها ولمس ايدها تصبحي علي خير يا بنتي

في الصباح نادية قاعدة بتفطر هي وحمدي تخرج داليا
صباح الخير يا بابا. ..صباح الخير يا ماما
حمدي صباح النور تعالي افطري نادية مردتش عليها
لأ يا بابا هاكل في الجامعة عندي محاضرة بدري مع السلامة
سلام يا بنتي

داليا في الجامعة سوسن ازيك يا دودو وحشاني أيه با بنتي مبتجبش ليه
داليا ظروف بس الحمد لله
داليا / الساعة كام يا سوسن
سوسن / تسعه وخمسه ليه
داليا بحزن / مفيش وافتكرت ميعاد طيارة مجدي رفعت عينها ل  السماء
سوسن / يلا يا داليا نلحق ندخل المحاضرة
داليا افتكرت كلام والدها امبارح وأنه عايزها تنجح بتقدير كويس
داليا ل سوسن / يلا بينا😭
****************