أحببته كثيراً💙💚

الحلقة ١٨

#احببته_كثيراً
#بوسى_مصطفى

الحلقة الثامنة عشر
مديحة / نعم ودا بقي جد ولا هزار
لؤي/ طبعاً جد أنا مبهزرش
مديحة / طب استني اغسل وشي يمكن بحلم
لؤي/ هقابلك بعد ساعة في العنوان ده .........
تعرفيه؟
مديحة / طبعاً اعرفة مفيش حته هنا معرفهاش
لؤي /خلاص اتفقنا
مديحة / ممكن أسألك سؤال محيرني
لؤي/ اتفضلي
مديحة / ايه سبب التغيير المفاجيء دا انت حتي بقالك فترة من يوم ما رجعت من مصر مبتكلمنيش ولا الموضوع له علاقة بمشاكلك مع مراتك
لؤي بضيق/  محبش حد مهما إن كان يتدخل في حياتي
مديحة / علي العموم أنا ميهمنيش أنت عايز تتجوزني علشان بتحبني أو بسبب مراتك لأني بحبك والسبب  مهما كان عمره ما هيكون سبب علشان ارفضك
لؤي/ تمام كده متفقين متتأخريش بقي عايزين نتفق الليلة
ارتدى لؤي ثيابه واتجه الي المكان جلس لؤي ينتظر مديحة علي  طاولة في المطعم اللي اتفق معها أنهم هيقعدوا فيها وهيتكلموا جاءت مديحة وبكل ترحاب استقبلها داليا ومريم وصلوا البيت
مريم / غيري هدومك وتعالي اقعدي معانا ماما وحشتها قعدتك اوي وكمان النهاردة الخميس ومي سهرانه تعالي غيري جو معانا
داليا / هشوف الظروف واكلمك احتمال اروق الشقة
مريم / خلاص شوفي ظروفك وقوليلي لو مش جايه انيم مي دخلت داليا الشقة افتكرت حديث لؤي معاها في الهاتف وتقول لنفسها يمكن اتغير فعلاً اديله فرصة تانية تفوق داليا من تفكيرها في لؤي بتأنيب ضمير وإحساس بالذنب ازاي ممكن أفكر فيه زوج تانى بعد كل اللي حصل إزاي نسيت بابا دخلت في نوبة بكاء عندما تذكرت والدها وما فعله من أجل سعادتها  وما وصل إليه حاله 😭😭😭

مديحة / أنت بتقول ايه يعني ايه جواز في السر أنت فاكرني ايه
لؤي / إنتي اللي فاهمة غلط الجواز رسمي لكن داليا وزمايلي في الشغل ميعرفوش حاجة عن جوازنا
مديحة / والوضع دا هيستمر لأمتي
لؤي / مفيش وقت محدد ممكن اقولهولك ولكن تأكدي إنه إحتمال قريب تقدري تقولي لكل الناس إنك مراتي
مديحة / مراتك
لؤي / ايوه مراتي بعد كام ساعة هتكوني مراتي هاخدلك شفة إيجار ونعيش فيها
مديحة / وياتري بقي هتبات فين
لؤي / إنتي عارفة إن مراتي مش هتعرف حاجة عن الجواز يعني مقدرش ابات عندك لكن ممكن نقضي باقي اليوم مع بعض
داليا مستغرقة في شغل البيت جرس الباب يرن
داليا / مريم؟
  مريم / أنا قاعدة مستنيه جوه ومنيمتش مي لحد دلوقتي ومستنيه ترني الجرس أو تتصلي تقولي جايه ولا
داليا / أنا آسفة يا مريم انشغلت في شغل البيت
مريم / عايزة أقولك كلمتين يا داليا ومتزعليش مني
داليا / طب ادخلي نتكلم جوه دخلت مريم
داليا / ثواني يا مريم
مريم لاقتها متجهة ناحية المطبخ
مريم / تعالي يا داليا ودخلتلها المطبخ انتي بتعامليني كأني ضيفة!!!
داليا / لأ يا حبيبتي انتي اختي اللي بتهون عليه الغربه
مريم / بما أني أختك بقي هقولك كلمتين
داليا / اتفضلي تعالي نقعد في اوضتي جوه دخلت مريم وداليا
مريم / حياتك أنتي ولؤي غريبة حددي موقفك هو جوزك ولا لأ بتحبيه ولا كرهتيه لو كرهتيه ومش قادرة ترجعي معاه زي الأول يبقى بلاش تظلموا بعض ولو كان الموضوع شغل فانتي عقدك واقامتك تابعة للشركة يعني إنك عايشة معاه علشان الشغل بس دا كدبه بتضحكي بيها علي نفسك بتضيعي أجمل سنين عمرك عايشة لا طايلة سما ولا أرض
داليا / عارفة يا مريم لو قولتلك عملت ايه علشان نتجوز عمرك ما تصدقي تنازلت كتير اوي غير تعب بابا تفتكري بعد دا كله ممكن يكون في القلب ذرة حب
مريم / جربي يا داليا تحاولي تصلحي اللي بينكم طب ليه ما فكرتيش في الحمل ممكن الطفل دا يربطكم ببعض
داليا بابتسامة مليئة بالوجع وعينها تتلألا بالدموع /تعرفي حتي موضوع الحمل فيه مشكلة انا اصلا مش مهتميه بالموضوع وسط كل اللي انا فيه أفكر أجيب طفل 😢😢
في الوقت دا كان لؤي بيفتح باب الشقة تابعت مريم لو موضوع الحمل زي ما بتقولي فيه مشاكل هخدك لدكتورة ممتازة ..  لؤي يفتح باب الاوضة