أحببته كثيراً💙💚

الحلقة السادسة عشر

الحلقة السادسة عشر :-
#احببته كثيراً ٢
#بوسى_مصطفى

**********************
وقف مجدي بالعربية
داليا / خلينا قاعدين بلاش ننزل
مجدي / ليه يا داليا دا الجو حلو اوي النهاردة
داليا / معلش مش قادرة أنزل يا مجدي
مجدي / خلاص هطلبلك حاجة تشربيها
طلبها ليمون علشان تهدي اعصابها شعر إنها مضطربة
أخدت الكوباية وشربتها كلها مره واحده
مجدي ببتسامة / يااااه باين عليكي كنت عطشانه اوي
داليا / آه فعلا
مجدي لمس ايدها في محاولة أنه يهديها
مش عايزة تحكيلي لأني مش فاهم حاجة خالص
داليا بحزن /هقولك وأنا ونصيبي
ليه يا داليا بتقولي كده انتي كل حاجة ليه في الدنيا مهما يكون اللي هتقوليه عمره ما هيغير أي حاجة بينا
انا هتكلم يا مجدي وعلشان خاطري متقاطعنيش
حاضر مش هتكلم خالص بس أهدي وانتي بتتكلمي ولو تعبانه بلاش
انت طبعاً عارف إني قعدت سنه ونص متجوزة ومحصلش

قاطعها مجدي / وليه البداية اللي تنرفز دي
داليا / ما هي دي البداية متقاطعنيش تاني وسيبني أكمل كلامي بعد سنه من الجواز ومحصلش حمل نزلت أجازة وماما قلقت عليه وقالت لازم تروحي لدكتورة انا مكنتش مهتمه لاني كنت في مشاكل مع اللي كنت متجوزاه يعني
مجدي بيحاول يداري ضيقة
كشفت عند دكتورة وقالت نفس كلام الدكتورة اللي كنا عندها وكتبت علي علاج وقالت مع العلاج الحالة هتتحسن ونسيت الموضوع وغرقت في المشاكل

ولما اتجوزتنا كان فيه سبب كبير يخليني اهتم لموضوع الحمل بعد ما غمرتني بحبك وطيبتك وحنانك
مجدي مبتسم / كملي وايه كمان
داليا / مش هعرف أكمل وانت واخد الموضوع هزار كده
مجدي / طب خلاص هسكت
واقترحت عليه مريم نروح لدكتورة انا اترددت في الأول وروحنا

مجدي / استني بقي هنا كده يعني تروحي مع صاحبتك وجوزك لأ
بصراحة كنت خايفة من رد فعلك لو الدكتورة قالت حاجة يعني
والدكتورة طلبت تحليل وعملته
طب وليه مقولتيش للدكتورة كده لما سألتك
خوفت من رد فعلك
طيب والتحاليل النتيجة كانت ايه
داليا متردده / النتيجة مفرقتش كتير عن كلام الدكتورة
داليا بتعيط شعر بها مجدي احتضنها يا حبيبتي انتي عندى بالدنيا كلها وبعدين انتي بنتي
داليا نظرت بدهشة
مجدب/انا بتكلم جد علي فكرة احساسي بيكي أنك بنتي وأنا مسؤل عنك يعني متعرفيش بكون في الشغل وانتي مش في البيت بكون قلقان خايف عليكي
تعلقت به أكثر وظلت تبكى
مجدي بمزح / لو فضلتي متعلقة فيه كده هيجي البوليس دلوقتي مش بعيد نلبس قضية آداب
مجدي بيطبطب على ايدها وهو مبتسم يلا بقي اتاخرنا عندي شغل كتير بكره

لؤي بيتصل بوالده
محسن/ الحمد لله يا ابني. ..آه كويسين
لؤي / يعني يا بابا أخواتي مش ناقصهم حاجة
محسن / لا يا ابني بس عايز افتح معاك موضوع
مجدي / خير يا بابا
محسن / انت مزعل مراتك ليه يا ابني مش تستقر كده وتهدي ولا المشاكل دي هنفضل فيها علي طول
لؤي / يعني هي بتشتكي ليكم مني
محسن / يا ابني مفروض تهدي كده خلاص انت بقيت أب سهر ليلاتي وسايب مراتك وابنك لوحدهم في البيت
لؤي / يا بابا مديحة انا بعتبرها غلطة كده في حياتي ونفسي اصلحها
محسن / ولما تصلح الغلطة دي هتعرف ترجع لحبك القديم
لؤي / يعني ايه يا بابا مش فاهم
محسن / لأ انت فاهم كلامي كويس هي داليا مرجعتش الشركة اللي انت فيها
لؤي بارتباك / ودا ماله ومال موضوعنا يا بابا
محسن / بطل تلف وتدور طول عمرك كده مبخدش منك حاجة
سيب البنت في حالها يا ابني وشوف حياتك
لؤي حاول يقفل الموضوع / ماما جنبك عايز اكلمها
عايدة / ازيك يا حبيبي عامل وحشني اوي
لؤي / وانتي كمان يا ماما
عايدة / ايه مش هتنزل أجازة بقى عايز اشوف ابنك
لؤي / إن شاء الله قريب
عايدة / خلص يا ابني هقغل معاك عارفة الوقت عندك اتاخر
تصبح علي خير

داليا ومجدي وصلوا البيت
داليا دخلت غرفتها غيرت هدومها ونامت بسرعة كأنها بتهرب من كل حاجة بالنوم
مجدي قاعد مع والدته في الصالة
أم مجدي / وشك متغير كده ياابني في حاجة
مجدي / لا يا ماما تعبان بس من الشغل ودخل انام تصبحي علي خير

دخل مجدي اوضته قعد علي السرير داليا نايمه بينظر ليها
وبيكلم نفسه بحبك يا داليا كان نفسى نعيش من غير حاجة تقلقنا ولا تضايقنا كان نفسي يكون عندي طفل منك
مجدي بتنهيدة أستغفر الله العظيم ..اللهم لا إعتراض
ودموعه نزلت منه معرفش ينام خرج بره الغرفة
أم مجدي / ايه يا ابني منمتش ليه
مجدي بارتباك / كنت بطفي النور معرفش إنك صاحيه يا ماما تصبحي علي خير
ودخل تاني مجدي غرفته ينام
قلق وتوتر وخنقه مش عارف ينام من كتر الاحاسيس الكتيره
اللي جواه
هو اللي انا فيه دا طبيعي ولا مفروض اعمل ايه انا اتحوزتها هي ومفكرتش يومها إن ممكن زي دي تحصل
ياااااااااارب
والدتي اللي دايماً تلح عليه في الموضوع دا اعمل ايه واقولها واخلص علشان متفتحش الموضوع تاني
ونام مجدي من التعب والتفكير نام وهو ميعرفش بكره هيحصل
ايه
********************