((((الحلقة السابعة ))))
#احببته_كثيراً
#بوسى_مصطفى
داليا نزلت السلالم جري ومجدي بيجري ميلحقهاش تركب تاكسي مجدي يركب عربيته بيحاول يوقفها
داليا توصل البيت تحاول تفتح شنطتها المفتاح مش لاقياه من كتر ما هي متوتره تخبط جامد علي الباب
نادية تجري تفتح وهي بتقول/ مين اللي بيخبط كده هو انا قاعدة ورا الباب
حمدي يخرج من الاوضة
نادية / داليا مالك يا بنتي وشكلك متبهدل كده ليه
تجري داليا علي اوضتها
الباب لسه مفتوح يدخل مجدي
حمدي / ادخلي شوفي بنتك
تعالي يا ابني فهمني في ايه
نادية بتصرخ في اوضتها مش عايزااااااه قولتلك مش عايزااااااه يا ماما وتعيط
الصوت كان عالي سمعها مجدي وحمدي
مجدي / أبداً يا عمي مفيش حاجة
حمدي/ مفيش حاجة ازاي بنتي جايه معاك منهاره انا عايز اعرف فيه ايه
تخرج داليا وهي بتعيط/ متقول لبابا ايه اللي حصل ولا مكسوف
حمدي اتضايق
حمدي/ خلاص اتفضل انت وأنا هفهم من داليا ايه الموضوع
مجدي خرج وهو محرج من كلام داليا
حمدي ل نادية ادخلي المطبخ اعملي لبنتك ليمون
نادية/ أنا مش رايحة أي مكان إلا لما اعرف ايه الحكاية
حمدي/ ادخلي يا نادية اعملي اللى قولتلك عليه
نادية / حاضر😒
حمدي ل داليا تعالي يا بنتي نتكلم جوه
دخلت داليا ووالدها اوضتها
حمدي/ أهدي كده وقوليلي ايه اللى حصل
داليا بتعيط وبدات تحكي لباباها
مجدي في البيت
أم مجدي/ مالك يا ابني ايه اللى مزعلك كده هي داليا معجبتهاش الشقة
مجدي والدموع في عنيه / لا يا ماما عجبتها
أم مجدي/ طيب في ايه ايه اللى مضايقك
مجدي / خايف داليا تروح مني 😭😭
أم مجدي بتقرب منه وتحضنه تروح منك إزاي يا ابني مالها داليا
حمدي / يعني دا كل اللي حصل
داليا / آه هو دا اللي حصل 😭 خلاص يا بابا مش عايزاه
حمدي/ أنا عارف يا بنتي انه غلط وأنا هقرص ودانه وكويس أنا كنت فاكر الموضوع أكبر من كده
داليا / تقرص ودانه ايه يا بابا انا خلاص مش عايزاه خليه يطلقني
دخلت نادية/طلاق ايه انتي اتجننتي الظاهر ابوكي دلعك زيادة عن اللزوم وقربت مندفعه ناحية داليا
حمدي / جرا ايه يا نادية اهدي شوية قولتلك قبل كده متحاوليش تمدي ايدك عليها
نامي دلوقتي يا بنتي وبكره نتكلم تصبحي علي خير
نادية وحمدي في اوضتهم
نادية / أنت موافقها علي اللى هي بتقوله
حمدي / لأ طبعاً بس لازم أدبه شويه علشان يعرف أن بنتنا مش لعبه
نادية / يا حمدي طيش شباب والواد مسافر كمان كام يوم ويمكن غلط بس كويس إنها جت علي قد كده
حمدي/ عارفة يا نادية بنتك كبرت في نظري من موقفها مع مجدي عرفت أني ربيت صحيح واهو علشان يتعلم وميكررهاش
نادية/ طيب بس متكبرهاش في مخها بنتك لو فضلت علي عنادها هتخسره
مجدي بيتصل ب داليا مبتردش ويقفل ويحاول اكتر من مره تقفل تليفونها علشان ميتصلش تاني
في الصباح مجدي واقف قدام الجامعة منتظر داليا
نادية في البيت
قومي يا داليا اتاخرتي يا بنتي مش ناويه تروحي الجامعة النهاردة
داليا/ لأ يا ماما تعبانه ومش قادرة
التليفون بيرن في الصالة تخرج نادية ترد
نادية / ازيك يا ابني... لأ داليا مرحتش النهاردة ...نايمه...خلاص يا ابني تنور
حمدي جاي من بره
هي داليا لسه في اوضتها
نادية/ آه تعبانه شويه
حمدي/ مالها
نادية/ متتخضش كده هي كويسه بس مش قادرة تخرج خليها ترتاح النهاردة
نادية/ هتتغدا ولا تستني شوية
حمدي / لا حطي الأكل وأنا هدخلها اصحيها يمكن تقوم تأكل معانا
جرس الباب يرن حمدي يفتح
اتفضل يا مجدي وقالها بفتور
مجدي /ازيك يا عمي داليا موجودة
حمدي/ طب أدخل الأول وبعدين أسأل علي داليا
مجدي يدخل مساء الخير يا طنط
نادية / مساء الخير يا ابني اتفضل اقعد
مجدي قاعد مرتبك
حمدي بدأ يتكلم داليا قالتلي علي كل حاجة
مجدي خجلان / أنا آسف يا عمي علي اللى حصل مكنش قصدي وأنا جاي اعتذر ل داليا
داليا نايمه جوه نادية بتصحيها مكنش دا العشم يا مجدي
قومي يا بنتي مجدي قاعد بره وجاي يعتذرلك
داليا أول ما سمعت إسم مجدي خرجت زي ماهي بلبس النوم
اتفاجيء مجدي ب داليا وهى كده
داليا/ انت جاي هنا ليه عايز ايه خلاص كل اللي بينا انتهي
حمدي/ اهدي يا بنتي وخلينا نقعد نتفاهم
حمدي بيحاول يقعدها داليا لسه واقفة
داليا / طلقني يا مجدي لو عندك كرامة طلقني
نادية/ عيب يا بنتي كده ميصحش
داليا / خلوه يطلقني أنا بكرهه بكرهه
مجدي واقف مصدوم
داليا انتي لو سبتيني هموت 😭😭 علشان خاطري بلاش
علشان خاطر باباكي أنا عارف بتحبيه قد ايه اقعدي نتفاهم مستعد تعملي فيه أي حاجة بس بلاش كلمة الطلاق دي
داليا / طلقني قبل متسافر أنت فاهم
حمدي/ اقعدي يا بنتي نتكلم ولا مش عامله ليه إعتبار
ودخلت داليا اوضتها ودخلت والدتها معاها
حمدي / اتفضل أنت يا ابني وأنا هتفاهم معاها
وخرج مجدي دخل حمدي ل داليا
حمدي / ايه يا داليا مفيش إحترام ليه عماله تزعقي ولا كأني موجود
داليا / أنا آسفة يا بابا بس أنا مصره أنه يطلقني خلاص كرهته
تاني يوم مجدي ووالدته بتغدوا
أم مجدي / هتوحشني يا ابني هرجع من تاني اقعد لوحدي
مجدي / هحاول يا ست الكل ابعتلك تقعدي معايا
أم مجدي / لا يا ابني مش عايزة اضايقكو علشان تاخد راحتك انت ومراتك
مجدي افتكر داليا هو اصلا منسهاش
نادية / خلاص يا حمدي هو مسافر وبنتك بكره تنسي ولما يبعد عنها هتشتقلوا واهي فترة الدراسة دي هتنسيها لحد ما يبعتلها
حمدى/ مش عارف اعمل ايه بنتك مصممه
نادية / أنت ناوي علي ايه
مجدي التليفون يرن يقوم يرد
بفرحه أهلا يا عمي / داليا عامله ايه هااا مسافر طيارة 9 الصبح
إن شاء الله
حمدي/ توصل بالسلامة خلاص جهز نفسك وهات المأذون النهاردة بالليل
😭😭😭😭😭😭😭
توقعاتكو ايه اللى هيحصل
ومين صعبان عليه مجدي
ومين موافق داليا علي قرارها 💔💔
أنت تقرأ
أحببته كثيراً💙💚
ChickLitهل سينتصر الحب أم دوافع الانتقام سوف تجعله ينتهي للأبد أحببته كثيراً قصه اجتماعية واقعيه
