أحببته كثيراً💙💚

الحلقة ١٢

#احببته_كثيراً
#بوسى_مصطفى

الحلقة الثانية عشر :-

عايدة ل لؤي / تأكل كويس متاكلش بره البيت خليها تطبخ في البيت

لؤي/ حاضر يا ماما

عايدة / كمان متخليهاش تترسم عليك علشان بتشتغل أنت راجل البيت

لؤي/ حاضر يا ماما

محسن ل عايدة / مش كفاية كده رغي سبيه يشوف ناقصة ايه
كان نفسى تحضر فرح اختك لكن هنعمل ايه شوف مصلحتك يا ابني

عايدة / اه وكمان في حاجات ناقصة اختك كتبتهم في ورقة لما تقبض اشتريهم ليها قبل الفرح

لؤي/ حاضر يا ماما بعد اذنكو عندي مشوار مهم قبل السفر

لؤي بيتصل ب داليا
داليا/ الو. ..لا فاضية. .ليه؟؟؟ هقول لبابا..ماشي سلام
نادية/ كان عايز ايه
داليا/ علشان متظلمهوش هيخرج يشتري ليه فستان

داليا خرجت لباباها كان واقف في البلكونة
واقف والدموع في عنيه في صمت
داليا قطعت الصمت ده. ...بابا

حمدي / تعالى يا بنتي قربت داليا. .كنتي عايزة حاجة
داليا / لؤي بيستاذنك نخرج نشتري فستان ليه
حمدي / خلاص يا بنتي مامتك تخرج معاكو

نادية جايه قربت منهم / أنا لأ مش فاضيه هظبطلك الشنط واشوف ايه اللي ناقصك مفيش وقت
حمدي / خلاص أنا هخرج معاكو. ..تعالي يا داليا عايزك جوه

نادية دخلت المطبخ تجهز الأكل

داليا في غرفة والدها يفتح الدولاب
تعالي يا بنتي قربي
ايه دا يا بابا
دا مبلغ بسيط كده تمشوا بيه نفسكو
لا يا بابا اكيد لؤي معاه فلوس
هتكسفيني يا داليا ودموعه نزلت
لا يا بابا مقدرش ومسحت دموعه
هتوحشيني يا بنتي
كفاية يا بابا بقي أنا هعيط منكو ماما تعيط وأنت كمان أنا هكلموا بإستمرار كأني عايشة معاكو
لا يا بنتي لملموا علي نفسكو علشان ترجعوا بسرعة متخليش الغربة تطول كفاية حتي كل جمعه تكلمينا تطمنينا عليكي

حاضر يا بابا هدخل البس لؤي علي وصول

داليا ولؤي
الفستان دا غالي اوي دا انا هلبسه مره واحده
لؤي/ مفيش حاجة تغلي عليكي
حمدي / خلي بالك منها يا لؤي معنديش اغلي منها في الدنيا😢😢 متزعلهاش ولو ضايقتك قولي وانا اقرص ودانها وقرب من داليا وهو بيمسح دموعه يقرص ودانها

داليا / خلاص بقي يا بابا الناس بتتفرج علينا
وضحكوا كلهم

في البيت
نادية مجهزة الأكل علي السفره

داليا بتلبس في اوضتها حمدي بيقفل الشنط
الجرس يرن

نادية / افتح يا حمدي أيدي مش فاضية
يفتح حمدي
لؤي ووالده ووالدته واخواته والماذون يدخلوا
حمدي يدخل ل داليا
خرجت داليا بخجل بعد لبس فستان الفرح ونظراتها ل لؤي كلها حب تبادلوا النظرات المأذون بطاقة العريس والعروسة