((((((الحلقة الخامسة)))))))
#احببته_كثيراً
#بوسى_مصطفى
***************
الحلقة الخامسة :-
في الجامعة داليا قعدة مع سوسن في الكافتريا يدخل عمر ولؤي
عمر / يا ابني يلا نشرب حاجة الجو برد وأنا خلاص مش قادر يعني الدكتور دا يجيبنا في البرد وفي الآخر يعتذر
لؤي مبيتكلمش
عمر / ايه يا عم مالك ساكت مش عوايدك تعالي بس نقعد نشرب حاجة قبل ما نخرج
سوسن بتكلم داليا
سوسن / الامتحانات قربت وأنا مفتحتش كتاب
داليا / بقولك ايه يلا نخرج أنا مخنوقة ومش قادرة اقعد هنا
داليا وسوسن خارجين
داليا ماشية بسرعة تقابل لؤي في وشها تكمل طريقها عادي
سوسن/ لا انتى فيكي حاجة مش طبيعية النهاردة
داليا / انا هتخطب قريب
سوسن / انتي بتقولي ايه. ...ولؤي يا داليا
داليا / خلاص يا سوسن كل حاجة إنتهت
تابعت كلامها مفيش اصلا قصة حب بتنتهي نهاية سعيدة دي كلها نهايات بنشوفها بس في الروايات
سوسن / وهتقدري علي قلبك انتي بتضحكي علي نفسك السكينه سرقاكي وفاكرة إنك تقدري تنسي متظلميش لؤي
داليا/ لؤي معملش حاجة تثبتلي أنه بيحبني وخلاص دي كانت صفحة في حياتى والأيام بتنسي
😢😢
داليا في البيت
حمدي / تعالي يا بنتي مجدي كلمني النهاردة وقال جاي بكره وبيقولي نقرأ الفاتحة
داليا / أنا موافقة يا بابا
حمدي/ موافقة يعني ايه هو أنتي لسه شوفتيه
داليا / معلش يا بابا أنا هدخل أنام لأني تعبانه
نادية / مالك يا حمدي أنت بتكلم نفسك
حمدي / أدخلي لبنتك كلميها وشوفيها مالها أنا مش مطمن
نادية / مالها داليا ما هي كويسه وزي الفل
حمدي / بقولك مش مطمن كلامها غريب كده وحاسس بحاجة في موضوع موافقتها علي العريس ده
تاني يوم
نادية داخله ل داليا
ايه دا يا بنتي لابسه طقم غامق ورويني كده خدي حطي حاجة في وشك هتخرجي لعريسك كده
داليا / دي طبيعتي ومسحت الروج قولتلك يا ماما مبحبش الحاجات دي
نادية / لا دا لو قاصده تطفشية مش هتعملي كدة
وكانت خالته بتنادي علي نادية
امال عروستنا فين
نادية / ثواني بتلبس وجايه
وقتها داليا خرجت
خالته / ما شاء الله قمر من غير حاجة
مجدى شافها كان فرحان وخصوصاً إنها علي طبيعتها من غير ميكب
ولبست داليا الدبله كان مكتوب عليها مجدي ودبلة مجدي بأسم داليا
خرج مجدي خاتم الماظ نادية من الفرحة اخدت الخاتم ولبسته ل داليا
مجدي/ أنا اختارته علي ذوقي لكن شبكتها هي اللى هتختارها
علي ذوقها
حمدي واقف بعيد بيراقب الموقف وحاسس ببنته وكأنها مجبره علي الخطوبة دي
مجدي قرب من حمدي
مجدي / لو سمحت يا عمي ممكن أخرج أنا وداليا نتعشي بره
حمدي / وماله يا أبني مفيش مانع
وتابع كلامه يلا يا نادية جهزي نفسك علشان نخرج كلنا
مجدي واقف مش قادر يمسك نفسه من الغيظ
خلصت السهرة ورجعوا البيت
حمدي ل داليا استني يا بنتي عايزك
نعم يا بابا
"مالك يا داليا شكلك مش مبسوط يابنتي لو مش موافقة علي" مجدي قوليلي أنا عمري ما غصبت عليكي في حاجة "
"ليه يا بابا بتقول كده مجدي شاب كويس وبيحبني ودا كفاية "
"وأنتي يا داليا
أنا ايه ؟
بتحبيه؟!
انا قولتلك يا بابا كفاية أنه بيحبني تصبح علي خير عندي إمتحان الصبح
في الصباح
نادية / داليا استني
داليا/فيه ايه يا ماما هتاخر عندي إمتحان
نادية/ فين الخاتم ملبستهوش ليه
داليا / يا ماما انا رايحه الجامعة خاتم ايه اللي البسه بس
ودخلت نادية اوضة داليا
البسي لازم الكل يعرف أنك اتخطبتي ويشوف خطيبك جايبلك ايه
في الجامعة
عمر/ نتيجة المسألة دي طلعتها كام
لؤي/ 64
عمر / يا نهار أبيض دي طلعت معايا 102
لؤي بيضحك / هههههه ودي طلعتها إزاي
عمر / أنا عارف بقي خلاص يا عم مش عايز اراجع اللي اتكتب اتكتب
لؤي / بس استني عايز اتأكد من السؤال ده
عمر / يا عم اسكت بقي اعصابي تعبت استني شوف مين جاي
وكانت داليا وسوسن خارجين من الإمتحان من لجنة تانية
عمر/ شوف يا عم قلة الأصل ماشيين لا سلام ولا كلام
سكت ومتكلمش
عمر / أنا لمحت في ايدها دبله
لؤي / أنت بتقول ايه
عمر / استني يا أبني رايح فين
كان لؤي مندفع ناحية داليا وسوسن
لؤي بينادي / داليا ...داليا
سوسن / داليا اوقفي شوية شوفيه عايز ايه
كان وقتها مجدي بره الجامعة واقف مستنى داليا
داليا مقربه ومجدي بيقرب لؤي لسه بينادي وسكت
شاف داليا واقفة مع مجدي
مجدي / طمنيني عملتي ايه في الامتحان
داليا / كويس الحمد لله
سوسن / خلاص يا داليا اتصلي بيه لما تروحي البيت
داليا ركبت العربية مع مجدي
كل ده ولؤي واقف مراقب الموقف دموعة تنزل يمسحها بسرعة
😭😭😭
***************
أنت تقرأ
أحببته كثيراً💙💚
ChickLitهل سينتصر الحب أم دوافع الانتقام سوف تجعله ينتهي للأبد أحببته كثيراً قصه اجتماعية واقعيه
