((((((الحلقة الثالثة )))))))
#احببته_كثيراً
#بوسى_مصطفى
***************************
الحلقة الثالثة:-
******
نادية بتخبط علي باب اوضة داليا
داليا/ أدخلي يا ماما
نادية/ ايه كنتي نايمة
داليا/ لأ كنت لسه بحاول انام
نادية/ عايزة اكلمك في موضوع ومتقطعنيش زي كل مرة وسبيني أكمل كلامي للآخر
داليا/ حاضر يا ماما بس ياريت ميكونش ليه علاقة بموضوع العرسان لأني حاسة بكدة
نادية/ ايوة ومتتكلميش سبيني أخلص كلامي متقدملك عريس يبقي أبن اخت جارتنا أم محمود شاب كويس وشغال بره مصر عنده شقة وعربية وقال لخالته هي بس تاشر وأنا انفذلها كل طلباتها
داليا/ ودا شافني فين 😠
نادية/ يا بنتي الواد هيتجنن من ساعة ما شافك وكلم خالته وهي مكدبتش خبر وجت قالتلي
داليا/ خلصتي كلامك يا ماما
نادية/ خدي وقت في التفكير هو قدامه شهرين ويسافر يعني تفكري في الوقت ده وهو مستعد يكتب الكتاب دلوقتي ويسافر ويبعتلك لما تخلصي إمتحانات
داليا / ماما بس أنا متقدملي عريس
نادية/ ودا شغال ايه وعرفتيه فين
داليا/ دا واحد زميلي شاب كويس يا ماما هو متردد بقاله فترة يتقدم
نادية/ زميلك ؟!!😏 يعنى لسه بياخد مصروفة من والده
أنا اقولك عريس مسافر بره وشقة وعربية وأنتي تقوليلي زميلي أنتي عايزة تجنيني
داليا/ لكن دا اللي بحبه متجوزش أنا واحد معرفوش أعيش معاه من غير مشاعر ولا حب
نادية/ يا بنتي الحب دا بيجي بعد الجواز أما حب قبل الجواز دا لعب عيال لما يتقفل عليكو باب واحد وتعيشي معاه ويكون نفسك في حاجة وميقدرش يجبها ساعتها هتكرهي الحب اللي خلاكي تتجوزيه اسمعي كلامي انا أمك عايزة مصلحتك
داليا / لأ يا ماما لأ مش هتجوز الراجل ده
نادية / أنتي الظاهر ابوكي دلعك زيادة عن اللزوم عايزة حد يكسر دماغك الناشفه دي وكان صوتها عالي
خرج حمدي بسرعة يشوف في ايه
تجري داليا عليه بعد ما مامتها قربت منها وكانت عايزة تضربها
داليا / الحقني يا بابا
حمدي / انتي اتجننتي يا نادية عايزة تضربيها ما عاش ولا كان اللي يمد أيده علي بنتي وأنا عايش علي وش الدنيا
داليا بتستخبي في باباها ببطبطب عليها
نادية/ شوف بنتك بكلمها علي العريس تقوم تقولي مش عايزاة وبتحب واحد تانى
أنت تقرأ
أحببته كثيراً💙💚
ChickLitهل سينتصر الحب أم دوافع الانتقام سوف تجعله ينتهي للأبد أحببته كثيراً قصه اجتماعية واقعيه
