#احببته كثيراً 2
#بوسي
الحلقة الثالثة :-
عاد مجدي الي المنزل مازالت والدته مستيقظة
"ايه يا ابني اللي أخرك كده"
"مفيش يا ماما كنت زهقان شوية نزلت قعدت مع صحابي علي البحر "بعد ما خلصت شغل في المكتب
"ما لو مراتك صاحية وفايقة وواخده بالها منك مكنتش تزهق وتخرج "
"علشان خاطري يا ماما مدخليش داليا في كل حاجة لو زهقان يبقى داليا السبب لو تعبان يبقى داليا السبب "
"مبطيقش عليها الهوا ياريت تكون بتحبك زي ما بتحبها"
"ومين يا ماما قالك انها مبتحبنيش "
"امال محملتش ليه لغاية دلوقتي "
"كل ما تشوفيني تسأليني نفس السؤال واحنا معداش علي جوازنا شهرين أنا داخل انام تصبحي علي خير يا ماما "
يعني مراتك مبتشوفش الواد اللي كانت متحوزاه في الشغل
وايه لازمة الكلام دا يا ماما
دخل مجدي اوضته والدته بسرعة وقفت عند الباب
مجدي شغل نور الغرفة
داليا استيقظت
مجدي / آسف يا حبيبتي مخدتش بالي
داليا / انا هلكانه وعايزة انام
ليه منمتيش أول ما دخلتي الاوضة
لأ أصلي. ...داليا بتشاور ناحية الباب
مجدي / فيه ايه يا داليا
داليا / حاسة إن في حد واقف قدام الباب
مجدي إبتسم / هو في حد غيرنا وماما في البيت باين عليكي النوم تصبحي على خير
في الصباح
مجدي و والدته قاعدين بيفطروا
ام مجدي / هي مراتك نايمه لحد دلوقتي ليه يا ابني
مجدي / تعبانه شوية يا ماما
أم مجدي / ليه خير مالها
مجدي / مفيش بس دا يوم اجازتها علشان خاطري متصحيهاش سبيها نايمه
نزل مجدى لشغله الباب اتقفل بسرعة أم مجدي كعادتها دخلت فتحت باب اوضة داليا
أم مجدي تصحي داليا بتمسكها من ايدها
تقوم داليا بفزع / في ايه يا ماما
قومي يا بنتي من النوم دا احسن حاجة الواحد يصحي بدري وقربت من الشباك تفتحه
علشان خاطري يا ماما خليني انام شويه انا تعبانه
لأ قومي كده بلاش دلع امال عندنا ترويق ومسح الشقة دا غير أني هقولك علي الأصناف اللي مجدي بيحبها كلها وتعمليها
أنت تقرأ
أحببته كثيراً💙💚
Chick-Litهل سينتصر الحب أم دوافع الانتقام سوف تجعله ينتهي للأبد أحببته كثيراً قصه اجتماعية واقعيه
