أحببته كثيراً💙💚

الحلقة الثامنة

***********************
الحلقة الثامنة:-
#احببته كثيراً 2
#بوسي

لؤي ل داليا / انا عازم كل الزمله علي سبوع مالك عايزك تشرفينا

مريم بسخرية / لأ أحنا اللي اتشرفنا بمعرفتك واتفضل بقي عايزين نشتغل

خرج لؤي وهو محرج
مريم ل داليا / انتي ساكته مبترديش عليه ليه
داليا / ارد أقوله ايه
مريم / تصديه توقفيه عند حده سكوتك هيفسره حاجة تانية
داليا بغضب / قصدك ايه يا مريم
مريم / انا آسفة يا داليا انتي عارفة بحبك قد ايه وخايفة عليكي
داليا / متخافيش انا اعرف اوقفة عند حده لكن في الشركة لو كلمته واتخانقت معاه الزمله هيقعدوا يتكلموا ويعملوا منها حكاية وبسكت يمكن يفهم سبب سكوتي
مريم / تصرفك غريب بصراحة اقولك قفلي علي سيرته أفضل وقوليلي مجدي كويس معاكي
داليا / كويس اوي لكن
مريم / لكن ايه
داليا / مامته كل ما تشوفني تقولي مفيش حاجة جاية في السكه حوشوا علشان ولادكو مش ناويه تفرحينا بنونو يملأ علينا البيت

مريم / انتي عارفة الدكتورة اللي كنت قولتلك عليها قبل كده
داليا / آه فاكراها بس كانت مسافرة
مريم / رجعت من السفر ايه رأيك نروحلها النهاردة
داليا / ازاي انا مش عايزة مجدي يعرف
مريم / ليه يا داليا ما هو مفروض يكون معاكي
داليا بحزن / لأ بلاش انا مش عايزة اروح للدكتورة
مريم / خلاص اتصلي بيه وقولي إنك تعبانه وانا ومريم عند الدكتور بنكشف
داليا / تفتكري هينفع
مريم / هينفع بس يلا إتصلي دلوقتي

داليا مسكت التليفون اتصلت ب مجدي
وقالتله اتخض عليها وقالها انا جاى دلوقتي حالاً
ارتبكت داليا وقالتله إنها خلاص هتدخل دلوقتي للدكتورة وهو يجي في ميعاده عادي

مريم / كده كويس علشان متكونيش كذبتي عليه
داليا ومريم خرجوا من الشغل قبل ميعاد إنتهاء العمل
داليا قاعدة متوترة مريم بتحاول تهديها

العيادة زحمة جداً
داليا / كده هنتاخر يا مريم ومجدي زمانه علي وصول
مريم / مفيش هنا كشف مستعجل زي مصر علشان ندخل علي طول هنعمل ايه مضطرين ننتظر
فاتت حوالي ساعة

دخلت داليا ومريم غرفة الطبيبة
داليا ومريم / السلام عليكم
الطبيبة  بابتسامه/ وعليكم السلام مين فيكو داليا
ردت داليا / ممكن اخد منك شوية بيانات
اتفضلي / متجوزة من أمتي / 6 شهور لكن كنت متجوزة قبلها

الطبيبة / قد ايه / سنه ونص
محصلش حمل ولا مره / لأ
اطلعي علشان اكشف عليكي
بعد الكشف السؤال المعتاد

مريم / خير يا دكتور
الطبيبة وهي مترددة / في مشكلة هتخلي الحمل شبه مستحيل
داليا ومريم واقفين في ذهول مفيش كلام

تابعت الطبيبة هكتبلك شوية تحاليل عايزة اتأكد من حاجة
خرجت داليا ومريم قعدوا فى غرفة الإنتظار

داليا كانت بتعيط بعد ما اتأكدت من صعوبة الحمل عندها وتقريباً
نفس كلام الدكتورة اللي في مصر

مريم / اهدي يا داليا مجدي جاي بلاش يشوفك كده أو يعرف حاجة إلا بعد ظهور نتائج  التحاليل إن شاء الله خير

داليا مستمرة في البكاء مريم قاعدة بجوارها
خلاص ياحبيبتي إن شاء الله مفيش حاجة والتحاليل هتكون زى الفل
داليا بصوت مخنوق / وكلام الدكتورة
مريم / مش عارفة بس بقول منسبقش الأحداث واهو يومين ونرجع ليها تاني تشوف التحاليل

كان مجدي جاي ناحيتهم وعينه ل داليا اللي كان واضح فعلاً إنها تعبانه ودا بسبب إنها كانت بتعيط
مجدى بلهفة / في ايه يا داليا تعبانه من ايه
مريم بغمز ل داليا / مفيش كانت تعبانه شوية وكشفت الدكتورة طمنيتنا
مجدي / ادخل لها اطمن
داليا / لا لا انا كويسة يلا علشان مريم اتاخرت
مجدي / أنا آسف يا مدام مريم اخرنا حضرتك
مريم  لا مفيش تأخير ولا حاجة داليا اختي

طول الطريق داليا بتفكر في كلام الدكتورة مع كتر التفكير دماغها بتصدع

وصلوا البيت داليا جري علي غرفتها رمت نفسها علي السرير من التعب

مجدي لبس هدومة بسرعة و
خرج لمكتبة لأنه كان متأخر

ام مجدي قاعدة لوحدها شغلت التليفزيون شوية وزهقت دخلت البلكونة وقفت شوية شعرت بملل

دخلت ل داليا تصحيها علشان تقعد معاها تونسها
داليا قومي يا بنتي اقعدي معايا أنا زهقاتة
داليا بتفتح عينها وماسكة بطنها

أم مجدي / انتي تعبانه ولا ايه
داليا / مش عارفة يا ماما ألم جامد في معدتي مش قادرة اتحمله
أم مجدي بفرحة / يمكن في حمل
داليا سكتت
أم مجدي / تعالي اقعدي معايا بره يمكن الوجع يروح ولما يجي مجدي يكشف عليكي يشوف ايه سبب التعب ده
خرجت داليا وهي متعبه قعدت تتفرج علي التلفزيون مع أم مجدي
أم مجدي / قومي يا داليا اعمللنا حاجة نشربها
قامت داليا دخلت المطبخ
أم مجدي دخلت قامت بعدها علي طول
بقولك يا داليا هو احنا طول ما قاعدين بره مكلمتنيش كلمة امال لما كنتي بتقعدي مع مامتك بتتكلموا فيه ايه
داليا / ولا حاجة يا ماما عادي كنت بتكلم عن يومي في الجامعة أصحابي حاجات من دي
أم مجدي / طب ليه مبتحكليش عن شغلك وزمايلك هو انا مش زي مامتك
داليا يتعب / طبعاً يا ماما
ومسكت بطنها تاني
اتفضلي يا ماما القهوة مش قادرة امسكها حاسة إنها هتوقع مني
أم مجدي اخدت منها الصنية وخرجت للصالة
داليا شعرت بألم اقوي من قبل كده
أم مجدي بتنادي / يلا يا داليا ايه يا بنتي بتعملي ايه عندك
داليا بتصرخ في المطبخ
تجري عليها أم مجدي

*************************