#احببته كثيراً
#Bosy
الحلقة الرابعة :-
مجدي جاي من الشغل
السلام عليكم يا ماما
وعليكم السلام ايه يا ابني كل ده
مجدي بابتسامة دي حاجات ليكي انتي وداليا
أم مجدي بضيق آه
هي داليا فين يا ماما
نايمه جوه
نايمه من الصبح
لا يا ابني لسه داخله من شوية هي صاحية من بدري
تعالي بقي شوف الأصناف اللي طبختهم مراتك
بجد! !!
آه يا ابني هي اللي طبختهم
ادخل بقي صاحيها من النوم علشان نأكل كلنا مع بعض
دخل مجدي ل داليا
داليا يلا يا حبيبتي علشان تأكلي
مليش نفس أنا تعبانه وعايزة انام
في ايه يا داليا كل أما اكلمك تقولي تعبانه
قامت داليا وقعدت علي السرير
آه تعبانه علشان والدتك صحتني الصبح بدري اروق وامسح واطبخ وانت عارف دا اليوم اللي برتاح فيه
معلش يا حبيبتي تعالى بردو اقعدي علشان نفسى تتفتح
قولتلك تعبانه. .تعبانه
خرج مجدي تاركاً داليا لتنام
ام مجدي / مجتش بردو خليك مدلعها كده
الأكل مفيهوش غصب يا ماما وهي تعبانه قالت مش هتعرف تأكل
ام مجدي بسخرية / هي قالتلك تعبانه ومش هتقدر تأكل ولا
عالت صوتها عليك انا لو منك كنت قطمت رقبتها
قام مجدي / تصبحي علي خير يا ماما
ودخل اوضته داليا نايمه ينظر لها بحب كأنها طفلته الصغيرة لا
يغضب منها أبداً فهو يحاول أن يمتص غضبها دائماً 😍
في الصباح
داليا في المكتب
مريم / صباح الخير يا داليا
داليا / صباح الخير يا مريم ايه اللي آخرك كده
مريم / مي يا داليا منيمتنيش طول الليل
داليا / ليه يا حبيبتي مالها
مريم / حرارتها عاليه ولوز وطول الليل عياط مفصلتش
داليا / لا الف سلامة عليها وجعتي قلبي
مريم / طب ماتيجى معايا تشوفيها نستأذن آخر ساعة في الشغل وهرجعك تاني
داليا / هقول ل مجدي
مريم / انتي مجنونه عايزة تقوليلو اكيد هيرفض
أنت تقرأ
أحببته كثيراً💙💚
ChickLitهل سينتصر الحب أم دوافع الانتقام سوف تجعله ينتهي للأبد أحببته كثيراً قصه اجتماعية واقعيه
