أحببته كثيراً💙💚

الحلقة التاسعة

#احببته كثيراً
#بوسي

الحلقة التاسعة:-

داليا مازالت بتصرخ من الألم أم مجدي مش عارفة تعملها ايه
اطلعي من المطبخ الأول علشان اشوف اعملك ايه
مش قادرة أقف معدتي بتتقطع همووووت
اعملك ايه انا دلوقتي لا قادرة اشيل ولا أسند تعالي علي نفسك بس واطلعي

داليا مع محاولات كتير تقوم ومن شدة الألم تقعد تاني في الأرض أم مجدى من كتر صوت داليا متوترة ومش عارفة تعمل ايه

مسكت التليفون ودخلت ل داليا اللي كانت وصلت اوضتها بالعافية خدي يا بنتي طلعيلي رقم مجدي مش عارفة اشوفه

قربت داليا ومسكت تليفونها واتصلت شاورت داليا لحماتها إنها تتكلم لأنها مش قادرة

جرس مفيش رد / اتصلي تاني يا داليا
داليا بتصرخ من الألم مش قادرة يا ناس حد ينجدني هموت خلاص
أم مجدي / الو
مجدي / داليا مش هعرف أكلمك دلوقتي اقفلي هكلمك بعدين
أم مجدي / ايوه يا ابني
ماما؟ ؟!!!فيه ايه
في الوقت دا داليا بتصرخ
داليا مالها يا ماما فيه ايه اوعى تكوني ضربتيها زي قبل كده
أم مجدي بضيق من كلام مجدي / تعالي مراتك تعبانه وعماله تصرخ
مجدي / فيها ايه
معرفش ماسكه بطنها ومبطلتش صوت وانا اعصابي تعبت وخايفة الجيران الاقيهم بيخبطوا علي الباب
مجدي / طيب يا ماما انا جاي بس اعمليلها أي حاجة سخنه تشربها يمكن تهدي لما اجي
قفل مجدي مع والدته
دخل لمكتب معتز
معتز الأوراق دي راجعها وعايز تقرير بكره علي مكتبي بأهم النقط فيها علشان نمسك خيوط القضية
اقفل المكتب
ليه انت خارج
اه نتقابل بكره في المحكمة وخرج مجدي بسرعة مستقل سيارته

اما داليا فمازال الألم موجود
خدي يا بنتي اشربي دا يمكن ترتاحي
داليا بصوت ضعيف من كثرة الصراخ / مش قادرة اشرب حاجة اتصلي تاني ب مجدي
أم مجدي بضيق / هو جاي في الطريق مش كل شوية نتصل خاليه مركز في طريقة

وصل مجدي الشقة فتح الباب بسرعة
أم مجدي / على مهلك يا ابني هي نامت
مجدي دخل جوه ل داليا
بيحركها داليا. ..داليا
متخافش هي نامت بعد ما طلعت روحي
خرج مجدي من الاوضة وقعد ياخد نفسه
أم مجدي / البت نامت ولا كأن فيها حاجة معرفش كانت بتمثل علينا ولا ايه
مجدي مبيتكلمش
ايه يا ابني مالك
مفيش يا ماما انا داخل تصبحي علي خير

في الصباح
مجدي بيلبس هدومه وخارج من الغرفة
داليا بتفتح عينها قرب منها مجدي
أيه يا داليا عامله ايه دلوقتي
الحمد لله
مجدي بضيق / كان في مالك بالليل
كنت تعبانه شوية
مجدي بغلظة / اممم كنتي تعبانه وجيت جري ولاقيتك نايمه
في ايه يا مجدي بتكلمني كده ليه
مش عارف بجد يعني عماله تصوتي طول الليل وفي الآخر ارجع الاقيكي نايمه مفيش حاجة افسر دا بأية
انا هلبس علشان اتاخرت علي الشغل
مفيش شغل النهاردة يا داليا
ليه انا كويسة
مجدي بضيق ونفاذ صبر / البسي وانا نازل أشغل العربية وخلصي بسرعة
نزلت داليا وطول الطريق مجدي مبيتكلمش معاها ونزلت داليا مكلمهاش بردو واتحرك بالعربية من قدامها بسرعة

مريم / ايه يا داليا وشك أصفر انتي لسه مضايقة من امبارح
داليا / مفيش معدتي بس بتقلب عليه كل شوية
مريم / أنا قولتلك قبل كده لما تعبتي لازم تكشفي

مجدي بيتكلم في التليفون
لا ملوش لازمة. ..عزومة ايه بس يا استاذ
خايف علي تعبكم طبعاً مش بخل ولا حاجة لا مقدرش علي زعلك طبعاً حاضر مع السلامة

إحدى الزميلات

أستاذ لؤي هي مديحة لسه في  المستشفي
لؤي / لأ خرجت من يومين
الزميله / كنا بستأذن علشان نباركلها
لؤي / تنورونا
قرب علاء ل لؤي
ايه بقالك كام يوم مفيش سهر القعدة وحشة من غيرك
لؤي / مش شايف كل شوية ناس تيجي تبارك وطلبات ولازم أكون موجود في البيت بس خلاص من بكره بقي ارجع لحياتي اتخنقت اوي اليومين اللي فاتوا
علاء / يا عم النظرة في عيون ابنك بالدنيا كلها
لؤي / فعلاً تصدق إحساس جديد كده أول مره احسه من يوم ما ابني شرف هههه
علاء / لا لا متقولش هكون أب ملتزم والكلام دا خلينا كده كويسين

في المساء
مازال مجدي لا يتحدث مع داليا
داليا بعد ما جت من الشغل واقفة في المطبخ
مجدي خارج من اوضته
أم مجدي / ايه يا ابني خارج ؟؟
مجدي / عايزة حاجة اجيبها معايا وانا جاي يا ماما
لا يا حبيبي اقعد اتغدا داليا بتخلص الأكل في المطبخ
لا يا ماما مش هقدر استني هتاخر

داليا خرجت من المطبخ بالأكل بتظبط السفرة
أم مجدي / كلي انتي يا بنتي انا داخله انام
ليه يا ماما أنا خلصت الأكل
اعملي علي قدك انا داخله انام ومجدي خرج

داليا باندهاش 😳/ خرج!!!!!

        *********************