أحببته كثيراً💙💚

الحلقة ٢٣

#احببته_كثيراً 2
#بوسى_مصطفى

الحلقة 23:-
~~~~~~♡~~~~~~
مجدي / أكيد بتهزري يا ماما ههه عروسة ليه انا
أم مجدي / انا مش عيله علشان اهزر في مواضيع زي دي
مجدي/ يعني ايه مش فاهم
أم مجدي / يعني تتجوزها واهو نعرفها لا هنسأل عليها ولا حاجة
مجدي / مش بقول حضرتك بتهزري اتجوز ايه يا ماما ما انا متجوز
أم مجدي / انت بتسمي دي جوازة
كل شوية تقعد تصرخ ونجري بيها في الآخر تقوم ولا كأن في حاجة وبعدين تعالى قولي بقي مكشفتش ليه
مجدي /'كشفت يا ماما
أم مجدي /هااا والدكتورة قالت ايه
مجدى / كويسه مفيش أي مانع للحمل
أم مجدي/ امال محملتش ليه الموضوع في حاجة معدتها اللي كل شوية تتبعها وإنها مش مضايقة من عدم الحمل لغاية دلوقتي محسسني إنها مبتخلفش
مجدي/ لا يا ماما انا اللي
عندي مشكلة
أم مجدي/ بتقول ايه مش مصدقاك
مجدي / هو الموضوع دا فيه كذب يا ماما
أم مجدي قعدت من الصدمة
مجدي/ علشان خاطري متفتحيش الموضوع دا تانى لا معايا ولا مع داليا تصبحي علي خير
أم مجدى / مش مصدقة معقولة يعني خلاص ابني 😭
ودخلت اوضتها تبكى
~~~~~~~~♡~~~~~~~~
مجدي ل معتز في التليفون
مجدي / باشرالقضية اللي قولتلك عليها وكمان في ميعاد ياريت تلغيه راجع المواعيد عند السكرتارية واتصل ألغى كل المواعيد
معتز / قلقتني يا مجدي في حاجة
مجدى / لا أنا تعبان  شوية مش هقدر اشتغل خالص ولا أركز في حاجة
معتز / خلاص ولا يهمك المكتب هيشتغل كأنك موجود بالظبط
~~~~~~~♡~~~~~~~
في الصباح
مجدي يستيقظ من نومه يرتدي ملابسه
داليا بتفتح عيونها / كده متصحنيش استني بقي لما البس
مجدي قرب منها / صباح الخير
داليا / شكلك تعبان
مجدي / لا أبداً مش تعبان ولا حاجة وبلاش تخرجي النهاردة
داليا / ليه يا مجدي الشغل هو اللي بيسليني
مجدي / مش ناقص توقعي زي امبارح يا داليا انا بقول بلاش شغل خالص
داليا / وانا قولتلك قبل كده الشغل مهم بالنسبه ليه
مجدي / لو تقصدي مامتك انا هبعتلها ضعف المبلغ اللي بتبعتيه بس بلاش شغل يا داليا
داليا بأنفعال / انت بقي عايز تقعدني في البيت وتذلني
مجدي باندهاش / انا يا داليا انا ايه اللي في كلامي زعلك بقول بلاش شغل يعني مليش كلمة في بيتي
داليا / قول بقي كده كلام الست والدتك ظهر أهو
محدي/ انا هسكت بس علشان أنتي تعبانه
وخرج مجدي من غرفته
~~~~~~~♡~~~~~~~~
مريم قاعدة في المكتب لوحدها زهقانه داليا مش موجودة معاها
امسكت الهاتف تتصل ب مجدي😨
مجدى في طريقة للشركة وهو منفعل ومخنوق التليفون يرن
الو  مدام مريم خير في حاجة
مريم / كنت عايزة اقابلك بكره في المكتب
مجدي/ ليه حضرتك قولتلك كل حاجة بخصوص مشكلتك
مريم / لأ انا عايزة اكلمك فى موضوع تاني
مجدي / خلاص هشوف مواعيدي بكره وارد عليكى
مريم / هي داليا مش جايه النهاردة
مجدي / لا داليا  تعبانه شوية وقولت تقعد النهاردة في البيت
مريم / خلاص انا بعد الشغل هعدي اطمن عليها
مجدي / تشرفينا بعد اذنك علشان عندي شغل
وقفل التليفون والقاه بجواره علي الكرسي
ودي عايزة مني ايه
~~~~~~~~♡~~~~~~~~
بعد انتهاء العمل بالفعل ذهبت مريم ل داليا
أم مجدي رحبت بيها كعادتها لكن خلاص أمل إنها تتجوز مجدي مبقاش موجود
دخلت مريم ل داليا غرفتها
كانت داليا مضايقة من وجود مريم اللي أصبح مفروض عليها
قعدت مريم مع داليا شوية وبعدين أستاذنت وخرجت

أم مجدي في المطبخ
دخلتلها مريم أساعدك يا طنط في حاجة اعملها معاكي
أم مجدي بابتسامة / كتر خيرك يا بنتي هي داليا نامت ولا ايه
مريم / لا صاحيه يا طنط
وقربت مريم تساعد أم مجدي
وقعدوا يتكلموا ويفضفضوا لبعض
أم مجدي / عارفة يا مريم انا لو كان عندي ابن تاني كنت جوزتهولك
مريم ابتسمت وجواها فرحة وقالت لنفسها اكيد بتلمح ما هو أصل شكلها هي وداليا مبيرتاحوش مع بعض

وخلصت الغدا مع أم مجدي واستاذنت علشان متتأخرش علي مي ومامتها
~~~~~♡~~~~~
جه مجدي ودخل ل داليا يراضيها ويصالحها علشان متزعلش
داليا / انا مش ممكن ازعل منك ابدا يا مجدي لكن قلقانه علي ماما تعبانه شوية
مجدي/ بحد ومقولتيش ليه هو دا اللي ضايقك امبارح
داليا تهز رأسها
أم مجدي / يلا يا ابني علشان نتغدا مع بعض
خرجت داليا مع مجدي
أم مجدي / دوق بقي الأكل وقولي رأيك ايه
مجدي / جميل يا ماما تسلم ايدك
أم مجدي / مريم اللي طابخه
مجدي / وضع المعلقة تاني في الطبق
أم مجدي / ايه يا ابني مبتاكلش ليه
مجدي / مباكلش إلا من ايدك يا ست الكل وايد حبيبتي مراتي
أم مجدي بضيق / انت حر خليها تقوم بقي تعملك أكل
داليا / ليه يا مجدي زعلت والدتك
مجدي / لا يا داليا أنا مقصدش ازعلها وهدخل اصالحها
~~~~~~♡~~~~~~
أم مجدي قاعدة علي السرير
مجدي / خلاص بقي هتعملي زعلانه وقرب قبل يدها
أنا قولتلك يا ماما امبارح آخر كلام عندي لكن حضرتك عماله تلمحي بالكلام عليها ليه انا بحب مراتي وعمري ما هحب غيرها
أم مجدي / انت جاي تغيظني
مجدي/  ودا ايه اللي يغيظ فيه بس
~~~~~~~~♡~~~~~~~~
تليفون مجدي يرن
الو آه 6 ميعاد مناسب سلام
أم مجدي / مين يا ابني
دا شغل يا ماما
6 ايه اللي بتقوليه عليه
دا الميعاد اللي هتقابلني فيه في المكتب
ليه هي ست
آه يا ماما عادي يعني بنتعامل مع ستات ورجاله
طيب ياابني يدوب تلبس وتشوف شغلك انا هنام شوية
~~~~~~~~♡~~~~~~~~~
مجدي بيلبس
داليا / انت خارج
آه يا حبيبتي عايزة حاجة
لأ بس متتأخرش
مالك يا داليا تعبانه ولا ايه
داليا / قلبي مقبوض
مجدي / إن شاء الله خير
داليا / خلي بالك من نفسك
قبل يدها وخرج
~~~~~~~~♡~~~~~~~
في المكتب
معتز ل مجدي في مدام بره بتقول عندها ميعاد معاك دلوقتي
مجدى / آه خليها تدخل
معتز / هي ايه حكاية الست دي تاني مره تيجي خلال الأسبوع
ده
مجدي / مع إني مش فاهم سؤالك بس دي صديقة المدام  وعندها مشكلة
معتز / يا عم انت فكرت ايه انا بهزر معاك هدخلها واشوف شغلي سلام
دخلت مريم مترددة /مساء الخير
وقف مجدي احتراماً ليها
اتفضلي يا مدام مريم خير قلقتيني ايه الموضوع المهم اللي حضرتك عايزاني فيه بس استني بقي نطلب حاجة نشربها
~~~~~~~~~♡~~~~~~~~~
مريم بدأت تتحدث بتوتر
انا هبدأ كلامي بس ياريت تفهمني
مجدي بقلق / اتفضلي
مريم / انت عارف إن مريم صاحبتي وأختي وياما فضفضنا مع بعض وكل واحدة فينا كانت بتهون علي التانية
مجدي / مش فاهم ليه المقدمة دي بس هسمعك للآخر
مريم / بصراحة أنا عمري مااتصورت إني ممكن اتحط في الموقف ده بس قلبي هو اللي جانبي
مجدي بدأ بتوتر اكتر
مريم / انا بحبك يا مجدي
مجدي / 😳😳
~~~~~~~~~~♡~~~~~~~~~~
متابعة👍
انتظروا الحلقات الأخيرة