#احببته_كثيرا ٢
#بوسى_مصطفى
#Bosy
الحلقة الرابعة عشر :-
******************
داليا مازالت نائمة أم مجدي في المطبخ التليفون يرن
أم مجدي / الو ازيك يا مريم
سعاد / الحمد لله انتو اخباركو ايه
أم مجدي / داليا ورتنا ليلة امبارح
سعاد / ليه خير مالها داليا
كانت تعبانه شوية والحمد لله كويسة دلوقتي
لا الف سلامة عليها
وقفلت ام مجدي التليفون تكمل طبخ
سعاد قاعدة في الصالة تدخل مريم جايه من الشغل
السلام عليكم ايه يا ماما مالك في حاجة ولا ايه
لا يا بنتي انا كويسه هي داليا جت الشغل النهاردة
لا يا ماما مجتش ليه في حاجة
أصلي بكلم حماتها قالت إنها تعبانه
فعلا جوزها كلمني الصبح علشان استأذن لها
مش واجب يا بنتي نروح نزورها ونطمن عليها
لا يا ماما انا مش رايحه
ليه يا مريم هو لسه في حاجة في دماغك
مريم بارتباك/ لا يا ماما مفيش حاجة خلاص
طيب يا بنتي قومي البسي وصحي مي وننزل نشوفها
مريم علي مضض / حاضر
في منزل مجدي جرس الباب يرن
تفتح أم مجدي / يا اهلا وسهلاً اتفضلوا شرفتونا
تدخل سعاد ومريم ومي
أم مجدي تسلم عليهم وتحضن مي
مريم تبص حواليها وهي مضطربه
أم مجدي / اتفضلوا يا جماعة اقعدوا
سعاد / امال داليا فين
أم مجدي / في اوضتها ثواني وتيجي
سعاد / لا..لا خليها مستريحة
أم مجدي / خلاص اتفضلوا ادخلولها
دخلت أم مجدي ل داليا كانا صاحيه
داليا / خليهم يتفضلوا يا ماما
دخلت سعاد ومريم جريت مي علي داليا حضنتها
مريم وسعاد / ألف سلامة يا داليا
مريم قاعدة مرتبكه بتتفرج علي الغرفة وسرحانه
أم مجدي / اشوف الأكل علي النار وجاية بعد اذنكم
سعاد / ايه يا بنتي اللي حصل تعبانه من ايه
داليا / مفيش يا طنط تعب كده في معدتي بيجي ويروح لوحده
في ايه يا مريم مالك ساكته كده
مريم / لا أبداً مفيش حاجة هقول ايه يعني
الف سلامة يا داليا
باب الشقة بيتفتح مجدي دخل
أم مجدي خارجة من المطبخ في ايدها صنيه تلحقة قبل ما يدخل اوضته
مجدي / السلام عليكم في ايه يا ماما
أم مجدي / مريم ومامتها عند داليا جوه
مجدي / آه طيب
وقعد في الصالة خرجت مي احتضنها مجدي
مجدي بمزح /وحشتني و زعلان منك
مى ببراءة/ ليه يا عمو انا عملت حاجة
مبتساليش عني انا زعلان منك خالص
طب خلاص متزعلش قول بقي لماما تجيبني هنا علي طول علشان اشوفك
مجدى/ ههههه حاضر
سعاد / انا بقول نستاذن احنا
أم مجدي / مينفعش إزاي تمشوا كده علي طول لازم نتغدا مع بعض
مريم / غدا ايه يا طنط مش هينفع وغمزت لمامتها
داليا / ايه يا مريم مش تقعدي معايا شوية
سعاد / لا يا بنتي بس جوزك جه وعايز يرتاح في بيته شوية مينفعش احنا قاعدة بقالنا مده
أم / يستحيل تخرجوا دلوقتي انا هقول لمجدي اشوف ينفع اللي بتعملوا دا ولا رأيه ايه
سعاد ومريم ينظروا لبعض باندهاش
خرجت أم مجدي وقالت ل مجدي سعاد ومريم خارجين من الغرفة
مجدي / أهلا يا طنط ازيك يا أستاذة مريم
الحمد لله
مينفعش تخرجوا كده وكمان لسه مقعدتش مع مي ولا لعبنا مع بعض. ..قالها وهو مبتسم
سعاد / معلش يا ابني مره تانيه
أم مجدي / انتوا محرجين من مجدي ولا ايه
سعاد / لا ابدا بس بنقول
قاطعها أم مجدي / يبقى نقعد نتغدا مع بعض
سعاد وهي بتنظر ل مريم باستسلام/ خلاص يا بنتي نقعد
قعدت سعاد هي ومي
دخلت أم مجدي المطبخ ومعاها مريم
مجدي دخل ل داليا
عامله ايه دلوقتي يا حبيبتي
الحمد لله
أم مجدي بتنادي / يلا يا مجدي هات مراتك وتعالي
خرج مجدي وكان ساند داليا قاعدها علي الكرسي قرب منها الطبق مريم قاعدة ومراقبة كل حاجة
مي أصرت تقعد جنب مجدي أضطر مجدي يقعد في النص بين داليا ومي
أم مجدي / اتفضلوا يا جماعة
مجدي بيأكل داليا وبعدها يأكل مي وهو مبتسم ليهم
مريم قاعدة مبتاكلش شعرت بالغيرة إحساسها باهتمام مجدي ب داليا ضايقها حاولت تخبي ضيقها
قامت من علي السفرة
أم مجدي / ايه يا بنتي ماكلتيش ليه
مريم / الحمد لله
وذهبت تغسل ايدها وجت
مريم / ماما بقول مش يلا بقي اتأخرنا
وفعلا قامت سعاد واخدت مي غسلتلها ايدها
قامت أم مجدي ومجدي
أم مجدي / ايه يا جماعة ينفع كده انتو مستعجلين ليه كده
سعاد / يا خبر كل دا ومستعجلين مش ناقص بقي غير إننا نبات عنكو
أم مجدى /ياريت تنورونا الاوض كتير
وخرجوا كلهم ونزل مجدي معاهم تحت يوصلهم
سعاد في المنزل
ايه يا مريم يا بنتي مش عارفة تمسكي نفسك
في ايه يا ماما
عينك متشالتش من علي الراجل
انا خايفة يكون اخد باله
مريم / انا يا ماما ودخلت مريم غرفتها تبكي
دخلتها سعاد في ايه يا بنتي انا بس مش عايزاكي توهمي نفسك بحاجة استحالة تحصل
مريم / بردو يا ماما بتجرحيني تاني مش انتي اللي صممتي اننا نروح عندهم
سعاد / خلاص يا مريم انا غلطانه تصبحى علي خير
خرجت سعاد ومريم ظلت تبكي طوال الليل
أم مجدي / الناس دول طيبين اوي يا ابني خصوصاً بقي مريم واضح إنها ست بيت شاطرة
مجدي بدون إهتمام / ماما معلش انا تعبان ومش قادر اسهر بعد اذنك داخل أنام تصبحي علي خير
لؤي جاي من بره
مديحة قاعدة بابنها في الصالة
لؤي / انتي ايه اللي مصحيكي لغاية دلوقتي
مديحة / هعمل ايه قاعدة مستنياك ايه اللي اخرك
لؤي / انتي مبتزهقيش من سؤالك ده
مديحة / هو كل يوم سهر بره البيت خلاص زهقت أنا هكلم والدك اشوف اخرتها ايه معاك
لؤي بانفعال / انتي بتهدديني تحبي اتصلك انا
مديحة / خلاص ما انت بقيت بجح
لؤي / أنت بتشتميني دي داليا عمرها ماعملتها
مديحة / قول كده بقي من يوم ما شوفت الست داليا وانت حالك مقلوب
لؤي / آه بحبها وهفضل أحبها لغاية آخر يوم في عمري
مديحة / واتجوزتني ليه عليها لمابتحبها
لؤي / جوازي منك غلطة واللي مصبرني عليكي ابني دا
مديحة / قال يعني بتقعد مع ابنك ولا تلاعبه
سعاد ل مريم / هو الواحد ميعرفش ينام من غير مشاكلهم اللي كل يوم مبتخلصش دي
مريم / هقولك حاجة يا ماما بس بيني وبينك متقوليش لحد
سعاد بقلق / خير يا بنتي
مريم / داليا يا ماما لسه بتحب لؤي
سعاد / ايه 😳
***********************
أنت تقرأ
أحببته كثيراً💙💚
ChickLitهل سينتصر الحب أم دوافع الانتقام سوف تجعله ينتهي للأبد أحببته كثيراً قصه اجتماعية واقعيه
