#احببته_كثيراً
#بوسى_مصطفى
الحلقة ((((العاشرة))))
داليا وسوسن خارجين من الجامعة
داليا كنت عايزة أسألك سؤال ومحرجه
أسألي يا سوسن خير
سوسن بتردد
انتي. .انتي يعني خالعه دبلتلك ليه
بصت داليا لايدها وعنيها متلألاة بالدموع
ملهاش لازم خلاص كل شيء انتهي
سوسن ايه. ..ليه ايه اللي حصل
سوسن مش عايزة اتكلم في الموضوع ده
عمر ايه يا بنات واقفين ليه كده
سوسن اما أمرك غريب وانت مالك
عمر / أصله اوي
سوسن / ممكن تسيبنا وتمشي تشوف حالك
عمر / فعلاً دا عندي مشوار مهم
سوسن / وأنت في حياتك حاجة مهمه
عمر بمكر / أصلي لسه جاي من المستشفي
وسكتوا ومردوش عليه
عمر / ايه مش عايزين تعرفوا كنت في المستشفي ليه
بما أنكم مسألتوش يبقي هقولكم
لؤي في المستشفي من امبارح
داليا حاولت ميبانش عليها الإهتمام يلا يا سوسن
عمر / هوا بردو قال أن مفيش حد هيتم بيه يعيني عليك يا لؤي
سوسن يلا يا بنتي نمشي دا عيل فاضي
داليا تفتكري تعبان بجد
فيه ايه يا داليا وحتي لو تعبان إحنا مالنا ربنا يشفي كل مريض
داليا/ علي رأيك واحنا مالنا
عمر في المستشفي
ازيك يا طنط الحمد لله بخير يا ابني فيك الخير يا عمر انت الوحيد من كل
أصحابه اللي بتطمن عليه دايماً
متقوليش كده يا طنط لؤي دا اخويا ولا ايه يا عم لؤي
لؤي/ هو بالرغم من أنه عيل رزل وغتت إلا أنه صاحب جدع
عمر / رتبتلك مع الزمله هيجو كلهم يزروك
عايدة / كلهم ايه يا ابني هي المستشفي هتسيعهم
عمر / خلاص يا طنط ينتظروا لما يخرج من المستشفى ويرجع البيت
عايدة / لأ بيت ايه خليهم يجو المستشفي أفضل دا جهاز كريمة واخد تلت تربع الشقة
عمر/ إلا صحيح هو الفرح أمتي
عايدة / أحنا اتفقنا في الأجازة لكن هو مستعجل يمكن الميعاد يتقدم في أي وقت
لؤي / يا عم بطل رغي وأسئلة أنا تعبان أنت جاي تزورني ولا تدوش دماغي
داليا وحمدي ونادية بتغدوا
نادية قاعدة مبتتكلمش متجاهله داليا تماماً
حمدي/ قوليلي ايه الأخبار يا داليا
تمام الحمد لله
نادية قامت تغسل ايدها وهي بتقول خلصوا علشان اشيل الأكل
داليا بعد مامتها مشت شايف يا بابا ماما مبتكلمنيش خالص ولا كأني موجودة
حمدي/ معلش يا داليا ما أنا قولتلك مامتك هتاخد وقتها وبعد كده ترجع زي الأول
عمر في الجامعة
ايه يا شباب اتفقتوا هتروحوا أمتي ل لؤي
بعض الشباب/ اتفقوا واحنا معاكو
عمر/ خلاص بكره بعد الجامعة إن شاء الله
سوسن و داليا جايين
عمر / ازيكو يا بنات
سوسن وداليا مردوش
عمر / خلاص أنا مش عارف بتعملوني ليه كده علي العموم كنت عايز اقولكو في مجموعة من الشباب هيتجمعوا بكره بعد الجامعة رايحين ل لؤي المستشفي لو تحبو يعني
سوسن / انت بتتكلم وترد علي نفسك هو شاب وانتو شباب بتطمنوا علي بعض واحنا مالنا
عمر / خلاص براحتكو أنا افتكرت أمره يهمكو يعني
" قالها وهو موجه الكلام ل داليا وسابهم ومشي "
داليا / ما تيجي يا سوسن احنا كمان نزوره
سوسن / أكيد جرالك حاجة ازاي نزور شاب
داليا / وفيها ايه دا زميلنا عادي
سوسن / ولو كان واحد غير لؤي كنتي هتروحي
داليا / علشان خاطري تيجي معايا علشان بابا يوافق
سوسن / هفكر مقدرش اقولك جايه
داليا في البيت متردده تقول لوالدها ولا لأ
ماشية في الاوضه رايحه جايه
خرجت من اوضتها بتخبط علي باب اوضة والدها
تفتح مامتها
حمدي/ تعالي يا بنتي كنتي عايزة حاجة
خرجت نادية وقعدت في الصالة
حمدي/ تعالي يا بنتي قربت داليا من والدها
هااا قوليلي عايزة ايه باين عليه موضوع كبير
داليا بتردد/ مش كبير ولا حاجة بس خايفة حضرتك ترفض
حمدي / وانا من امتي رفضتلك طلب
تشجعت داليا واتكلمت / بابا كنت عايزة اخد أذن حضرتك أنا سوسن رايحيين نزور واحد زميلنا
حمدي/ زمليكو ؟؟!!
داليا / خلاص يا بابا انا كنت عارفه أنه مينفعش
حمدي/ ومينفعش ليه
داليا/ بجد يا بابا يعني موافق
حمدي / طبعاً موافق وكمان جاي معاكو
داليا / بجد يا بابا متشكره اوي
حمدي / بس انتي فرحانة اوي كده مش غريبة
داليا ارتبكت بعد اذنك يا بابا هروح اتصل بسوسن
وخرجت داليا فعلاً كلمت سوسن ووافقت
حمدي وداليا وسوسن عند باب المستشفى ومعاهم أصحاب لؤي
سألوا علي رقم الغرفة عمر ما جاش معاهم
في غرفة لؤي
عايدة / اتفضلوا انتوا نورتونا فيكو الخير
محسن / أستغرب أن في راجل كبير معاهم
عايدة بتغمزله ينزل يجيب حاجة ساقعة
محسن لوالد داليا / اتفضل حضرتك استريح
حمدي/ متشكر جداً ألف سلامة علي ابن حضرتك
أنا عارف أنك بتقول مين الراجل ده اللي جاي في وسط الشباب
محسن / لا أبداً أنت نورتنا
حمدي ينادي علي داليا / دي داليا بنتي زميلة ابنك في الجامعة
لؤي سمع إسم داليا حاول يقوم وهو رجله متجبسه
عايدة / حاسب ياابني الجبس
محسن / يا أهلا وسهلاً نورتونا متشكر يا بنتي
داليا / الف سلامة علي لؤي
لؤي/ متشكر اوي يا انسه داليا
حمدي قام وقف / يلا يا داليا علشان مناخرش سوسن
محسن / ما أنت قاعد يا استاذ حمدي شرفتنا مجيتك دي متعرفش اسعدتني إزاي
حمدي/ وانا كمان سعيد بمعرفتك معلش نستاذن احنا
محسن / مع السلامة
لؤي جم اصحابة الف سلامة عليك يا عم لؤي
الله يسلمكوا
الجامعة وحشة من غيرك مفتقدين غلاستك
رد واحد من الشباب لأ ما هو عمر قايم بالواجب وزيادة
هههههههه
حمدي وصل سوسن لبيتهم وراجعين
حمدي / ايه رأيك يا داليا نشرب حاجة ولا نتعشي انا جعان
داليا / لا يا بابا نروح البيت ماما لوحدها
حمدي/ أنا عايز اغير جو البيت تعالي تعالي في مطعم أهو اكلهم حلو دايماً كنت انا ووالدتك بناكل هنا بس دا من زمان بقي
قعدوا طلبوا أكل
حمدي / مش هتقوليلي ايه حكاية لؤي
داليا بارتبارك / حكاية؟ ...حكاية ايه يا بابا
حمدي / ليه انتي فاكراني مش فاهم مش هو دا زميلك اللي كان عايز يتقدملك قبل كده
داليا ملقتش مفر من إنها تجاوب / هو يا بابا
يا تري اللي هيحصل بعد كده😭😭😭😭
أنت تقرأ
أحببته كثيراً💙💚
ChickLitهل سينتصر الحب أم دوافع الانتقام سوف تجعله ينتهي للأبد أحببته كثيراً قصه اجتماعية واقعيه
