أحببته كثيراً💙💚

الحلقة ٢٥

#احببته_كثيراً 2❤
#بوسى_مصطفى

الحلقة 25:-
~~~♡~~~
إتصلت مريم ب داليا وقفلت الفون بسرعة قبل رد داليا عليها كانت هتغلط وتكلمها   في الوقت ده ولسه وقت  علي الميعاد اللي حدده لؤي

قامت بتغيير صوتها من خلال برنامج  تغيير الأصوات علي الفون
أجلت المكالمة ل قبل الميعاد ب ساعة يعنى 6 مساءً

داليا رجعت البيت نامت شوية وصحيت قعدت مع حماتها شوية شعرت إنها مخنوقة وقفت في البلكونة

مجدي في المكتب فكرت تتصل بيه لكن قالت ممكن يكون مشغول مش عارفة وحشني اوي النهاردة وقلبي مقبوض دا الكلام اللي قالته لنفسها
أم مجدي / ما بلاش البلكونة مجدي مشدد عليكي متواقفيش فيها وهو مش موجود
خرجت من البلكونة لكن رجعت تاني بعد رن التليفون مجدى معقول هو اللي بيتصل قلبه حاسس بيه

اترددت داليا في الرد الرقم من غير إسم
مريم / مدام داليا
داليا / حضرتك تعرفيني
مريم / مش مهم أعرفك ولا لأ
داليا بقلق/ انتي مين
مريم / فاعلة خير
داليا بتوتر الموقف دا اتكرر معايا دا الكلام اللي كانت بتقوله لنفسها / وانتي عايزة ايه يا فاعلة الخير
مريم / اكتبي عندك العنوان ده ومتخافيش جوزك اللي هيفتحلك
داليا مستحيل نفس الجملة سمعتها ولكن مكنش مجدي /لا لا مستحيل أنتي كذابة
مريم / مش هتخسري حاجة لو اطمنتي لو بكذب يبقي خير ولو صادقة يبقي اتكشف قدامك علشان متعشيش مخدوعة

قفلت مريم التليفون وهي بتتمني داليا تنفذ كلامها
قفلت مع داليا إتصلت ب مجدي

كان مجدي قاعد علي مكتبه ومعاه قضية مهمة بيشتغل فيها التليفون رن
مجدي / الو مين حضرتك
مين ؟
انت إنسانه  غير محترمة كلمه قالها بعد كلام من الشخص المتصل اللي هي مريم طبعاً
تعالي العنوان ده مراتك بتخونك
مش مصدق الكلمة إزاي استحالة يكون الكلام دا حقيقي

لؤي يتصل ب مريم  / هاا عملتي ايه
كله تمام أخرج دلوقتي وانا و داليا خارجين حالاً

داليا بتلبس وخارجة
أم مجدي / رايحة فين يا داليا
داليا / سبيني دلوقتي يا ماما
أم مجدي / مش هسيبك إلا لما تقولي رايحه فين جوزك مش موجود عايزة تخرجي من غير أذنه
داليا / مسرعة ناحية باب الشقة بقولك سبيني
خرجت داليا جري علي السلم
أم مجدي مسكت التليفون بتاعها
تتصل  ب مجدي
كان مجدي وقتها بيحاول يكلم داليا
الو ماما خير في حاجة داليا خرجت بسرعة مسالتهاش ايه السبب عمرها ما خرجت من البيت لوحدها يا تري رايحة فين يا داليا
قفل مع والدته
معقول يكون لالا مستحيل
طب وانا هقعد قلقان كده انا هخرج اتأكد
حاول يتصل ب داليا مره تانيه مبتردش

داليا وقفت تاكسي قالتله على العنوان
خرج مجدي من المكتب جري استقل السيارة
طول الطريق بيقول لنفسه مستحيل