الحلقة السابعة عشر :-
#احببته_كثيراً ٢
#بوسى_مصطفى
في الصباح استيقظت داليا
داليا / يااااه الوقت اتأخر.. مجدي يلا هنتاخر علي الشغل
مجدي / علشان خاطري سبيني شوية انا نايم متأخر
وبعد محاولات من داليا
مجدي / خلاص يا داليا جهزي الفطار وأنا جاى
داليا جهزت الفطار علي السفرة
أم مجدي لسه صاحيه من النوم / امال مجدي فين لسه نايم.
داليا / هدخل اصحيه
أم مجدي / لأ خليكي انتي أنا هدخل اصحيه
داليا باستسلام / حاضر يا ماما بس متتاخريش عايزة اغير هدومي علشان متاخرش علي الشغل
دخلت أم مجدي ل مجدي وهي فرحانه
مجدي نايم علي سريرة قعدت بجواره
أم مجدي/ يلا يا حبيبي هتتاخر علي شغلك
مجدي/ سبيني شوية يا داليا انا تعبان منمتش طول الليل
أم مجدي / داليا!!! 😏 أنا ماما يا حبيبي
استدار مجدي بسرعة
ماما؟؟!!! صباح الخير
أم مجدي/ صباح النور يا حبيبي
قام مجدي بسرعة من نومه
أم مجدي/ قومت يعني علي طول لو داليا كنت فضلت نايم
لا يا ماما أصلي عندي قضية مهمه في المحكمه
وافتكرتها دلوقتي!!
داليا داخله الغرفة
يلا بقي يا مجدي انت نمت تاني
أم مجدي / انا مش قولتلك هدخل اصحيه لازمتها ايه بقي السهوكه اللي علي الصبح دي
مجدي / خلاص قومت أهو
داليا بتنظر ل مجدي علي كلام والدته وهي مضايقة مجدي بيغمزلها في إشارة إنها تعدي الموضوع
فطروا وجرى للعربية علشان كل واحد يلحق شغله
في المكتب:-
مريم قاعدة مضطربة شافت داليا داخله جريت عليها
مريم / صباح الخير يا داليا
داليا بدون إهتمام / صباح النور
مريم / ايه مالك زعلانه مني ولا ايه
داليا / كويس إنك عارفة
مريم / خلاص بقي لو زعلانه مني انا بتاسفلك إني كنت بايخة معاكي اليومين اللي فاتوا
داليا بابتسامة حب ل مريم / وانا عمري ما اقدر أزعل منك ابدا
مريم / حبيبتي كنت عارفة إن قلبك طيب
مريم بمكر/ مش هتقوليلي عملتي ايه مع مجدي امبارح
داليا / هعمل ايه يعني أهو كان معايا جوه عند الدكتورة وسمع منها كل حاجة وفهم الموضوع وانا كمان قولتله علي الباقي
مريم / انتي عايزة تفهميني إنك قولتي ليه إن نتائج التحاليل أكدت إن فرصة حملك هتبقى ضعيفة جداً وهو اخد الموضوع عادي
داليا / آه هو دا اللي حصل
مريم / مش معقوله يعني
داليا / ليه يا مريم بتقولي كده
مريم / يا داليا أي راجل بيبقى نفسه في طفل ولو يعني الموضوع مش فارق معاه يبقي مببحبش مراته
داليا / لأ أخص عليكي يا مريم دا مجدي دا انا حبيبته وكل حاجة ليه في الدنيا
مريم بضيق / طب يلا علشان نشتغل
بعد فترة مريم ل داليا في حفلة عاملها صاحب الشركة في الفيلا بتاعته لكل الموظفين هتروحي
داليا / معرفش ممكن مجدي يوافق ولا لأ
مريم / ما هو كل موظف مسموح ليه ياخد مراته أو تاخد جوزها يعنى
داليا / حلوة ياخد دي وانا بقي اروح لمجدي أقوله هاخد معايا مشوار هاخد أنا علي دماغي علي طول هههه
مريم / هو مجدي ممكن يضربك يا داليا
داليا / لا طبعاً استحالة يعمل كده
مريم / ليه هو مش زي لؤي
داليا / لا طبعاً وبلاش السيرة دي يا مريم
مريم / يعني نسيتي لؤى خلاص
داليا / في ايه يا مريم أنتي ليه مصره تفتحي معايا الموضوع دا
مجدي ل داليا بعد نا وصلوا البيت
مجدي / أنزلي انتي يا حبيبتي
داليا / ليه مش طالع معايا فوق
مجدي /لا عندي شغل كتير في المكتب وعايز ألحق اخلصه
داليا بزعل / خلاص براحتك وخرجت داليا من العربية
مجدي وقف لحد ما أطمن إنها طلعت بعد ما إتصلت بيه كن فوق زي ما قالها وكانت واقفة في البلكونة بتشاورله
أم مجدي / انتي جايه لوحدك
لا مجدي وصلني ورجع للمكتب
في المكتب
مجدي داخل يتفاجأ ب أستاذة كمال
كمال / أستاذ مجدي عايزك في مكتبي
مجدي يدخل المكتب
كمال / اقعد يا مجدي
قعد مجدي بخجل
بدأ كمال حديثة
طبعاً انت عارف إنك من يوم ما رجلك خطت البلد هنا وأنا وقفت جنبك لما عملت إسم ومركز في شركتي وسلمتك المكتب لأنك قد الثقة
مجدي / وحضرتك أستاذي هو حصل مني حاجة
كمال / انا وأنا في سنك تعبت كتير علشان أوصل للوصلتله لكن انت لاقيت اللي يوقف جنبك
متفتكرش علشان سلمتك كل حاجة تبقي انت الأمر الناهي هنا
مجدي / حضرتك انا مش فاهم حاجة
كمال / معتز جالك مش كده
مجدي / آه جالي وسلمته كام قضية كده صغيرة زى ما طلب
كمال / يعني مش طلب منك القضية الكبيرة اللي شغالين فيها اديلنا سنتين ولسه متحاكمش فيها
مجدي / لا يا افندم محصلش هو سألني عليها بس لكن مطالبش يطلع عليها
كمال بضيق / خلاص روح دلوقتي شوف شغلك وانا هكلمه
داليا بتجهز العشاء مجدي اتاخر
تتصل بيه
مجدي وهو في قمة غضبه يرد علي التليفون
الو. .لا يا داليا. .مفيش عندي شغل كتير. ..آه إحتمال اتاخر اتعشي انتي ونامي
وقفل التليفون داليا قاعدة حزينه
أم مجدي خارجة من الغرف الغرفة / ايه هو مجدي لسه مجاش
داليا واقفة سرحانه ياترى يا مجدي متغير معايا ليه
بسبب اللي عرفته امبارح مني ولا في سبب تاني
أم مجدي/ايه يا بنتي بكلمك مبترديش ليه
داليا / هااا يا ماما
أم مجدي/ هااا ايه ء؟؟!!!بقولك مجدي مش جاي على العشاء
داليا / يا ماما هيتاخر في الشغل تصبحي علي خير
أم مجدي / مش هتتعشي
داليا / لا يا ماما مليش نفس
أم مجدي قعدت ومسكت التليفون تتصل ب سعاد
داليا نايمه دمعتها علي خدها من طريقة كلام مجدي
***************************
***********************
أنت تقرأ
أحببته كثيراً💙💚
ChickLitهل سينتصر الحب أم دوافع الانتقام سوف تجعله ينتهي للأبد أحببته كثيراً قصه اجتماعية واقعيه
