أحببته كثيراً💙💚

الحلقة ٢٢

#احببته_كثيراً ٢
#بوسى_مصطفى
الحلقة 22:-
~~~~♡~~~~
مجدي بتوتر / انا جاي حالا يا داليا بس استحملي يا حبيبتي
مريم قربت منها بضيق / لو تعبانه اروحك البيت
داليا وهي بتحاول التماسك / لأ مجدي جاي دلوقتي
مريم بفرحه / خلاص تعالي اسندك نخرج تقعدي في عربيتي لما يجي
داليا / ملوش لزوم يا مريم شوفي شغلك
مريم / يبقى لسه زعلانه مني انا يا داليا خايفة عليكي وتكرار دخول لؤي المكتب هنا الزمله هيلاحظوا واحتمال حد منهم يقول ل مجدي وتحصل مشكلة
داليا / خلاص يا داليا شوفي شغلك انا مش قادرة اتكلم
بعد حوالي تلت ساعة جه مجدي بسرعة دخل المكتب
مجدي / ايه يا حبيبتي قادرة تستحملي لما نخرج
داليا / بسرعة مش قادرة
مريم قربت سندت داليا مع مجدي وخرجوا كان كل الموظفين خرجوا من مكاتبهم ما عدا لؤي اللي خرج من الشركة بعد كلام داليا ليه
********************************
رجعت داليا للبيت ونامت في سريرها بعد ما اخدت الدوا ونامت
أم مجدي / ايه حكاية معدتها اللي تعباها دايماً دى
مجدي وهو مضايق علشان داليا / تعبانه يا ماما يعني اعمل ايه
أم مجدي / خلاص ارجع شغلك بقي هي نامت ومش هتصحي دلوقتي
مجدي / مستحيل اسيبها دلوقتي وأخرج انا مش خارج إلا لما اطمن عليها
أم مجدي بعصبيه / خليك بقي انت حر اقعد جنبها وسيب شغلك كل كام يوم تعملنا نفس الحكاية وتقوم ولا كأن في حاجة
****************************
جرس الباب يرن
مجدي يفتح الباب / أهلا يا طنط اتفضلي
مريم / داليا عامله ايه دلوقتي
مجدي / نايمه بعد ما اخدت الدوا اتفضلوا
خرجت أم مجدي سلمت علي سعاد ومريم
مي قربت من مجدي حضنته
انت زعلان يا عمو علشان طنط داليا
ابتسم ليها مجدي بحزن بيحاول يداري دموعة
مجدي / تعالي ننزل تحت نشتري حاجة حلوة
سعاد / يا ابني ملوش لزوم
مجدي مبتسم / هخرج اتمشي مع صاحبتي شوية ونأكل حاجة حلوة
نزل مجدي ومي ممسكه بيده
سعاد / عقبال ما يشتري لولاده
أم مجدي / ولادة هي اللي جوه دي طول ما هي كل شوية تعبانه ونايمه في السرير هتشيل حاجة في بطنها
سعاد مندهشة من طريقة أم مجدي في كلامها عن داليا
أما مريم فكانت مبتسمه بفرحة داخلية من حديث أم مجدي
*****************************
أم مجدي دخلت المطبخ
سعاد ل مريم / مالك مبسوطه كده
مريم / انا؟
وانا هتبسط من ايه هو في حاجة تفرح
خرجت ام مجدي من المطبخ
سعاد / تاعبه نفسك ليه بس
أم مجدي / ولا تعب ولا حاجة دا الدنيا مش سيعاني بوجودكو متعرفوش بتخففوا عني الوحده والزهق اللي بكون فيه ازاي
سعاد / مكشفتوش علي داليا وعرفتوا ايه سبب التعب اللي عندها ده
أم مجدي / يا اختي اخدناها لكذا دكتور كلهم يقولوا مفيش حاجة معندهاش حاجة
مريم / معقولة يعني يا طنط هيكون التعب والألم والصراخ دا ومفيش حاجة
أم مجدي / الدكاترة بيقولوا حاله نفسية وتعرضوها علي دكتور نفسي أهو نصيب ابنى هنعمل ايه
************************
مجدي رجع ومعاه مي
سعاد / نستأذن أحنا بقي ولما داليا تصحي سلمولنا عليها
مريم ل مجدي / الف سلامة علي داليا
مجدي / الله يسلمك
بعد اذنكو ودخل جوه اوضته من غير ما يوصلهم لتحت زي قبل كده
داليا نايمه قعد جنبها علي السرير مسك ايدها
ياترى يا داليا ايه اللي مضايفك قوليلي يا حبيبتي فتحت داليا عيونها
مجدي بفرحه / مش هتبطلي بقي كل شوية تخضيني عليكي
داليا بصوت متعب / انا آسفة يا حبيبي
مجدى / حاسس إن في حاجة مضايقاكي عايزة تحكي ولا هتكتمي في نفسك زي كل مره وتتعبي وتقلقيني عليكي
اترددت داليا إنها تقول ل مجدي اللي حصل النهاردة في الشغل من لؤي خايفة من رد فعله فقررت إنها متقولش حاجة
داليا / مفيش بس أوقات بحس بخنقة وبعدها معدتي بتوجعني
مجدي / زهقتني ونفسك ترجعي مصر
داليا / ياريت يا مجدي ماما وحشتني اوي ونفسي اشوفها
مجدي / أهي كلها شهرين وننزل
داليا / ياااه لسه هستني شهرين
مجدي / خلاص هانت يا حبيبتي
***********************
الباب بيخبط
اتفضلي يا ماما
أم مجدي شافت داليا صاحية وقاعدة وبتتكلم هي ومجدي
أم مجدي بسخرية /الف سلامة عليكي يا مرات ابني
داليا / متشكرة يا ماما
ايه يا ابني اللي عملته مع الناس بره ده
مجدي / ايه يا ماما فيه ايه انا حصل مني حاجة
أم مجدي / كنت قليل الذوق معاهم اوي يا ابني
ازاي يعني يا ماما
يعني متمسكش في الناس يقعدوا وكمان ينزلوا لوحدهم من غير ما توصلهم لغاية تحت
داليا مندهشة من إهتمام حماتها ب مريم ووالدتها
مجدي / متكبريش الموضوع بقي محصلش حاجة
تصدق انت تحرق الدم انت ومراتك
داليا تنظر ل مجدي بضيق
مجدي / تعالي يا ماما نتكلم بره علشان داليا تستريح
*****************************
خرجوا في الصالة
مجدي / في ايه يا ماما ايه سبب الإهتمام الزايد بالناس دي
أم مجدي / عادي يعني يا ابني مش صحاب مراتك
مجدي / لأ مش عادي حتي داليا مبتعاملهمش زي حضرتك مابتعامليهم
أم مجدي / بصراحة بقى يا ابني مريم عجباني
ست بيت شاطرة وحلوة وكمان انت متعلق اوي ب مي
مجدي / مش فاهم تقصدي ايه يا ماما
أم مجدي / أقصد اللي فهمتوا ولا هتستهبل
مجدي / فهمت ايه؟ انتي عايزة تقولي ايه يا ماما
أم مجدي / عايزة اقول إن مريم هتكون زوجة كويسة
مجدي ودقات قلب سريعة  / زوجة لمين بالظبط
أم مجدي / ليك انت طبعاً
مجدي / 😳😳😳
*********************
انتظروا الحلقة 23