الحلقة الرابعة عشر :-
داليا متردده ترد علي التليفون
توقف بتنهيدة طويلة بتحاول تنظم النفس صوتها مخنوق
تتصل بوالدها
حمدي رد بسرعة / الو داليا مبترديش ليه علي طول قلقت عليكي
نادية جمبه بصوت واطي أسألها جوزها موجود ولا اقولك هات التليفون
اخدت نادية التليفون من حمدي وكانت داليا لسه مردتش علي والدها
داليا بصوت واطي بتحاول ميكونش واضح / الحمد لله كويسه
نادية / أنتي جوزك عندك
داليا ومستمرة بنفس طبقة الصوت / لأ
ناديه / طيب علي صوتك شوية أنا سمعاكي بالعافية
داليا / عندي شوية برد صوتي بس متغير
نادية / وجوزك فين ماخدكيش ليه للدكتور
حمدي ل نادية/ مالها داليا دكتور ايه؟؟؟!!!
نادية / كلمها أنا مش سامعه صوتها ولا فاهمة كلامها
حمدي اخد التليفون
حمدي/ فيه ايه يا داليا انتي تعبانه
داليا / مفيش يا بابا شوية برد بس
حمدي/ جوزك لما يرجع تروحي تكشفي وتطمنينا
داليا / حاضر يا بابا
حمدي / خلاص يا بنتي اقفلي مش عايز اتعبك
وقغلت داليا التليفون
نادية / أنا مش مرتاحه يا حمدي قلبي مقبوض صوتها مش مريحني
حمدي/ ما هي قالتلك شوية برد
نادية / لأ داليا لما بتتعب صوتها مبيكونش كده
حمدي/ هنعمل ايه أهي بعيد عننا لا شايفنها ولا قادرين نروحلها تصبحي علي خير يا نادية
نادية / فكرك هتقدر تنام انا عارفة بتهرب مني علشان مقولكش إنك السبب في جوازتها دي
حمدي سكت وحاول يبين انه هينام وغطي نفسه بالبطانية
داليا نايمه علي السرير تسمع صوت الباب بيتفتح تغمض عنيها بسرعة علشان تضيع عليه الفرصة أنه يحاول يتخانق تاني
دخل لؤي غير هدومه ونام كأن شيئاً لم يكن
في الصباح داليا و لؤي خارجين للشغل مبيكلموش بعض
توصل داليا مكتبها مريم توصل بعدها
مريم ل داليا اللي كانت مشغولة في مراجعة دفتر الحسابات
صباح الخير يا داليا
داليا ترفع رأسها صباح النور يا مريم
مريم / ايه دا يا داليا وشك عامل كده ليه
داليا تحسس علي وشها اللي كان باين عليه علامات الضرب وصوابع لؤي معلمه فيه
ارتبكت داليا / مفيش أصلي عندي شوية برد واخدت دوا عملي حساسية
مريم حست ب داليا واحراجها / الف سلامة عليكي وقعدت علي مكتبها تخلص شغلها
بعد إنتهاء العمل
داليا خارجة مريم تلحقها
استني يا داليا نروح مع بعض
داليا ساكته طول الطريق مريم بتحاول تفتح موضوع يتكلموا فيه
مريم / داليا فكرتي في موضوع امبارح
داليا / موضوع ايه
مريم / الشغل الإضافي بتاع الشركة أنا بصراحة محتاجاه اوي المرتب يدوب يكفي مصاريف مدرسة مي وعايز احوشلها قرشين
ايه رأيك نشتغل مع بعض واهو كمان نونس بعض في الطريق بما أن الشغل بينتهي 10
أنت تقرأ
أحببته كثيراً💙💚
ChickLitهل سينتصر الحب أم دوافع الانتقام سوف تجعله ينتهي للأبد أحببته كثيراً قصه اجتماعية واقعيه
