#احببته_كثيراً ٢
#بوسى_مصطفى
#Bosy
الحلقة الخامسة عشر :-
*****************
سعاد / هي وصلت لكده
مريم / ايه يا ماما اتصدمتي في داليا
سعاد/ لأ انا مصدومة فيكي انتي مصدومة في بنتي للدرجة دي
مريم / ليه يا ماما
سعاد / علشان عايزة تسوءي سمعتها علشان ضميرك يكون مستريح وانتي بتخونيها
مريم / ايه دا يا ماما ايه إللى بتقوليه دا
سعاد / اعملي حسابك لا انتي بنتى ولا اعرفك طول ما انتي بتفكري بالشكل دا
مريم / أنا يا ماما اللي بخون ولا اللي متجوزة هي اللي بتخون جوزها
سعاد بانفعال /بس كفاية انتي ايه شيطان
انتي عارفة داليا بتحبه جوزها إزاي كلنا شوفنا حبهم لبعض
وعمرها ما تفكر في اللي بهدلها بطلي يا مريم بلاش تخربي بيتها ابعدي عنها
مريم / انا مش عارفةمفروض تنصحي مين انصحيها هي اللي كل ما أدخل الاقيه موجود عندها في المكتب ويسكت أول ما يدخل يخرج علي طول
سعاد بتخبط ايدها علي كلام مريم حاسة أني دي مش بنتها عمر بنتها تفكر بالشكل ده
مجدي ل داليا / أيه يا حبيبتى منفسكيش في طفل
داليا باضطراب / اكيد طبعاً
مجدي/ وأنا كمان نفسي في أطفال كتير تملا عليه البيت متعرفيش يا داليا لما بحضن مي بحس بأية
حاسس كأنها بنتي كأني أب مع إني لسه مجربتش ونفسى فعلاً احسه مع ولادي
داليا / إن شاء الله
مجدي / خلاص نروح للدكتورة ونشوف هتقولنا ايه
داليا باستسلام / حاضر
مجدي بفرحه/ خلاص بكره بعد الشغل نروح مع بعض
في صباح اليوم التالي
صباح الخير يا مريم
صباح الخير يا داليا
طول الوقت مريم مبتتكلمش وكمان داليا صامته مفيش كلام
داليا قربت من مكتب مريم عايزة تفضفض معاها
داليا / مريم انا رايحة بعد الشغل للدكتورة انا ومجدي
مريم بدون إهتمام / عايزة مني حاجة
داليا / ممكن تيجي معايا انا خايفة
مريم / وخايفة من ايه ما هو مسيره يعرف هتفضلي تخبي كتير
داليا / ايه يا مريم اللي بتقوليه دا
مريم / مش هي دي الحقيقة ولازم يعرفها
داليا اتصدمت من كلام مريم اللي مفيهوش أي حاجة تريحها أو تطمنها شويه
رجعت مكتبها وهي متوترة اكتر
مريم / الساعة 2 أنا مروحه
داليا بحزن / مع السلامة يا مريم
خرجت مريم
داليا تجري مريم. ..مريم
توقف مريم / في حاجة
داليا / ما تيجي معايا مجدى زمانه جاي
مريم بفرحه بعد تفكير في الموضوع / خلاص هقعد في عربيتي
لما يجي
داليا واقفة مراقبة الطريق وايدها بتترعش من الخوف
مجدي وقف بعربيته نزل ل داليا
مجدي / وحشتني يا حبيبتى
داليا بتبتلع ريقها / مريم جايه معانا
مجدي باندهاش / وليه مريم تيجي معانا دي حاجة خاصة بينا
داليا / خلاص هتقعد بره
مجدي بضيق / ماشي يلا
وصلت داليا ومجدي نزلت مريم
مريم / مساء الخير
مجدي بضيق داخلى / مساء الخير مدام مريم
يلا يا داليا
طلعوا كلهم
مريم قاعدة تنظر ليهم وبعدها تعمل نفسها إنها مشغولة بحاجة تانية
داليا حمدي دا كان الأسم اللي قالت مساعدة الطبيبة
دخلت داليا ومجدي
مجدي / السلام عليكم
الطبيبة وهي مشغولة في بعض الأوراق وعليكم السلام
مش انتي بردو اللي كنتي عندي من كام شهر
داليا / حضرتك كنت تعبانه وجبت هنا مع صاحبتي
الطبيبة رفعت رأسها طلبت منك تحاليل ومجتيش بعدها هو دا اللي خلاني فاكراكي طول المدة اللي فاتت
مجدي واقف مندهش / تحاليل ايه دا اللي كان بيقوله لنفسه
الطبيبة / اطلعي اكشف عليكي تانى
خلصت كشف
للأسف الموضوع زي ما هو مفيش حاجة اتغيرت
مجدي / موضوع ايه حضرتك انا مش فاهم حاجة
الطبيبة ألقت نظرها ل داليا اللي كانت خايفة إنها تكمل كلامها
الطبيبة / مفيش بس انا يهمني مصلحتك هو الموضوع صعب شوية لكن مش مستحيل اعملي تحاليل وتعالي بعد اسبوع اشوف التحاليل
خرج مجدي وهو عنده فضول وأسئلة كتير ل داليا لكن مريم معاهم مش عارف يتكلم
خرجوا وتنهد بعد ركوب مريم عربيتها وهو وداليا لوحدهم
داليا / دا مش طريق البيت
مجدي / هننزل أي مكان نتكلم شوية ومهما كان اللي هتقوليه هتقبله يا داليا
داليا زاد الخوف عندها من رد فعله لأنها عارفة كل حاجة كلام
الدكتورة واضح وصريح
***************
أنت تقرأ
أحببته كثيراً💙💚
Chick-Litهل سينتصر الحب أم دوافع الانتقام سوف تجعله ينتهي للأبد أحببته كثيراً قصه اجتماعية واقعيه
