#احببته_كثيرا
#بوسى_مصطفى
*********************
الحلقة الثالثة عشر :-
في الصباح
نادية ل حمدي / قلبي مقبوض حاسه بحاجة مش مريحاني
حمدي/ هي داليا متصلتش لسه
نادية/ هي قالت هتتصل أول وقاطعها حمدى
تلاقيهم تعبانيين من السفر ولا حاجة
نادية / عايزة اطمن عليها قلقانه
داليا بتفتح عينها وتقوم و لؤي نايم
واقفه في الصاله بتفكر في كل اللي حصل امبارح دموعها نزلت مسحتها بسرعة ودخلت ل لؤي
لؤي / في ايه
نادية / هنتاخر علي الشغل
لؤي بيفتح عينه / شغل ايه النهاردة؟ ؟!!!
في عرسان يخرجوا يوم صباحيتهم للشغل بردو
خرجت داليا كان لاحقها لؤي
في ايه يا داليا
داليا بأندهاش / في ايه انت اللي بتسأل
لؤي / آه. ...تقصدي اللي حصل امبارح
أنا قولتلك يا داليا أني محبش حد يدخل في حياتي وكمان محبش مراتي تعلى صوتها عليه
داليا بتعيط خلاص يا داليا بقي حقك عليه كفاية نكدنا علي بعض بما فيه الكفاية
داليا / طيب يلا علشان اتاخرنا على الشغل
لؤي / تاني ما أنا قولتلك مفيش شغل النهاردة
أنا هنزل اشتري أكل للبيت علشان تطبخي مبرتحش لأكل المطاعم ده وكمان اشوف الراجل ده هيفرش الشقة ولا ايه
وهشتري بوتاجاز وشوية حاجات كده للمطبخ
داليا / أشتري معاك خط كمان عايزة أكلم بابا وماما اطمنهم
لؤي / حاضر يا حبيبتي
خرج لؤي بيقفل الباب يقابل مريم وهى خارجة من شقتها
ينزل بسرعة من غير إهتمام
داليا ولؤي قعدين علي الأرض بياكلوا
لؤي / كلمت صاحب الشركة علي الفرش قالي هيتاخر شويه
داليا / وبعدين هنفضل كده الجو بدأ يبرد
لؤي / هتصرف
داليا / هات بقي التليفون أكلم ماما
اتفضلي
داليا / استني نكلمهم مع بعض
لا سلميلي عليهم
داليا بتتصل التليفون يرن مفيش رد تجرب تاني
الو ازيك يا ماما
نادية بفرحة / داليا؟ ازيك يا بنتي عامله ايه يا بنتي طمنيني عليكي
داليا/ الحمد لله كويسه ...وحشاني يا ماما
نادية / مالك يا داليا صوتك متغير
داليا / مفيش يا ماما أنا كويسه
نادية / أنت لسه صاحية من النوم صح؟ صوتك باين عليه
داليا بحزن / بابا فين
نادية / استني خليكي علي التليفون متقفليش هصاحيه
نادية دخلت بالتليفون الاوضه
نادية / حمدي قوم داليا علي التليفون
حمدي يقوم بسرعة ياخد التليفون
داليا ازيك يا بنتي عامله ايه
داليا سمعت صوت باباها اتخنقت بالعياط
حمدي/ مالك يا بنتي فيه ايه انتي كويسه
داليا / الحمد لله كويسه وحشتني مقدرتش أمسك دموعي
حمدي / الحمد لله انك كويسه
الو. ..الو...داليا
نادية / ايه المكالمة خلصت بسرعة كده
داليا / يووووووه التليفون مفهوش رصيد
أنت تقرأ
أحببته كثيراً💙💚
Romanzi rosa / ChickLitهل سينتصر الحب أم دوافع الانتقام سوف تجعله ينتهي للأبد أحببته كثيراً قصه اجتماعية واقعيه
