#احببته_كثيرا
#بوسي_مصطفي
الحلقة السابعة عشر
لؤي/ لو سمحت وسع أنا داخل اخد مراتي
حمدي قولتلك ملكش حاجة عندنا اتفضل من هنا
لؤي / لا بقي مفيش حد يقدر يمنعي لو سمحت مش عايز أستخدم حقي القانونى واتصل بالبوليس
دخل لؤي بالعافية اوضة داليا
محسن أقنع حمدي أنه يسيبهم مع بعض شوية وهما يقرروا من غير ضغوط عليهم
نادية واقفة مش موافقة علي اللي بيحصل
يحاول حمدي يهديها تعالي هنا يا أم داليا
لؤي دخل ل داليا
داليا انتفضت من مكانها واخدت ركن في الاوضة واقفة فيه جسمها كله بيرتعش
يحاول يقرب منها لؤي جسمها ينكمش أكتر
لؤي/ خايفة منى يا داليا
سامحينى أنا جرحتك كتير مقدرتش أنسي إنك اتخطبتي لغيري كل تصرفاتي معاكي كانت حب وخوف عليكي
افتكرت إن قسوتي ممكن تخليكي تخافي إنك تبعدي عني
كنت عايز اكسرك زي م كسرتي قلبي
افتكرت اني بكده بحافظ عليكي وقسوتي هتخليكي تخافي تبعدي عني
انا الدبه اللي موتت صاحبها ياداليا
عشان خاطري سامحيني... انسى كل الكلام اللي امي قالته انسى اي حاجه وتعالى نبدأ صفحه جديدة
انا مش وحش ياداليا.... انا مستعد اتغير عشانك... عشانك انتي وبس
نادية بتصرخ
محسن يخبط جامد علي الباب
يخرج لؤي فيه ايه يا بابا
داليا تحاول تخرج من غرفتها تلمح مامتها بتعيط
حمدي واقع علي الأرض مبينطقش عينه متجهه ناحية داليا ودموع بتنزل على خده
داليا تجري عليه تحضنه
بابا.... بابا حبيبي قوم ...قوم علشان خاطري متسبنيش لوحدي
عيون حمدي كلها ل داليا كأنه بيودعها
نادية دموعها مبتوقفش
يجري لؤي بحمدي يرفعه علي كتفه وينزل بيه لتحت
محسن ونادية وداليا يجروا علي السلم
لؤي يوقف تاكسي يقعد لؤي... حمدي علي الكرسي الخلفي نادية تركب بسرعة جمبه
لؤي جمب السواق
محسن ل داليا هناخد احنا تاكسي ونلحقهم
طول الطريق داليا تايهه شاردة وصورة باباها قدامها ودموع على خدها
نادية ممسكه يد حمدي
خليك معانا يا حمدي متسبناش لوحدنا هنموت من غيرك
حمدي يشاور لها
نادية / مش فاهمة تقصد ايه بالحركة دي
اه. . آه. . داليا كويسه
يوصلوا المستشفي
يدخلوه بسرعة المستشفي
داليا ومحسن وصلوا المستشفي
حمدي مازال في غرفة العمليات
داليا واقفة جمبها نادية. ....لؤي ومحسن واقفين كمان جمب بعض
أنت تقرأ
أحببته كثيراً💙💚
ChickLitهل سينتصر الحب أم دوافع الانتقام سوف تجعله ينتهي للأبد أحببته كثيراً قصه اجتماعية واقعيه
