أحببته كثيراً💙💚

الحلقة ٢١

#احببته كثيراً 2
#بوسى_مصطفى
#Bosy 

الحلقة 21:-
**************
مجدى في الطريق بيتصل ب داليا
ايوه با حبيبتي جهزتي؟
طيب خلاص 5 دقايق وأكون عندك في  البيت إن شاء الله

أم مجدي رأت  داليا لابسه وخارجة من غرفتها
أم مجدي / ايه دا هو انتوا خارجين
داليا بفرحه/ آه مجدي قالي اجهزي علشان نخرج
في الوقت دا مجدي بيفتح الباب
السلام عليكم
ردوا وعليكم السلام ورحمة الله
أم مجدي / ايه يا ابني انت خارج صحيح
مجدى / آه يا ماما هنخرج نشم شوية هوا
ام مجدي/ مش تستريح حتي من المشوار دا الطريق من هنا للمكتب يهد الحيل
مجدي / ههه بس انا مش تعبان ايه رأيك يا ست الكل تخرجي معانا
أم مجدي بضيق / لا انا تعبانه وداخله انام تصبحوا علي خير
مجدي بصوت عالي لأن والدته كانت دخلت غرفتها / متنسيش يا ماما تاخدي الدوا احنا خارجين مش عايزة أي حاجة
أم مجدي مردتش
مجدي / يلا بينا يا حبيبتي
داليا بابتسامة / يلا
*******************
علي طاولة أحد المطاعم مجدي وداليا سوياً يتناولون الطعام
داليا / مقولتليش عملت ايه مع مريم
مجدي صامت
داليا / ايه يا مجدي بكلمك مبتردش ليه
مجدي/ علشان لما نكون مع بعض بلاش نتكلم في مواضيع تانية
داليا / ايه دا هو انت زعلت ولا ايه
مجدي/ مزعلتش ولا حاجة عايزة تعرفي ايه
داليا / أنا كنت أقصد يعني طمنتها يعني هتكسب القضية
مجدي / قضية ايه يا داليا مفيش داعي الموضوع بسيط تحله ودي مع أهل زوجها
داليا / وبعدين
مجدي/ بعدين ايه هنقضي القعدة نتكلم علي صاحبتك
داليا / مش عارفة بحس إنك بتكرهها معرفش ليه
مجدي / وأنا أحبها ولا اكرهها ليه وقفلي بقي يا داليا زهقلان من الشغل وانتي كمان جايه تفتحيني فيه هنا
داليا / خلاص متزعلش أنا آسفة
***************************
سعاد ل مريم / عملتي ايه يا بنتي المحامي طمنك
مريم وهي سرحانه ومبتسمة / كنتي بتقولي حاجة يا ماما
سعاد / لا أنتي مش طبيعية النهاردة فيه ايه
مريم / لا مفيش يا ماما بس كنت بفكر هننزل مصر أمتي
سعاد / تنزلي مصر هو انتي مش رافضة موضوع النزول دا علشان مي
مريم / انا بقول إن أهلها من حقهم يشوفوها
سعاد/ انتي اتغيرتي اوي انتي يا بنتي مالك كلامك غريب كده الليلة
مريم / المحامي قالي أحل الأمور بشكل ودى علشان أعرف اخد حقي بدون قضايا ومشاكل وانا كده كده مش موجوده في مصر يعني لا هعرف ايه اللي تم ولا أحضر الجلسات وممكن المحامي اللي يمسك القضية يكون بيكذب عليه وياخد مني فلوس وخلاص
سعاد / علي العموم انتي حره اعملي اللي تعمليه
**********************************
في صباح اليوم التالي
مريم داخله فرحانه ومزقططة
داليا / مش عوايدك يعني ايه متغيرة اليومين دول
مريم / الحب بيغير
داليا بعد ما انتباهت لكلام مريم قربت من مكتبها
داليا بابتسامة / حب! !! هو انتي قلبك دق أخيراً
مريم / آه أخيراً
داليا / طب قوليلي مين وشوفتيه فين وامتي وازاي
مريم / ايه كل الاسئلة دي
داليا / مش لازم اعرف كل حاجة
مريم / لسه شوية لما اتأكد من حاجة
داليا / حاجة ايه دي ما تنطقي يا بنتي الفضول هيموتني
مريم بثقة / حقيقة شعوره ناحيتي
داليا / هههه هو حب من طرف واحد ولا ايه
مريم اتنرفزت / داليا شوفي شغلك احسن
داليا / ايه دا انتي زعلتي
مريم / وهزعل من ايه بكره اعرف كل حاجة وهتكوني انتي اول واحدة تعرف
داليا / اكيد يعني اول واحدة يعني مامتك متعرفش حاجة
مريم / شوفي بقي مين جاي اما اشوف هتتصرفي إزاي
*******************************
كان لؤي داخل المكتب 
لؤى / صباح الخير
مريم / صباح الخير
داليا مردتش
مريم استأذن انا
داليا / انت رايحه فين يا مريم
مريم بصوت واطي ومقربة من داليا / علشان اسيبكو براحتكو
وخرجت من المكتب
داليا والدم بيغلي في عروقها
انتي جاي عايز ايه كل شوية تنطلي هنا ما تبعد عني بقى
لؤي / داليا انا مش قادر انساكي قوليلي اعمل ايه
كانت مريم واقفة بره سامعه كلامهم
داليا / يا شيخ بقي مش قادر تنساني
اقولك أقف قدام عربية علشان تخبطك أهو لا تفقد الذاكرة ويبقي ارتاحت منك ويا أما تموت وأكون خلصت منك
لؤي/ ياااه يا داليا بتكرهيني اوي كده
داليا / بكرهك كلمة كره دي قليلة اوي على اللي حساه ناحيتك
انت معملتش أي حاجة تخليني أحبك
وبعدين احنا بنتكلم عن الحب والكره ليه دلوقتي انا خلاص شيلتك من حياتي ياريت بقي تسيبني في حالي وتنساني
لؤي / يا داليا.  ..
مكملش كلامه داليا قاطعته / ياريت تتفضل من هنا مش عايزة اشوفك قدامي امشي بقي يا أخي ايه معندكش دم
لؤي / لازم تعرفي انه مش برضاكي تحبيني أو تكرهيني هتندمي يا داليا صدقيني هتندمي
داليا مهتمتش بكلامه
لكن مريم الكلام وقفها تفكر شوية وبعدين عملت نفسها إنها جايه من بره وكان لؤي خارج من المكتب شايط من الغضب
******************************
داليا قعدت علي المكتب شعرت بألم في معدتها
مريم قربت منها / انتي قولتلي ليه ايه خلتيه خارج كده
داليا / معلش يا مريم سبيني دلوقتي علشان تعبانه
مريم أضايقت من رد فعل داليا علي سؤالها
قعدت علي مكتبها وهي بتفكر في كلمة الندم اللي لؤي قالها ل داليا يا تري هيندمها إزاي بتقول لنفسها وهي مبتسمه أهو كله مصلحة

داليا مسكت التليفون تتصل ب مجدي
التليفون بيرن ومفيش رد
داليا شعرت بالألم بيزيد
مش قادرة تقرب من مريم في الوقت ده حاسه إنها بتكرهها متعرفش ليه يمكن من رد فعل مريم وإنها قالتلها وهي خارجة اسيبكو براحتكو كان قصدها ايه هي ليه مريم متغيرة من ناحيتي
**********************
الألم أصبح غير محتمل تتصل ب مجدي تاني مره
التليفون رن كتير
حبيبتي فيه حاجة عندي شغل مش هقدر اكلمك
داليا بصوت متعب / مجدي انا
مجدي بلهفة  / في ايه يا داليا انتي تعبانه 
داليا بنفس الصوت / تعبانه اوي تعالي عايزة اروح البيت تعبانه مش قادرة
****************************