أحببته كثيراً💙💚

الجزء الثاني الحلقة الأولى

#احببته كثيراً الجزء الثاني

الحلقة الأولي :-

بعد أسبوع من زواج داليا ب مجدي بيجهزوا نفسهم للسفر اللي اتحدد  بكره الفجر

مجدي ل داليا بابتسامة/ يااااه يا داليا كنتي حلم بعيد أوي أني اقدر اكلمك تاني وتسمعيني مش مصدق إننا اتجوزنا

داليا / انا اللي ظلمتك في الأول علشان كده اتعاقبت واتجوزت
مجدي ايدو علي بوق داليا

مجدي / متكمليش أنا مش عايز حاجة تفكرني بالماضي

داليا / يعني عمرك ما هتندم إنك اتجوزت واحده كانت متجوزة قبلك

مجدي / قولتلك مش عايز افتكر الماضي إحنا في النهاردة وبكره
إن شاء الله وحياتنا ومستقبلنا عايز البيت دا يتملي عيال

داليا بابتسامة خجل  / إن شاء الله

أم مجدي / ايه يا ابني قاعدين وسيبني دا كله نايمه محدش يصحيني اخد الدوا

مجدي / آسف يا ماما نسيت هدخل اجيبو لحضرتك

أم مجدي وهي عينها ل داليا / اللي واخد عقلك

داليا / هقوم أكلم ماما

أم مجدي / قوليلها لو جت متجبش أكل معاها كفاية كده أسبوع تيجي شايلة ومحمله

داليا / حاضر يا ماما

مجدي / اتفضلي يا ماما

أخدت أم مجدي الدوا

انت خارج يا ابني

مجدي / آه يا ماما عايزة حاجة اجيبها معايا من بره

أم مجدي / لا يا ابني سلامتك سوق علي مهلك ومتتاخرش علشان لسه هنقفل الشنط

خرج مجدي

أم مجدي /'بقولك ايه يا داليا ما تدخلي المطبخ اعملينا أكله حلوه كده من ايدك

داليا / حاضر يا ماما بس انا كلمت مامتي وصممت إنها جايه وجايبه أكل معاها زي كل يوم

أم مجدي/ ليه بقي كده انا مش قولتلك تأكدي عليها متجبش حاجة علي العموم ادخلي اعمليلنا حاجة تاكلنا أهو جوزك يدوق اكلك

مجدي جه من بره داليا في المطبخ

انتهز فرصة عدم وجود والدته دخل ل داليا المطبخ احتضنها

داليا ابتعدت عنه مامتك جوه تشوفنا

ابتسم مجدي عروستي بتعمل ايه بقي

داليا / واقفة في المطبخ هكون بعمل ايه

مجدي ل داليا / أنا مش قولتلك متعمليش حاجة في المطبخ اليومين دول

دخلت أم مجدي / ايه يا ابني اللي موقفك في المطبخ كده تعالي علشان متتعبش من ريحة المطبخ شغلي الشفاط يا داليا
واخدت مجدي في الصالة

ايه اللي انت جايبه دا يا ابني أكل من بره لا لا انت عارف مبرتحش إلا للأكل البيتي مراتك شكلها نفسها حلو في الأكل وانا مش عايزة أكل من بره يدخل  بيتي

مجدي / يا ماما أحنا لسه عرسان يعني عروسة تفضل واقفة في المطبخ طول اليوم

أم مجدي / مدلعاش اوي علشان متتعبكش لازم تصرفاتك يكون فيها حزم الست متحبش إلا الراجل الشديد

مجدي بابتسامة / يااااه يا ماما لسه افكار الزمن القديم ده موجوده

أم مجدي / أحنا اتربينا علي كده انا يوم صباحيتي كنت واقفة في المطبخ وروقت الشقة يومها ومسحتها وخليتها فله وكنت اصحى من بدري مش انتوا صاحيين الظهر

جرس الباب يرن

مجدي / أهلاً وسهلاً يا طنط تعبه نفسك ليه كده بس

نادية بتاخد نفسها / ولا تعب ولا حاجة امال فين رانيا

أم مجدي / يا أختي تعالي ادخلي طب أسألي عليه انا الأول

نادية داخله تسلم علي أم مجدي خرجت داليا من المطبخ

نادية / ايه يابنتي دا كنتي بتعملي ايه في المطبخ

أم مجدي / هتعمل ايه يعنى بتطبخ

نادية / أنا مش قولتلك جايبه اكل معايا

وقعدوا كلهم بتغدوا من اكل نادية وداليا والأكل اللي جايبه مجدي

بعد ما خلصوا

نادية ل داليا / عايزاكي في كلمتين جوه

ودخلت داليا ونادية جوه الاوضة

نادية / خلي بالك من نفسك يا داليا وكمان خلي بالك من جوزك مجدي بيحبك وراعي والدته علشان يحبك اكتر

داليا / مجدي طيب وحنين اوي يا ماما

نادية / ومالك بتقوليها وأنتي حزينه كده

داليا / قلقانه يا ماما

نادية / قلقانه من ايه يا بنتي طول ما جوزك حلو معاكي متلقيش من حاجة أبداً بس أهم حاجة تاخدي بالك من والدته علشان تعيشي مرتاحة

سلام انا بقي

داليا / خلاص ماشية ولا ايه

نادية / آه يا بنتي جيت أسلم عليكي علشان مش هقدر اجيلك الصبح بدري

ودعت نادية داليا بالدموع

أصبحت داليا أكثر تعلقاً بوالدتها بعد وفاة والدها

نادية خرجت مع داليا من الاوضة اخدت مجدي علي جنب
نادية وهي بتعيط / خلي بالك من داليا يا ابني علشان خاطري

مزعلهاش ولا تكسر قلبها في يوم علشان أنا عارفة بنتي كويس

مجدي وهو مبتسم ل داليا / داليا في عنيه يا طنط متقلقيش عليها وهي معايا

واحتضن داليا بقوة

أم مجدي / خلاص بقي هو قدامنا كده مفيش كسوف

ابتسموا جميعاً وخرجت نادية من المنزل

طوال الليل داليا ومجدي بيرتبوا الشقة ويغطو الفرش ويقفلوا الشنط

وفي الصباح الباكر تقلع الطائرة