أحببته كثيراً💙💚

الحلقة الثانية

#احببته كثيراً 2
#بوسي

الحلقة الثانية:-

بعد بضع ساعات هبطت الطائرة

داليا وأم مجدي قاعدين في المطار منتظرين مجدي

يأتي مجدي بالشنط ليضعها في سيارة أحد أصدقائه ويذهبون
إلى الشقة التي استأجرها مجدي قبل نزوله إلي مصر

الشقة واسعة جداً فيها غرف كتير وريسبشن كبير وكمان مجدي

مكلفها كتير  الفرش كله فخم

داليا / الشقة جميلة اوي يا حبيبي وأجمل حاجة البلكونة دي

مجدي / آه جميلة بس مفيش قعاد فيها من غيري علشان إحنا هنا مش في مصر

داليا تقبلت الموضوع / آه ...آه طبعاً ما أنا عارفة

أخذ مجدي وداليا غرفة مساحتها كبيرة

وغرفة أم مجدي متوسطة المساحة

مرت الأمور بشكل طبيعي

داليا تصحي من نومها الصبح يفطروا مجدي يوصلها كل يوم

بالرغم من إن مكان البيت وشغل داليا بعيد أوي وكمان بيرجع

الشغل في مكان بعيد إلا إنه كان سعيد إنه بيقضي وقته الصبح

وهو بيوصل داليا بعربيته

ام مجدي قاعدة معظم وقتها لوحدها

رانيا بتشتغل  عرض مجدي عليها إنها تترك شغلها إلا إنها رفضت

علشان  مصاريف والدتها و علاجها شهرياً ورافضة أي

مساعدة من مجدي

داليا في نفس المكتب مع مريم اللي دايماً بتلح عليها تروح معاها

شقتها علشان مي وسعاد وحشتهم اوي وهي بترفض علشان

لؤي لسه ساكن في نفس الشقة اللي قصاد مريم

في مساء أحد الأيام

عاد مجدي متعبا من عمله

مجدي بيلبس جوه علشان ميعاد خروج داليا من الشغل

أم مجدي دخلت الأوضة ل مجدي

"انت خارج "
"آه يا ماما محتاجة حاجة اجيبها معايا وأنا جاي"
"لا يا ابني سلامتك بس الوضع دا مينفعش  "
"وضع ايه يا ماما "
"كل يوم توصلها وترجع تجيبها وهي مبتعملش حاجة خالص في البيت وانا قاعدة لوحدي طول النهار والليل"
"ما انا بجيب شغالة يوم ويوم تنضف البيت "
"طب بدل ما تجيب شغالة وتدفعلها الشئ الفلاني قعد مراتك من الشغل واهي توفر تعبها لبيتها "

"ايه دا يا ماما وانا لو قعدت رانيا في البيت هقعدها علشان محتاجين شغالة"

"ايه زعلت اوي "
"انا اتكلمت معاها كتير لكن داليا عندها حساسية من الموضوع دا
ورافضة أي مساعدة مني لوالدتها وانتي عارفة طنط بعد وفاة
عمو حمدي وهي تعبانه ومصاريف علاجها كتير ودا سبب أني
مش قادر اضغط علي داليا في موضوع الشغل لأنها بتضايق من
موضوع مساعدتي في مصاريف والدتها "

"يعني ايه الوضع دا هيفضل كتير"

"بعد اذنك يا ماما علشان هتاخر "

"طيب بس اعمل حسابك متجبش أكل معاك مراتك لما ترجع توقف فى المطبخ تطبخ انا معدتي تعبتني نفسي أكل اكله في بيتى "

"خرج مجدي ل داليا اللي اتاخر عليها "

"داليا واقفة قدام الشركة "

مريم / يا بنتي يلا تعالي اوصلك

داليا / لأ مجدي جاي اتصل من نص ساعة وقال أنه جاي في الطريق

مريم / طب اتصلي تاني

داليا / ما انتي عارفة ممنوع الكلام في التليفون وقت السواقة

خلاص مجدي جه

مريم / طيب يلا سلام

مجدي نزل من العربية قرب ل داليا اللي كانت ماشية في اتجاهه
مجدي / انا آسف يا حبيبتي الطريق كان زحمة

داليا / لا خلاص ولا يهمك مريم بس اللي صعبانه عليه مرضيتش تمشي غير لما اطمنت وشافتك جاي

مجدي / بتحبك اوي مريم  وكل اللي يعرفك لازم يحبك

داليا ابتسمت في خجل / طب خلي بالك من الطريق

إبتسم مجدي / دا كسوف بقي

وقف مجدي في الطريق يشتري أكل زي كل يوم

وصلوا البيت

داليا / مساء الخير يا ماما 

ام مجدي ببرود / مساء النور

دخلت داليا الغرفة

أم مجدي / ايه يا ابني اللي انت جايبه دا انا قولتلك مش أكله من بره ناديها بقي تيجي تطبخ

مجدي / يا ماما طبخ ايه دلوقتي أحنا بالليل وبعدين جايه من الشغل تعبانه

أم مجدي / يعني هنفضل كل يوم بالشكل ده

مجدي / داليا قبل كده عملت أكل الأسبوع كله يوم الأجازة حضرتك معجبكيش الأكل وقولتي ماكلش أكل بايت

أم مجدي / حامي ليها بقي نفسي اعرف عملالك ايه

مجدي/ أنا خارج عندي قضايا كتير في المكتب

علشان خاطري يا ماما متصحهاش
مجدي خرج أم مجدي جري علي اوضة داليا دخلت من غير أستأذان

داليا / لسه بتحاول تنام اتفاجأت بأم مجدي داخله عليها

أم مجدي / قومي اطبخي لينا أكل

داليا / دلوقتي يا ماما

أم مجدي / آه دلوقتي وفيها ايه الست الشاطرة تخلص شغلها في أي وقت لكن واضح إنك مدلعه انا لو كان عندى بنت كنت علمتها إزاي تشيل مسؤلية بيت من قبل ما تتجوز

داليا علشان تخلص من كلام حماتها اللي ممكن يقلب بخناقة ومش عايزة تعمل مشاكل معاها احتراماً ل مجدي اللي ببحبها

داليا قامت تطبخ 9 بالليل كانت واقفة في المطبخ نايمه

ودموعها علي خدها وبتقول لنفسها أهو الجواز كله كده
لأ بس مجدي غير لؤي

وشعرت بالذنب إزاي اصلا أفكر في لؤي

خرجت داليا من المطبخ
ماما الأكل خلص انا داخله أنام
ام مجدي : مش هتاكلي ولا تستني جوزك لما يرجع
داليا : معلش يا ماما مش قادرة اسهر

أم مجدي / يعني اقعد في البيت لوحدي حتي وانتي موجودة

داليا / تصبحي علي خير يا ماما

ام مجدي ادخلي نامي يااختي ...