#احببته_كثيرا
#بوسى_مصطفى
الحلقة الخامسة عشر
*****************
أستمرت مكالمة التليفون بين لؤي ومديحة حوالي ساعة
في الصباح
داليا تجهز الفطار وتلبس تدخل تصحي لؤي
داليا / كفاية نوم كده هنتاخر على الشغل
لؤي / سبيني نايم شوية
داليا / لو مصحتش هنزل الشغل لوحدي
تعالي بقي أفطر
لؤي / لا لا أنا هفطر في المكتب
داليا / خلاص براحتك
في المكتب مديحة ل لؤي
كنت خايفه تفطر في البيت وأنا أفطر هنا لوحدي
لؤي / أنا خلاص مقدرش أفطر من غيرك
مديحة / بجد يا لؤي
لؤي / طبعاً بجد أنا نفسي مبتتفتحش إلا وأنا بفطر معاكي
مديحة / لكن أنت مبقتش تأكل من الفطار اللي بعمله وبتشتري من بره
لؤي / مش عايز اتعبك
مديحة/ تعبك راحة هتوحشنا شهرين الأجازة دول
لؤي / طيب ما تفكري وانزلي مصر
مديحة / هنزل لمين كده الشغل بينسيني وحدتي
داليا ومريم خارجين من الشغل بالليل في طريقهم للبيت
مريم / خلاص يا داليا مسافرين بكرة
يعني هروح الشغل لوحدي وأرجع لوحدي
داليا / بجد هتوحشيني يا مريم وهيوحشني القعدة مع طنط ومي ما تحجزي وتنزلي مصر
مريم / مينفعش ما انا قولتلك لو نزلت مصر أهل جوزي رافعين قضية وممكن ياخدوا مي مني
داليا / يا بنتي هما ما يقدروش ياخدوها
مريم / دول ناس أيديهم طايله وممكن يعملوا أي حاجة
داليا / يعني هتفضلي هنا هربانه
مريم / أنا اصلا مليش حد في مصر اوي هنزله يعني غير خالي
واهو والدتي جبتها تعيش معايا هنا
داليا ومريم رجعوا البيت
داليا طول الليل بتفقل الشنط وتروق البيت علشان تسيبه نظيف قبل ما يسافروا
الساعة 2 الصبح لؤي راجع البيت كانت داليا لسه داخله تنام من التعب
يدخل لؤي / مساء الخير
داليا / قول صباح الخير يعني مش قادر تتنازل عن السهر الليلادي وتقعد ترتب الشنط وتشوف ايه اللي ناقصنا
لؤي / حد قالك تعملي حاجة أنا كنت هعمل كل حاجة وبعدين سهري مع صحابي بيخليني اقدر استحمل الغربة
ووسعي بقي علشان أنام مش طالبه نكد
داليا سكتت مش عايزة مشاكل كل شوية
داليا ولؤي وصلوا مطار القاهرة راكبين عربية
كريم أخو لؤي مأجرها
كريم / حمدا لله علي سلامتك يا لؤي أنت وداليا
داليا / متشكره يا كريم
لؤي / قولي عامل ايه في دراستك
كريم / ماشية الحمد لله
يوصلوا كلهم عند بيت والد لؤي
عايدة تحتضن لؤي / يا حبيبي يا ابني عامل ايه مالك خاسس كده ليه مبتاكلش
محسن / مبياكلش ايه بس هي الغربه كده شقي وتعب وتلاقيه بياكل وهو واقف وقته ضيق
ازيك يا داليا يا بنتي
داليا / الحمد لله كويسه يا عمو
في الوقت دا خارجة كريمه من اوضتها
عايدة / تعالي يا كريمة يا بنتي سلمي علي اخوكي ومراته
علي مهلك يا بنتي
لؤي / ازيك يا كرمله ايه دا انتي قربتي خلاص تولدي
عايدة / اسكت يا لؤي دي ورتنا الويل في حملها عقبال عوضك يا ابني قالتها وهي في ماطه بوقها وموجهه كلامها ناحية داليا
أنت تقرأ
أحببته كثيراً💙💚
ChickLitهل سينتصر الحب أم دوافع الانتقام سوف تجعله ينتهي للأبد أحببته كثيراً قصه اجتماعية واقعيه
