أحببته كثيراً💙💚

الحلقة ٢٨

#احببته_كثيراً 2❤
#بوسى_مصطفى

#Bosy

الحلقة 28:-    الأخيرة
~~~♡~~~
داليا مازالت واقفة صامته شاردة
ضربات قلب سريعة تحاول التماسك أقبلت أم محمود نحوها
أم محمود / داليا يا بنتي انا كنت لسه هتصل ب مجدي علشان أقوله
داليا / ماما جوه صح
أم محمود / يا بنتي
داليا قاطعتها / لأ متقوليش حاجة أنا هدخلها هي قالتلي إنها عايزة تشوفني اكيد صاحيه ومستنيه جوه
أم محمود / يا بنتي متعمليش في نفسك كده مامتك ادفنت من ساعة
داليا مش سامعه حاجة ستات كتير قربوا منها يواسوها كل واحده بكلمه
دوشه حواليها صرخت بصوت عالي
أم محمود / متشكرين يا جماعة سيبوها دلوقتي تستريح 
داليا سقطت علي الأرض سندوها  الستات وادخلوها غرفة والدها
أتت أم محمود بطعام ل داليا
داليا فتحت عينها
أم محمود /يلا يا بنتي علشان تاكلي
داليا صامته
أم محمود / لا حول ولا قوة إلا بالله
يعني قعدتك دي هترجع اللي راح قومى كلي حاجة انتي وشك اصفر وشكلك تعبان

مجدي بيقلب في التليفون
أم مجدي / شوف لو ناسي حاجة علشان اقفل الشنطة
مجدي وهو مشغول في التليفون / لا يا ماما مفيش حاجة ناسيها أم مجدي / انت بتتصل ب مين دلوقتي
مجدي / بتصل بخالتي تطمنا علي داليا
أم مجدي / طيب يا ابني بس ياريت تكون صاحية انا عارفة بتنام بدري

أم محمود يا بنتي كفاية بقي وجعتي قلبي انا مش ناقصة كل ما تيجى سيرة الموت افتكر محمود ابني وبكت أم محمود
داليا بتطبطب عليها
أم محمود / انتى اللي بتواسيني يا داليا
حضنتها وبكت
داليا /ماما ما قالتلكيش حاجة عني يا طنط
أم محمود / دعتلك وقالت قلبها راضي عنك يا بنتي
داليا / يااااااه 😭😭راضيه عني مع إني مريحتهاش وهي عايشة
وحشوني اوي يا طنط بابا وحشني نفسي ارتمي في حضنه واعيط يطبطب عليه أحس إن حد جنبي

أم محمود بابتسامة وهي بتمسح دموعها / ربنا يرحم اللي ماتوا
جوزك بالدنيا يا بنتي دا لو عرف هيجي جري
داليا / لا لا علشان خاطري لو اتصلوا متقوليش أني هنا
أم محمود بدهشة / ليه يا بنتي انتي زعلانه مع مجدي

التليفون يرن مجدي بيتصل
بعد اذنك يا داليا
أم محمود واقفة في الصالة بتتكلم بصوت واطي/ازيك يا مجدي
مجدي/ الحمد لله
اخبارك ايه يا خالتي
الحمد لله بخير
لسه صاحية يعني
آه صاحية أنا قاعدة مع داليا
بجد هي داليا عندك
جوه في اوضة باباها عايز تكلمها
مجدي متردد / طمنيني عليها
هي كويسه يا ابني
خليكي معاها يا خالتي الليلة
حاضر يا ابني انا مش هسيبها مينفعش اصلا اسيبها في الظروف دي
مجدي بقلق علي داليا / ظروف ايه  قلقتيني
أم محمود / نادية😭😭
مجدي بحزن / طنط نادية توفيت ؟
أم مجدي / لا إله إلا الله
هات يا ابني التليفون
أم مجدي / ازيك يا اختي عامله ايه
الحمد لله
أم مجدي / خليكي مع داليا للصبح متسيبهاش البنت حامل بلاش تعيط كتير
حامل؟  ألف بركه
أحنا جايين الصبح بس بلاش تقولي ل داليا
حاضر
تصبحي علي خير مش عايزة حاجة اجيبهالك وانا جايه
عايزة سلامتك تيجو بالسلامة