#احببته_كثيراً 2
#بوسى_مصطفى
الحلقة الثالثة عشر :-
***********************
#Bosy
وصلنا لصراخ داليا ودخول أم مجدي
مجدي بيحاول يوقف داليا
أم مجدي بتعمل ايه يا ابني
هعمل ايه يا ماما!!! هخدها للمستشفى
هتاخدها كده ؟؟!!!انا هلبسها وانت أنزل شغل العربية
مجدي نزل جري شغل عربيته جري علي السلالم طلع فوق اخد داليا وهو حاملها بين ايدية
ركبها في الكرسي الخلفي جنبها حماتها
داليا مازالت تبكى وتصرخ
مجدى سايق بسرعة من وقت للتاني ينظر في المرآة ليرى داليا
أم مجدي / دي نامت يا ابني
مجدي / نامت ازاي!!!حركيها يا ماما
يا ابني بتتنفس أهو قدامي متخافش
وقف مجدي العربية ونزل يشوف داليا
ينادي عليها ويهزها يحاول مفيش حركة انفاسة مكتومه من شدة القلق عليها بعد محاولات من افاقتها تفتح عينيها
مجدي بلهفة / داليا انتي كويسة
داليا / أنا كويسة بس عايزة انام
أم مجدي /شايف أهي عملت زى المره اللي فاتت كده وفي الآخر نامت يعني ننزل جري لما قلبنا كان هيوقف وفي الآخر الهانم عايزة تنام
مجدي سايق عربيته وكمل الطريق
أيه يا ابني رايح بينا على فين
المستشفى
ليه مستشفى ؟!!!!
ماهي كويسه اهيه
لأ يا ماما لازم اطمن عليها
وصلوا المستشفي
دخلت داليا غرفة الكشف
مجدي /خير يا دكتور
الطبيب / خير المدام كويسة ومفيش حاجة
مجدى / ازاي يا دكتور دي كانت بتصرخ من شدة الألم
الطبيبة / ممكن تكون حالة نفسية هي اللي سببت الألم اللي بتشعر بيه أنصحك تعرضها علي دكتور نفسي
أم مجدي / يعني في الآخر طلعت مجنونه
مجدي / وطي صوتك يا ماما مجنونه ايه بس
أم مجدي / انت مش سامع الدكتور بيقول ايه
مجدي/ هو كل واحد يروح لدكتور نفسي يبقي زي ما بتقولي كده يا ماما يلا علشان نروح
مجدي اخد داليا وهو مسندها ورجعوا البيت بعد ما الدكتور كتبلها دواء يريح معدتها لو حصل الموضوع دا تاني
نايمها مجدي في السرير
أم مجدي لسه صاحيه / ايه نامت يا ابني
آه يا ماما نامت
هو انا بقي عايزة اعرف ايه اللي تاعب نفسية الهانم بتاعتك وأنت قايد ليها صوابعك العشرة شمع علشان ترضيها
وانا بقي مجوزتش ابني علشان اقعد أخدم في واحدة تعبانه طول الوقت انا صحتي علي قدي ومش حمل تعب أعصاب كل شوية
واحنا هنفضل في القرف دا كده
ايه يا ماما الكلام ده
طب تعالي عايزة اكلمك في موضوع
خير يا ماما
هي مراتك محملتش ليه لحد دلوقتي
مجدي مردتش
ايه يا ابنى مبتردش ليه
مش عارفة أقولك ايه يا ماما يعني قولتلك قبل كده كله بأمر الله
طب بقولك خدها لدكتورة تكشف وتشوف سبب الألم اللي في معدتها دا ايه وبالمره تشوف إيه سبب تأخير الحمل
إن شاء الله تصبحي علي خير
في الصباح داليا تستيقظ
داليا / مجدي. ..مجدي. .
مجدي بيفتح عيونه بلهفه / في حاجة يا داليا أنتي كويسة
داليا / الحمد لله مش هتصحي علشان تروح الشغل وتوصلني في طريقك
لا يا داليا بلاش تروحي الشغل النهاردة شكلك لسه تعبانه
داليا / خلاص بلاش انا اصلا حاسه إني عايزة أنام تاني
خلاص نامي واسترحي ومتقوميش خالص من السرير
حاضر بس هاتلي التليفون أكلم مريم تستأذن ليه في الشغل
لا نامي وانا هكلمها وانا بفطر اجيبلك الفطار هنا ؟
لأ أنا هنام مع السلامة يا حبيبي
خرج مجدي قعد يفطر وقال لوالدته متصحيش داليا وخليها نايمه براحتها قبل ما يخرج افتكر أنه مكلمش مريم مسك تليفون داليا
مجدي/ السلام عليكم
مريم بارتباك / وعليكم السلام أستاذ مجدي
مجدي / انا آسف إني ازعجتك
مريم / لا أبدا مفيش إزعاج ولا حاجة
مجدي/ ممكن تستأذني ل داليا في الشغل هي مش جايه النهاردة
مريم / آه طبعاً لكن خير مالها داليا
مجدي / تعبانه شوية
مريم / ألف سلامة عليها هستاذنلها حاضر
وقفل مجدي التليفون بعد ما أستأذن منها علشان عنده شغل
لؤي داخل المكتب
مريم / خير يا أستاذ لؤي في حاجة
لؤي / هي داليا مجتش النهاردة
مريم بضيق / لأ. .كنت عايز حاجة أقولها لما ترجع
لؤي/ لا ابدا بعد اذنك
أنت تقرأ
أحببته كثيراً💙💚
Romanzi rosa / ChickLitهل سينتصر الحب أم دوافع الانتقام سوف تجعله ينتهي للأبد أحببته كثيراً قصه اجتماعية واقعيه
