أحببته كثيراً💙💚

الحلقة ٢٠

*********************
الحلقة ٢٠
#احببته_كثيراً
#بوسى_مصطفى

**********
لؤي قاعد في احدي سهراته مع علاء وحسين اللي دايماً مع بعض كل ليلة
لؤي كان مخنوق وخرج يوقف في بلكونة الشقة اللي سهرانيين فيها علاء دخل علي لؤي اللي كان بيبكي
علاء بلهفه / في أيه يا لؤي مالك
لؤي بصوت مخنوق / مضايق من نفسي ومن كل حاجة حواليه علاء / ليه يا لؤي ما انت كنت كويس دلوقتي ايه اللي حصل
لؤي / تعبت يا علاء خلاص مبقتش قادر غلطة غلطها زمان وبدفع تمنها دلوقتي
علاء / غلطة ايه دي يا لؤي
لؤي بتردد/  حبيبتي اللي هفضل طول عمري ندمان اني ضيعتها من ايدي
علاء / تقصد مين اوعى تكون لسه. ..
لؤي / ايوه لسه بحبها
علاء / تبقي مجنون يا صاحبي في حد يحب واحده متجوزه
لؤي / انا حبيتها من قبل حتى ما نتجوز
علاء / وبعدين ما انت كنت متجوزها عملت ايه رحت اتجوزت عليها من الاخر كده يا لؤي هو الممنوع مرغوب دايماً و
تعالي نكمل السهرة وسيبك من سيرة الحب دي مبيجيش من وراها غير وجع القلب
لؤي / لا مش قادر اسهر انا مروح
خرج لؤي
حسين / ايه يا عم انت رايح فين
علاء / سيبوا يا حسين
حسين / ليه ماله متقولش علشان داليا
علاء باندهاش / وانت اللي عرفك
حسين / شايفة كتير داخل  المكتب عندها ومش مطمن حاسس أنه ناوي علي مصيبه
علاء / يا عم هيعمل هو آخره بس كلمتين يفضفض بيهم وخلاص
*****************************
داليا بتتصل بوالدتها
ازيك يا ماما انا كويسه يا حبيبتي طمنيني انت بس عليكي
نادية / انا بخير طول ما انتي بخير يا بنتي مجدي أخباره
داليا / الحمد لله
نادية/ كويس معاكي يا بنتي
داليا / مجدي بيحبني اوي يا ماما وانا كمان بقت أحبه أكتر واكتر
ناديه / طمنتيني يا داليا
داليا / ليه يا ماما
نادية / كنت فاكره الحاجز القديم اللي كان بينك وبينه زمان لسه موجود
داليا بابتسامة / يااااه يا ماما لسه فاكره خلاص دا كان زمان دلوقتي هو بقي كل حياتي
نادية بقلق / حافظي عليه يا بنتي
داليا استشعرت قلقها / في ايه يا ماما
نادية / هو انتي مكشفتيش ولا بتاخدي أي حاجة علشان الحمل
داليا / لا يا ماما
نادية / شوفي يا بنتي انا هقولك الكلمتين دول علشان عايزة مصلحتك
داليا / قلقتيني يا ماما في ايه
نادية / أم محمود بتلمحلي كل شوية بالكلام إنك يعني اتأخرتي في الحمل وكده وقالت عندهم الست اللي متخلفش جوزها يتجوز عليها
داليا / ايه لا مستحيل تكون تقصدي انا
نادية / حماتك بتحكي ليها علي كل حاجة وبتكون عارفة حاجات
عنكو انا نفسي معرفهاش
داليا صامته/ أنا قلبي حاسس إن فرحتي مش هتكمل
نادية/ متقوليش كده يا بنتي مجدي بيحبك اكسبيه
جوزك مادياً يعني حالته كويسه روحي لدكتور واتنين وعشرة دوري متسكوتيش حتي لو وصلت تسافري بره سافروا إن شاء الله يكون لحالتك علاج دا انا منايا اشوف حفيد ليه
داليا / ومامته لو عرفت هتسكت انا خايفة يا ماما
وبدأت داليا تعيط
نادية / هو أنا بقولك كده علشان تعيطي شوفي أول جوزك لما يرجع من بره اقعدي واتكلمي معاه متطنشيش بقي
داليا / حاضر يا ماما أهم حاجة تخلي بالك من نفسك وتاخدي الدوا في ميعاده
نادية/ مع السلامة يا بنتي وسلميلي علي حماتك
داليا / مع السلامة يا ماما
****************************
مريم بتلبس وخارجة
سعاد / معرفش ايه اللي طلعها في دماغك حكاية الميراث والمواضيع دي مش خلصنا منها خلاص يا بنتي
مريم / يعني عايزاني اسيب حق بنتي اليتيمه دي أهل أبوها يتهنو بيه وبنتي تتحرم من أبوها وفلوسه
سعاد / بس خايفة من رد فعلهم يا بنتي لو رفعتي قضية
مريم / أنا هروح لمحامي ناس كتير قالتلي عليه أنه محامي شاطر هستاشيرة واشوف رأيه ايه
سعاد / طيب يا بنتي متتأخريش بره
مريم / حاضر يا ماما بس ابقي نايمي مي بدري علشان مدرستها قوللها ماما هتجيبلك حاجة حلوة معاها علشان تنام
***************************
وخرجت مريم في طريقها ل مكتب مجدي جواها فرحه كبيرة إنها هتشوفه وتقدر تتكلم معاه وكمان يقولها علي طريقة تقدر تاخد بيها حق بنتها في ميراث والدها

داليا قاعدة في الغرفة بتقرأ قصة أحداثها فيها تشابهة لحياتها
البطل اتجوز علي زوجته علشان ينجب طفل
تذكرت داليا كلام والدتها شعرت بخنقة خرجت جري للبلكونة
أمسكت الهاتف واتصلت
الو ازيك يا حبيبتي فيه ايه مالك يا داليا
داليا وهي بتبكي /مخنوقة شوية يا حبيبي هتتاخر بره
مجدي/ أنا ممكن اجي دلوقتي
داليا / لا خليك شوف شغلك
مجدي / علي العموم انا قدامى ساعة بالكتير واكون عندك منتظر بس مريم زي ما قولتلك
داليا / مجدي علشان خاطري شوف لها حل في موضوع الميراث ده وكمان تتصرف إزاي مع أهل زوجها اوعى تقولها إنهم ممكن ياخدوا مي منها
مجدي / ههههه طب ماتيجي تقعدي مكاني وخلاص
داليا / بتتريق ماشي لما ترجع بقي حسابي معاك
مجدي /لما أرجع عايز الاقيكي جاهزة علشان نخرج شوية بره نشم شوية هوا بعيد عن جو البيت
داليا / خلاص هدخل البس دلوقتي بس متتأخرش
في الوقت دا دخل أحد المحامين
أستاذ مجدي في مدام واقفة بره بتقول إنها اخده ميعاد من حضرتك
مجدي وهو أيده علي سماعة الهاتف / خليها تتفضل
داليا / خلاص هسيبك تشوف شغلك مع السلامة
********************************
مريم / ازيك يا أستاذ مجدي
مجدي بتحفظ / أهلا مدام مريم اتفضلي
ونادي علي عامل المكتب
مجدي / تشربي ايه
مريم / أي حاجة
مجدي للعامل  / اتنين قهوة. ..قهوتك ايه
مريم / مظبوطة
مجدي / اتنين قهوة مظبوطة
مريم / هدخل في الموضوع علشان معطلكش على شغلك
مجدي / اتفضلي
مريم / انا حكاية ابتدت من 8سنين لما اتجوزت والد مي
وكنا عايشين وشغالين هنا من 5 سنين حصلت الحادثة اللي اتوفي فيها جوزي
قالتها وهي متأثرة والدموع بدأت تتلألأ في عينيها
تابعت / رضيت الحمد لله بقضاء الله  وعيشت علشان اربي بنتي نزلت أجازة وحصلت مشكلة بيني وبين أهل زوجي خايفين اتجوز وأبعد البنت عنهم وهددوني إني لو اتجوزت مليش ميراث لا أنا ولا بنتي اخدت بنتي سافرت هربانه منهم ومنزلتش مصر من يومها ونفسي أنزل أجازة علشان اخد حق بنتي وخايفة ياخدوا بنتي مني
****************************
مجدي / الأمور بسيطة بس  سؤال الميراث دا بأسم زوجك
داليا / آه شقتتا اللي اتجوز نا فيها وكمان فلوس ليه كانت عند أخوه وهو عايز ينكرها مع أني كنت حاضره يوم ما اخد الفلوس من جوزي
مجدى / مفيش مشكلة كده الشقة من حقك انتي وبنتك لكن متنسيش إن إخواته ليهم في الشقة ممكن تتراضوا بدون مشاكل لو عايزة تاخدي الشقة ادفعي ليهم تمن نصيبهم فيها ولو عايزينها تقدري تاخدي حقك وتتنازلي وانا بقول بلاش محاكم انتوا أهل مهما كان ولو دخلتي عليهم ب مي هيطمنوا ويشوفوا طلباتك وكل واحد ياخد نصيبة وممكن أخو زوجك يعترف بالفلوس ويدفعها لأنك مش هتقدري تاخدي منه الفلوس بالقانون إلا إذا كان فيه ما يثبت لكن واضح إن زوجك أعطاه الفلوس سلف يعني بدون ضمان  لو حسوا إنك عايزة يكون في مودة بين مي وأهلها هيلينوا وتعرفي تاخدي حقك منهم
لأن دا سبب المشكلة انك اخدتيها بعيد عنهم لو اخدوها في حضنهم عمرهم ما هيقدروا يظلموها
*****************************
مريم / يااااه بجد كلامك طمني اوي يعني بلاش من المحاكم والقضايا والحاجات دي

مجدي / لا بلاش الأمور ممكن تتحل وانتي مع أول أجازة تنزليها مصر تصلحي الأمور
مريم / متشكرة جداً أستاذ مجدي
مجدي وهو ينظر للساعة / العفو
مريم / الظاهر اخرتك علي ميعاد مهم
مجدي / معلش بقي هنزل اوصلك واروح البيت
مريم وهي بتحاول تداري ضيقها بعد فرحتها بكلام مجدي ليها / لا ملوش لزوم انا هنزل لوحدي
مجدي / يا خبر عايزة داليا تزعل مني أني موصلتش صاحبتها
داليا بتعتبرك أختها وانا كمان بقول خير ما اختارت صديقة واخت زيك
مريم بتصنع الرضا / متشكرة لحضرتك
ونزلوا لتحت وكل واحد مشى في طريق مختلف
***********************************