حلقة الثامنة عشر :-
#احببته_كثيراً 2
#بوسى_مصطفى
عاد مجدي الي المنزل
أم مجدي استيقظت عندما سمعت غلق باب الشقة خرجت من غرفتها
أم مجدي / ايه يا ابني هو كل يوم تأخير كده
مجدي / معلش يا ماما كان عندي شغل كتير الليلة
أم مجدي / انا يا ابني خلاص زهقت من الوحدة دي ونفسي ارجع مصر
مجدي/ وحده إزاي يا ماما واحنا معاكي
أم مجدي / معايا فين هو انا بشوفك ولا بشوف مراتك لا في الشغل لا نايمه
مجدي / معلش يا ست الكل بس بردو في الآخر بتنامي هنا معانا وبتونس ببعض في مصر بقي هتقعدي إزاي لوحدك
أم مجدي / هقعد عند خالتك أو هي تيجي عندي
مجدي / أهي خالتي قاعدة مع طنط نادية أهي بتراعيها وبتاخد بالها منها
أم مجدي / يعني بتفضل حماتك عليه ومستخسر اختي تقعدي عندي
مجدي / أنا قولت كده يا ماما أنا بقول انك قاعدة معانا ومطمنين عليكي في مصر بقي هنكون قلقانين من قعدتك لوحدك وخالتي مش كل يوم هتسيب بيتها وتقعد معاكي
أم مجدي / خلاص نعزم مريم ومامتها في يوم أهو تغيير
مجدي / حاضر يا ماما تصبحي علي خير أصلي تعبان اوي
أم مجدي / مش هتتعشي ولا ايه
مجدي/ لا تعبان ومش قادر أكل
أم مجدي / مسألتش علي داليا يعني ولا انت عارفها كالعادة نايمه
مجدي / ماما تصبحي علي خير
دخل مجدي اوضته
داليا صاحيه منمتش
مجدي بابتسامه/ ايه دا انتي صاحيه
داليا استدارت للجهة الأخرى
مجدي / ايه دا بقي الجميل زعلان مني ولا ايه
داليا مردتش
مجدي / لا بقي في حاجة مالك يا حبيبتي
داليا / يعني مش عارف في ايه
مجدي برغم المشاكل اللي عنده في الشغل إلا إنه لما بيدخل البيت بيحاول ينساها ويتعامل مع داليا طبيعي علشان متضايقش
مجدي / لا بجد مش عارف انا عملت حاجة ضايقتك
داليا / طول اليوم وانت متغير توصلني للبيت متطلعش معايا وتسيبني لوحدي واول مره من يوم ما اتجوزنا اطلع الشقة لوحدي اكلمك في الشغل تكلمني بأسلوب في جفاء ولا كأنك بتحبني
مجدي / يا خبر مش بحبك ازاي يا داليا تقولي كده أنتي كل حياتي ومتزعليش بس بكون في الشغل واحد تاني كل مكان وليه تعامل
داليا / بس أنا مش موظفة عندك علشان تعاملني بطريقة شغلك
مجدي بابتسامة / ياااه لو كنتي موظفة عندي كنت قفلت المكتب ومش بعيد الشركة تتقفل كمان
داليا/ ليه يعني هو انا مش هعرف اشتغل
مجدي / ههههه انا اللي مكنتش هعرف اشتغل بقي حبيبي معايا في الشغل واشتغل إزاي بس
داليا ابتسمت بخجل / يعني بتحبني صحيح وموضوع الحمل مش فارق معاك
مجدي / تحبي اطلع دلوقتي لماما وأخرج للجيران واقولهم بحببببببببببببببك
داليا / بس وطي صوتك مامتك تصحي
مجدي / تصحي عادي وهقولها كمان بصوت عالى وقرب من الباب بحببببببببببببببك جريت داليا بفرحة بس بقي هتفضحنا
مجدي / احتضنها وقبل يدها هو الحب فضيحة
خلاص بقي وطي صوتك مامتك زمانها صحيت
في اليوم التالي
داليا واقفة في المطبخ بعد مارجعت من الشغل وهي كلها نشاط وفرحه
أم مجدي / مالك كده واقفة مش علي بعضك
داليا / أبداً يا ماما
وقربت من حماتها وحضنتها
أم مجدي مندهشة / عمرك ما عملتيها ايه اللي جرالك مش عوايدك
داليا / بحبك يا حماتي
أم مجدي / بلاش حماتي دي بتعصبني
داليا / ما أنتي حماتي علشان خلفتي حياتي
أم مجدي / بتقولي ألغاز النهاردة يا داليا
داليا/ مش انتي خلفتي مجدي وهو بقي حياتي
أم مجدي بابتسامة / اختشى يا بت بتغازلي في ابني وأنا موجودة
ضحكوا مع صوت رن جرس الباب
أم مجدي / طب شوفي مين اللي بيرن الجرس
خرجت داليا اتفاجات ب مريم
مريم / ايه يا داليا مش هتقوليلي اتفضلي
داليا / آسفة يا مريم اتفضلي
دخلت مريم اخدت داليا مي وشالتها
مي / وحشتيني يا طنط
حبيبة قلب طنط عاملة ايه يا روحي
مقولتليش يا مريم واحنا في الشغل إنك جايه
خرجت أم مجدي من المطبخ ايه قلة الذوق دي بدل ماتقوليلها اتفضلي سكتت داليا بضيق من طريقة حماتها
لكن مريم مبتسمة
أم مجدي / نورتني يا مريم انتي و مي
دا مجدي روحه في مي هيفرح اوي لما يشوفها
مريم / انا ومي كنا قريبين من هنا وقولنا نعدي نسلم علي طنط
ومي بقي لما قولتلها مبطلتش كلام وسؤال عن مجدي مش كده يا مي
مي / آه يا ماما هو عمو مجدي فين
أم مجدي في الشغل زمانه جاي
تقعدوا بقي تتغدو معانا
مريم / لا يا طنط احنا شوية وهنروح
ام مجدي / تروحي فين دلوقتي مجدي يزعل لو عرف إن مي جت ومشفهاش
مريم بابتسامة كنتو بتعملوا حاجة اعمل معاكو
أم مجدي / لا يا حبيبتي مش عايزين نتعبك
دخلت أم مجدي المطبخ دخلت مريم معاها
داليا قاعدة مندهشة من جرأة مريم اللي مش متعوده عليها
الباب يتفتح مجدي يدخل
داليا بابتسامة / حمدا لله علي السلامة
مجدي / وحشتيني ياحبيبتي قبل يدها
مي جايه جري ناحية مجدي
مجدي بفرحه / هي مي عندنا واخدها في حضنه
ازيك يا عمو
وحشتيني ياحبيبة عمو يلا ننزل نشتري لعب بقي ماشي
خرجت مريم من المطبخ
مجدي بخجل / ازيك يا مدام مريم
الحمد لله
مش يلا يا مي علشان نروح اتاخرنا علي تيته
داليا / في ايه يا مريم خليكو شوية
مجدي / احنا لسه هننزل نشتري لعب ونلعب مع بعض
مريم / لا كده هنتاخر علي ماما معلش مرة تانية
أم مجدي / وفيها إيه يابنتي دا المحل تحت البيت يعني مش هيتاخروا
ونزل مجدي معاه مي يشتري ليها لعب
داليا وأم مجدي بيجهزوا السفرة ومعاهم مريم
رجع مجدي ومي وكان معاهم لعب كتير
مريم/ ليه دا كله يا جماعة انا كده هندم إني جيت
داليا / متبقيش حساسة يا مريم
أم مجدي / يلا يا جماعة الغدا جاهز
***********************
*************************
أنت تقرأ
أحببته كثيراً💙💚
Chick-Litهل سينتصر الحب أم دوافع الانتقام سوف تجعله ينتهي للأبد أحببته كثيراً قصه اجتماعية واقعيه
