*********************
الحلقة العاشرة:-
#احببته كثيراً
#بوسي
تليفون داليا يرن / الحمد لله يا مريم كويسه
لا مش تعبانه
مريم / بقولك ايه عيد ميلاد مي بعد بكره ولازم تيجي ومفيش أعذار نهائي
داليا / انتي عارفة يا مريم مينفعش اجي عندك
مريم / لا ينفع لو مجدي جه معاكي زي قبل كده هينفع وبلاش حجج علشان مي لو مجتوش مش عارفة ممكن تعمل ايه
داليا / خلاص هكلم مجدي واقولك
مريم / متعرفيش مي يومياً تسألني علي مجدي وتقولي عمو مبيجيش ليه يا ماما أقولها مشغول تقولي خلاص نروح ليه الشغل
داليا/ هههههه بنتك دي بدأت اقلق منها هي حاطه عينها علي جوزي ولا ايه
مريم / لا بجد يا داليا جوزك طيب اوي كل اللي يعرفه لازم يتعلق بيه بجد يا بختك بيه
داليا بقلق / مريم مبتفكريش في الجواز
مريم بضيق / ليه بتسأليني السؤال ده
داليا / لا فكرت بس إن مي محتاجة لأب فعلاً يحبها ويحسسها بالأمان متعرفيش بعد بابا وأنا حاسه بروحي رايحه مني
مريم / خلاص يا داليا معلش هقفل معاكي علشان مي تنام
الباب بيتفتح
داليا بتعمل نفسها نايمه لإنها زعلانه من مجدي
دخل مجدي غير هدومة استدارت داليا ل مجدي
مساء الخير يا داليا
ايه داليا دي
أيه مش أسمك ولا أيه
لأ اسمي بس مفيش حبيبتي أي حاجة من دي
ايه يا مجدي انت زعلان مني
بصراحة يا داليا آه زعلان تقلقيني عليكي اجي جري علي آخر سرعة متعرفيش كان ممكن يحصلي ايه ممكن مكنتش أرجع البيت
بعد الشر عليك يا حبيبي
حبيبك! !!
ايوه حبيبي انت بتشكك في حبي ليك
أبتسم مجدي/ خلاص متقلقنيش عليكي تاني ولازم اخدك لدكتور ونشوف ايه سبب الألم اللي بيجيلك ده
مريم ل سعاد / شوفتي يا ماما بكلم داليا واقولها إن مي متعلقة ب مجدي تقوم تغير وتقولي مبتتجوزيش ليه
سعاد / وفيه إيه يا بنتى هى قالت حاجة غلط
مريم / لا يا ماما هي غيرانه علي جوزها مني أنا هفكر في جوزها بردو
سعاد / يا بنتي بلاش سوء الظن يمكن مش قصدها حاجة عايزة مصلحتك يعني
داليا ل مجدي / مريم عزمتنا علي عيد ميلاد مي وأنا قولتلها هقولك الأول
مجدي / هتعمله فين لو في بيتها اعتذري ليها ولو أن مي وحشاني أوي
داليا / ايه رأيك نعمله هنا ونتبسط كلنا
مجدي / فكره جميلة اوي قوللها بكره ولو وافقت نشتري حاجة عيد الميلاد بعد الشغل
داليا / هكلمها بكره
مجدي / بكره ناس عازمنا علي العشاء
داليا / مين اللي هيعزمنا هو احنا نعرف حد هنا
مجدي/ أستاذي وصاحب الشركة اللي شغال فيها وهو كمان اللي فتح لي المكتب وكمان بقيت الريس في المكتب انا اللي مشغل كل المحاميين اللي في المكتب من أول يوم ليه هنا وهو واقف جنبي
داليا بابتسامة / انت اللي يعرفك لازم يقف جنبك
مجدي / يا خبر الوقت سرقنا الساعة 3 يدوب انام الساعتين دول عندي شغل كتير ومشاوير كتييييرة تصبحي علي خير يا حبيبتي
أنت تقرأ
أحببته كثيراً💙💚
Chick-Litهل سينتصر الحب أم دوافع الانتقام سوف تجعله ينتهي للأبد أحببته كثيراً قصه اجتماعية واقعيه
