أحببته كثيراً💙💚

الحلقة السابعة

الحلقة السابعة:-
#احببته كثيراً
#بوسي

بعد تكرار محاولات الإتصال ب مجدي أخيراً رد علي التليفون وهو بيفتح عينيه كان نايم فرحة غمرت قلبه لما شاف المتصل داليا

مجدي بإنكسار / صباح الخير يا حبيبتي
داليا بتتنفس مع تنهيدة ارتياح وقرب حماتها منها وهي بين ايديها وهي بتتصل / ايه يا مجدي قلقتنا انت فين

مجدي/ انا في المكتب نايم علي الكنبة مجاليش نوم من غيرك لغاية الفجر ولسه نايم من دقايق

داليا / الحمد لله إنك بخير
أم مجدي / هاتي التليفون اكلمه
الو يا مجدي كده تقلقنا عليك انا كان قلبي هيوقف
مجدي مردش / ايه لسه زعلان مني دا حتي انا اتصالحت أنا وداليا حتي كلمها واسألها مش كده يا داليا

مجدي/ بجد يا داليا اتصالحتي انتي وماما
أم مجدي مازالت بتطبطب علي داليا وايدها التانية علي رأسها كأنها بتسرح لها شعرها ومبتسمه ليها

داليا بحزن وقلق علي مجدي اللي دايماً بيحاول يسعدها شعرت إن الكلمة دي هتريحة / اه اتصالحنا

مجدي كان طاير من الفرحة / بجد يا داليا يعني مش زعلانه
داليا بإنكسار / لا خلاص مش زعلانه قالتها وهي كان نفسها تصرخ من اللي جواها

داليا / مش هتيجي علشان توصلني للشغل ولا أنزل اركب تاكسي علشان متأخرش
مجدي/ لأ مفيش شغل النهاردة ادخلي البسي اجي الاقيكي انتي وماما جاهزين هخرجكم النهاردة حتة خروجه هتبسطك اوي

داليا / لا بلاش يا مجدي مليش مزاج
مجدي / علشان خاطري عايز اتأكد إنك مش زعلانه
داليا / حاضر هلبس

جه مجدي وخرجوا كلهم كان مجدي بيتفنن إزاي يفرح داليا اكلوا بره ودخلوا الملاهي وركبت العاب كتير كانت هي الشابة الوحيدة وسط كل البنات اللي في الملاهي أكبرهم 13 و 15
سنه اشتري ليها هدايا كتير مامته متكلمتش خالص

رفع الحرج خالص قدام مامته كان بيقبل يد وجبين داليا ومن وقت للتاني يضمها ليه في محاولة إنها تنسي اللي حصل بالليل وبالرغم من كل ده
داليا كانت بتتصنع الفرحة والابتسامة شعرت إن قلبها اتكسر للمرة التانية حاجات جواها اتغيرت من ناحية حماتها لكن حبها ل مجدي مازال زي ما هو ولكن بيتعكر وقت تذكرها اللي حصل من والدته

وانتهي اليوم وشعر مجدي إنه قدر يفرح داليا اللي كانت عكس كده تماماً مفرحتش من قلبها كانت مجرد تصنع للفرحة اللي محستهاش

رجعوا البيت كان مجدي في منتهي السعادة
مجدي بابتسامة لوالدته / تصبحي علي خير يا ماما
كانت داليا دخلت قدامة وغيرت هدومها ونامت علي السرير
دخل كمان غير هدومه وقرب من داليا اللي كانت منمتش لكن عملت نفسها إنها نايمه

داليا. ...داليا لحقتي تنامي اصحى اقعدي معايا شوية
قامت داليا بعصبيه مقدرش تخبيها / نقعد مع بعض احنا طول اليوم قعدين مع بعض سيبني أنام عندي شغل الصبح بدري

مجدي / علشان خاطري يا حبيبتي اقعدي نتكلم بي شوية ونامي براحتك

قامت داليا إبتسم ليها مجدي وبدأ يقرب منها
داليا بعدت عنها بصوره أغضبت مجدي
في أيه مينفعش اللي بتعمليه ده
شاورت ل مجدي ناحية الباب
محدي/ في ايه انا كل أما أقرب منك
قاطعته داليا اششششششش
وشاورت ناحية الباب اللي كان خيال رجل مامته باينه إنها واقفة

مجدي قام بحرج من داليا وحاول يعمل صوت وقرب من الباب كأنه بيفتحه جريت أم مجدي وقعدت علي كرسي في الصالة

خرج مجدى / ايه يا ماما لسه صاحية وقرب قعد بجوارها
أم مجدي / لسه كنت داخله انام انت منمتش ليه
مجدي / هدخل انام بس افتكرت إنك ماخدتيش الدوا قولت افكرك

أم مجدي بفرحه / يعني بجد يا ابني لما بتكون مع مراتك بتفتكرني
مجدي وهو بيطبطب علي يد والدته / طبعاً يا حبيبتي هو أنا اقدر انساكي يلا علشان تاخدي الدواء وتنامي

وبالفعل أحضر مجدي الدواء لمامته ودخل معها لغرفتها وظل بجوارها إلا أن غرقت في النوم

تركها ودخل غرفته

داليا كانت نامت تركها وهو غضبان

في الصباح
الروتين اليومي تستيقظ داليا من نومها تحضر طعام الإفطار ثم تترك طعام الغداء علي النار وتنزل هي ومجدي يوصلها الشركة ويرجع للشركة اللي بيشتغل فيها للساعة 4 عصراً

في المكتب

مريم / أهلاً بالناس اللي مجتش الشغل وطنشتنا
داليا بابتسامة يتخللها الحزن / كانت ظروف امبارح معرفتش اجي
انا داخله الحمام
مريم / هاتي معاكي حاجة نشربها

خرجت داليا من المكتب
كانت الشركة في حالة فرحة غير عادية الكل فرحان وسعيد ومباركات ل لؤي من كل الزمله

مبرووووك يا لؤي يتربي في عزك
متشكر اوي يا جماعة عقبالكو كلكو

فاتن إحدى الزميلات تقترب من مكتب مريم وداليا
ازيك يا مريم / الحمد لله عامله ايه يا فاتن
فاتن / كويسه امال صاحبتك فين
مريم / مين داليا؟
فاتن / آه داليا هو انتي ليكي صاحبة في الشركة غيرها
مريم / داليا في الحمام عايزة منها حاجة
فاتن / لا بس كنت عايزة أقولها إن مديحة ولدت وجابت ولد زي القمر شبه لؤي بالظبط
مريم بضيق / وداليا ايه علاقتها بالموضوع علي العموم الف مبرووك معلش لو سمحتي مش فاضية دلوقتي عندي شغل
فهمت فاتن مقصد مريم وخرجت وهي بتحاول تداري غضبها

دخلت داليا المكتب
اتفضلي مج نسكافيه علشان تصحصحي للشغل
مريم / شكراً يا ستي
داليا / ايه ستي دي
مريم / هههه بدلعك يا دودو
داليا / وهو دا دلع 😄

قعدت داليا علي مكتبها تخلص شغلها
لؤي بيوزع سبوع ابنه قرب من مكتب داليا طرق الباب بفرحة

مريم وداليا تركوا الأقلام لينظروا من الطارق

لؤي قرب من مكتب مريم صباح الخير أستاذة مريم سبوع مالك ابني
مريم / ألف مبروك
قرب من مكتب داليا
سبوع مالك يا داليا اتفضلي

داليا باضطراب / مبروك
ازيك يا داليا اخبارك ايه طمنيني عليكي

مريم / استاذ لؤي مش هتوزع باقي سبوع ابنك علي الزمله
لؤي بارتباك / آه. . آه

***********************