Bulong ng Puso

Chapter Twenty

Nilagok ni Gael ang scotch na nasa kanyang harapan, pagkatapos ay muling inilapag ang baso, seriousness all over his face. Ni hindi niya napansin ang pag upo ng isang babae sa kanyang tabi. Kanina pa siya sa bar na iyon at naka ilang shots na din ng inumin.

"Hey handsome," wika ng babae. Nakaupo itong patagilid sa upuan at nakapaharap sa kanya, her long, perfectly shaped legs showing sa mini skirt na suot nito. Ang dalawang braso nito ay nakapa dantay sa maliit na sandalan ng bar chair.

Saglit niya itong tinapunan ng tingin at matapos ay muling sinenyasan ang bar tender para umorder pa ng isa.

"Ang suplado mo naman," muling wika nito na nakangisi. Yumuko ito papalapit sa kanya, ang malulusog nitong dibdib ay tila lalabas na sa pang itaas na suot nito. "I'm Jane," pakilala nito.

"What do you want?" Walang interes niyang tanong na hindi man lang ito tinignan.

Tumawa ito, "oh I'm sorry! Are you perhaps?..." ibinitin nito ang sasabihin.

Matalim itong tinignan ni Gael, "perhaps what?"

"Oh you know... pamin?"nakakaloko itong ngumiti.

"If you want to fuck, just tell me. Pwede naman kitang pagbigyan, even though you are not my type," walang emosyong sabi niya.

Napataas ang kilay nito, "jerk!" anito at padabog na umalis.

Muling ibinalik ni Gael ang atensyon sa basong hawak. Hindi na siya naninibago sa mga ganitong pagkakataon na may mga lumalapit na babae sa kanya, lalo na kapag nagpupunta siya sa mga lugar na kagaya nito. Ang iba ay kagaya ng babae kanina na masyadong agresibo, ang iba naman ay pa-cute lang. He normally turns them away not as brutally as he did sa Jane na ito, nagkataon lang na hindi talaga maganda ang mood niya ngayon at wala siyang pasensya para magpaka nice guy sa mga babaeng tulad nito. Nilagok niya ang natitirang laman ng baso at padarag iyong inilapag.

Damn! Seeing Louise again is making him lose his mind! Hindi niya akalaing ganito pa rin ang magiging epekto ng dalaga sa kanya, just thinking of her makes him want to run to her, na yakapin ito at muling mahagkan.

Paano nga kaya ang pakiramdan na muling madama ang mga labi nito? na muling masamyo ang amoy nito? Those thoughts have kept him awake countless nights, made him ache and yearn. Maraming pagkakaton ang nakipagtalik siya ngunit isang babae lang ang palaging laman ng kanyang isip. Sa mga maiinit na sandali,  isang babae lang ang isinisigaw ng buo niyang pagkatao.

He closed his eyes at tila nabalik siya sa mga pagkakataong kasama pa niya ito, na malaya niya itong nahahagkan. He feels like a teenage boy whenever he thinks of those times. Marahil nga ay obsessed talaga siya rito. Yes, he loved her 6 years ago, ngunit hindi pa rin niya maipaliwanag kung bakit sa kabila ng lahat ng nangyari at sa paglipas ng anim na taon, ito pa rin ang kaisa-isang babaeng nais niya.

Hindi mo kasi siya naangkin noon, bulong ng kanyang isip. Siguro nga ang solusyon ay ang maangkin niya ito, ang maituloy ang mga naunsyaming namamagitan sa kanila noon. Maybe that way, he will learn to let go and move on.

Muli siyang sumenyas ng isa pang order sa bartender, alanganin siyang tinignan nito. "Sir, sigurado ho kayo? nakarami na kayo..." magalang na paalala nito. He just gave him a nod of approval.

I will make you mine again, Louise Saavedra. You're mine and mine alone.

"Kumusta ang lakad mo sa Maynila, hija?" tanong ng kanyang yaya Adela pagpasok niya sa kwarto ng ama sa ospital. Nakalabas na ito ng ICU. Lumapit siya dito at nagmano. "Waste of time po, yaya. Kumusta po si papa?" nilapitan niya ang ama at binigyan ng halik sa noo.

"Nagkamalay na siya kanina hija sa awa ng Diyos. Mahina pa ngunit pag nagtuloy tuloy na naging estable ang vitals niya ayon sa mga doktor ay baka makalabas na tayo isang buwan o mas maaga pa."