About of a Consoled Fairy Part-18
@@@@@@@@@@@@@@@@@
“ငါတော့ ပင်ပန်းခဲ့တယ်၊ မင်းအကြောင်းက ရှာဖွေဖို့ တကယ်ခက်ခဲတာပဲ၊ လုံးဝကို မထင်ထားခဲ့ဘူး၊ မိခင်သစ်ပင်ဆီမှာပဲ လမ်းဆုံးခဲ့တယ်”
ဇီယုနတ်ဘုရားက ငါလေးကို အဲ့လိုမျိုး ပြောလာတော့ ငါလေး မျက်စောင်းတောင်မှ ထိုးမိတော့မလို့၊ ငါလေးပြောဖူးသားပဲ ထူးဆန်းတာ ဘာမှမရှိပါဘူးဆိုတာကို၊ အခုမှလာပြီး ညီးညူနေလည်း ငါလေးက ဘာများတတ်နိုင်အုံးမှာမို့လို့လဲ။
“ပြောသားပဲ”
အနည်းဆုံးတော့ ခပ်တိုးတိုးလေး အတွန့်တက်ကြည့် လိုက်မိတယ်။ သိပ်ပြီး အရေးမကြီးပေမယ့်လည်း ပေါ့လေ။ ဇီယုနတ်မင်းက ငါ့ကို ကြည့်ပြီး လက်ထဲကနေ အငွေ့အသက်တစ်ခုနဲ့အတူ တစ်စုံတစ်ခုကို ဆင့်ခေါ်လိုက်တယ်။
သစ်ရွက်လေးတစ်ရွက်၊ ပိုပြီး ပြည့်ပြည့်စုံစုံ ပြောရမယ် ဆိုရင် မိခင်သစ်ပင်ရဲ့မှတ်ဉာဏ်သစ်ရွက်၊ မှတ်ဉာဏ်သစ်ရွက်က မခူးခင်အချိန်မှာ နတ်သစ်ရွက်ကဲ့သို့ပင် အစိမ်းရင့်ရောင် ဖြစ်သော်လည်း ခူးချွေလိုက်၍ မှတ်ဉာဏ်ရည် အစက်အောက်သို့ ကျသွားသည်နှင့် အရောင်က မီခိုးမဲပြာပြာအရောင်သို့ ကူးပြောင်းသွားမှာ ဖြစ်တယ်။
သို့သော် ဇီယုနတ်မင်းလက်ထဲက သစ်ရွက်ငယ်လေးကတော့ ငွှားငွှားစွင့်စွင့်နှင့် စိမ်းမြနေဆဲပင်၊ အစိမ်းရောင် သစ်ရွက်သွေးကြောလေးများပင် ထောင်ကားနေဆဲ ဖြစ်လေတယ်။ မသိလျှင် နတ်သစ်ရွက်ငယ်အလား၊
“မှတ်ဉာဏ်ရည်က ခူးတုန်းက မကျသွားဘူးလား”
ငါ လှမ်းမေးလိုက်မိတယ်။ ဒါက သူ့သဘာဝအတိုင်းသာဆိုရင် မိခင်သစ်ပင်က သစ်ရွက်ကို ခူးလိုက်တာနဲ့ မှတ်ဉာဏ်ရည်က အလိုလျှောက် ကျဆင်းသွားမှာ ဖြစ်တယ်။ အဲ့ဒီသဘာဝကို ဘယ်နတ်ဘုရားကမှ တားမြစ်လို့ မရနိုင်ဘူးဆိုပြီး ကြားထားဖူးတာ အခုကျတော့၊
ဇီယုနတ်မင်းက ငါ့ကို မျက်ခုံးပင့်ပြရင်းမှ မှတ်ဉာဏ်သစ်ရွက်ငယ်ကို ကာကွယ်ထားသော ခပ်ပါးပါး အကာအကွယ်ကို ပြသပေးတယ်။ မှတ်ဉာဏ်သစ်ရွက်ငယ်လေးက အကာအရံတစ်ခု ကြားထဲတွင် စိမ်းမြနေခြင်း ဖြစ်လေတယ်။ အော် အကာအကွယ် ရှိလို့ကိုး၊
