尹琊's 传说之主的夫人{The Legendary Master's Wife}

Chapter - 371 ( သရုပ်မှန်ပေါ်ပေါက်ခြင်း ၊ သရုပ္မွန္ေပၚေပါက္ျခင္း )

[Unicode]🕸️

လင်းရှောင်မှယူရှောင်မိုအား ကယ်တင်ပြီးသည့်နောက်တွင် စွမ်းအားကုန်ခမ်းလာသည့်မီးလျှံဇာမဏီသည် ယွီဝမ့်နန်၏ချေမှုန်းခြင်းကိုခံလိုက်ရ၏။

သို့ရာတွင်လင်းရှောင်ကလည်း ယွီဝမ့်နန်အားထိုမီးလျှံဇာမဏီနှင့်ချေမှုန်းရန် စီစဥ်ထားသည်မဟုတ်။ မီးလျှံဇာမဏီသည် မည်သူတစ်ဦးမှထိန်းချုပ်ထားခြင်းမရှိသလို ၎င်းသည်မီးလျှံနှင့်ဖန်ဆင်းထားသည့်အတွက် ပြီးပြည့်စုံအောင်စွမ်းဆောင်နိုင်စွမ်းမရှိချေ။ လင်းရှောင်သည်၎င်းကို ယွီဝမ့်နန်အားအချိန်ဆွဲဖို့အတွက်သာ အသုံးပြုခဲ့ခြင်းဖြစ်သည်။

ယွီဝမ့်နန်နှင့်ချန်ချင်းအာတို့ကား မျက်တစ်ထောင်အဝီစိပင့်ကူနားသို့ ချက်ချင်းသွားကြလေ၏။

ချန်ချင်းအာသည် မျက်တစ်ထောင်အဝီစိပင့်ကူအား စိုးရိမ်တကြီးကြည့်ရှုလိုက်သည်။

" နင်ဘာဖြစ်သွားသေးလဲ ? "

" ငါဘာမှမဖြစ်ပါဘူး. .ကံကောင်းထောက်မစွာနဲ့ ငါအဝီစိပိုးချည်မျှင်နဲ့လုပ်ထားတဲ့ ချပ်ဝတ်တန်ဆာကိုဝတ်ထားတယ်လေ။ ဆိုးတာက အဝီစိချပ်ဝတ်တန်ဆာကတော့ အခုပျက်စီးသွားပြီပေါ့လေ. .တကယ့်ချီလင်နတ်ဘုရားမီးလျှံပီသပါပေတယ် "

မျက်တစ်ထောင်အဝီစိပင့်ကူသည် သေမင်းလက်မှ ပွတ်ကာသီကာလွတ်မြောက်ခဲ့ခြင်းဖြစ်သည်။ သူမသည် အဝီစိချပ်ဝတ်တန်ဆာအားနှမြောမိသည်မို့ ရင်ထဲ၌ဝမ်းနည်းမှုများပြည့်လျှံနေတော့သည်။

" ပျက်စီးသွားလည်း ကိစ္စမရှိပါဘူးဟာ။ နင့်အသက်ထက်တော့ ဘယ်အရေးကြီးပါ့မလဲ "

ချန်ချင်းအာတစ်ယောက် စိတ်သက်သာစွာဖြင့်သက်ပြင်းချမိသည်။ မျက်တစ်ထောင်အဝီစိပင့်ကူသည် သူမ၏အသက်ဆက်နွယ်မှော်ဝင်သားရဲဖြစ်ပေ၏။ သူမထံ၌တစ်စုံတစ်ရာဖြစ်ပွါးခဲ့ပါက ချန်ချင်းအာလည်း စွမ်းအားအဆင့်ဆုတ်ယုတ်သွားမည့်အပြင် စွမ်းရည်များလည်းလျော့ကျသွားကာ သူတို့အခြေအနေပိုဆိုးသွားပေလိမ့်မည်။

" ဒီကိုလာ. .ငါတို့တာဝန်ကို ဘယ်လိုလက်စသတ်ရမလဲဆိုတာလေး ဆွေးနွေးကြရအောင်။ အဲ့ဒီလင်းရှောင်ဆိုတဲ့လူက ရိုးရိုးသာမာန်မှော်ဝင်သားရဲဧကရာဇ်မဟုတ်ဘူး. .ဝိညာဥ်တော်လေးပါးရဲ့ခေါင်းဆောင် ချီလင်ပဲ "