尹琊's 传说之主的夫人{The Legendary Master's Wife}

Chapter - 376 ( နယ်မြေရွှေ့ပြောင်းလှိုဏ်ခေါင်း )

[Unicode]🏛️

အဆင့်မြင့်နယ်မြေနှင့်အလယ်အလတ်ဆင့်နယ်မြေအား ဆက်သွယ်ထားသောအရာကား နယ်မြေရွှေ့ပြောင်းလှိုဏ်ခေါင်းသာဖြစ်သည်။

နယ်မြေရွှေ့ပြောင်းလှိုဏ်ခေါင်းသည် ပို့ဆောင်ရေးစက်ကွင်းနှင့်ယှဥ်ပါက အလုပ်လုပ်ပုံနှင့်အတူ အန္တရာယ်ရှိသည့်အခြေအနေပါ ကွဲပြားခြားနားလေ၏။

ပို့ဆောင်ရေးစက်ကွင်းသည် ကြားခံနယ်စွမ်းအားများကိုအသုံးပြုထားသော အတည်တကျသယ်ယူပို့ဆောင်ရေးဖြစ်သည်။ အန္တရာယ်ရှိနှုန်းမှာ တစ်ရာရာခိုင်နှုန်းတွင် ဆယ်ရာခိုင်နှုန်းမျှရှိသည်။

နယ်မြေရွှေ့ပြောင်းလှိုဏ်ခေါင်းဘက်တွင်တော့ ထိုသို့မတူဘဲကွဲပြားခြားနားလေ၏။

အလားတူစွာပင် ၎င်းသည်နယ်မြေနှစ်ခုကြားမှ ဆက်သွယ်ရေးတစ်ခုဖြစ်ပြီး ထိုနှစ်ခုအတွက် လမ်းတစ်ခုဖြစ်တည်ပေးခြင်းသာဖြစ်သည်။ သို့သော်နယ်မြေနှစ်ခု၏ မညီမမျှဖြစ်မှုကြောင့်ပင် ယင်းဆက်သွယ်လမ်းကြောင်းသည် တုန်ခါမှုများဖြစ်ပေါ်လိမ့်မည်မို့ အတော်လေးအန္တရာယ်များလေ၏။ တစ်ရာရာခိုင်နှုန်းဖြင့်တွက်မည်ဆိုပါက ရှစ်ဆယ်ရာခိုင်နှုန်းလောက် အန္တရာယ်များလိမ့်မည်ဖြစ်ပြီး နတ်ဒေဝါအဆင့်သိုင်းပညာရှင်ငါးယောက်နှင့်အထက် အတူတူကြိုးစားအားထုတ်ကြမှသာလျှင် အတော်အသင့်တည်ငြိမ်မည့်တစ်ခုအား ဖန်တီးပြုလုပ်နိုင်မည်ဖြစ်သည်။ ယင်းသို့ပြုလုပ်မည်ဆိုပါက အန္တရာယ်ရှိနှုန်းမှာ ငါးဆယ်ရာခိုင်နှုန်းဖြစ်သွားလိမ့်မည်ပင်။

ယွီဝမ့်နန်တို့သည်လည်း ဤအလယ်အလတ်ဆင့်နယ်မြေဆီသို့ အန္တရာယ်ငါးဆယ်ရာခိုင်နှုန်းဖြင့်လာရောက်ခဲ့ခြင်းဖြစ်သည်။

ထို့ကြောင့်သူတို့သည် အတော်လေးကံကောင်းသည်ဟုယူဆ၍ရမည်။ သူတို့ကား ငါးဆယ် - ငါးဆယ် နှုန်းထားရလိုက်သည်ကိုး။

လင်းရှောင်တို့ရင်ဆိုင်နေရသည့် အခက်အခဲမှာလည်း ကွက်တိကိုမှ ထိုနယ်မြေရွှေ့ပြောင်းလှိုဏ်ခေါင်းကြောင့်သာဖြစ်သည်။ သူတို့အနေနှင့် နယ်မြေနှစ်ခုကြား လှိုဏ်ခေါင်းတစ်ခုပြုလုပ်ရမည်ဖြစ်၏။