[Unicode]🐍
" ဒါဖြစ်ရင် ချိုရန်ကောဘယ်လိုဖြစ်သွားလဲ ? "
သွမ့်ချီထျန့်သည် လက်ရှိဖြစ်ပွါးနေသည့် ရုတ်ရုတ်သဲသဲသတင်းထူးကြီးက သူ၏နားအတွင်းသို့ပေါက်ရောက်လာသည့်အတွက် တံခါးပိတ်ကျင့်ကြံနေရာမှ အခုလေးတင်ပြန်ထွက်လာခြင်းဖြစ်သည်။ သို့သော်သူသည် မည်သည့်တုံ့ပြန်မှုမျိုးမှမရှိဘဲ ချိုရန့်အကြောင်းကိုသာမေးမြန်းလေ၏။
အကယ်၍ယူရှောင်မိုသာ ဤနေရာ၌ရှိနေမည်ဆိုလျှင် သွမ်ချီထျန့်တံခါးပိတ်ကျင့်ကြံရာမှထွက်လာပြီးသည့်နောက် စရိုက်တစ်ခုလုံးပြောင်းလဲသွားသည့်အကြောင်းအား အတပ်ပြောနိုင်လိမ့်မည်ဖြစ်သည်။ အရင်တုန်းကသာဆိုလျှင် ယူရှောင်မိုတစ်ယောက် သူ၏စိတ်အခြေအနေအား မှန်းပြောနိုင်လောက်မည်ဆိုသော်လည်း ယခုအခါမှာတော့ သူနဂိုထက်ပိုပြီးတည်ကြည်လာသည့်အတွက် မှန်းပြောကြည့်ဖို့ရာခက်ခဲလောက်မည်ပင်။
" သူ့အသက်ဆက်နွယ်သားရဲဟုံယွင်က သူ့ကိုကယ်ထုတ်သွားတယ်လေ. .ဒါပေမယ့်ချိုရန်ကနှစ်ကြိမ်ဆက်တိုက်တောင် ပြင်းပြင်းထန်ထန်ဒဏ်ရာရသွားတာဆိုတော့ ဒီတစ်ခေါက်ကျရင်တော့ဒဏ်ရာတွေအကင်းပျောက်သွားဖို့ လုံးဝဖြစ်နိုင်တော့မှာမဟုတ်ဘူး. .သူနောက်နှစ်အနည်းငယ်လောက်အထိ လူလုံးထွက်ပြနိုင်တော့မှာမဟုတ်တာတော့သေချာတယ် "
ပြန်ဖြေကြားသည့်လူမှာ ဒုတိယအကြီးအကဲဖြစ်ပြီး သူသည်အနီကတ်နယ်မြေ၏လျှို့ဝှက်အခန်းနံပါတ်သုံးဆယ့်တစ်အား စောင့်ကြပ်သည့်သူဖြစ်ကာ သွမ့်ချီထျန့်သည်လည်း ထိုလျှို့ဝှက်အခန်းထဲ၌သာ တောက်လျှောက်တံခါးပိတ်ကျင့်ကြံနေခြင်းဖြစ်သည်။
သွမ့်ချီထျန့်ကစားပွဲခုံကိုရိုက်ချလိုက်ကာ ရေရွတ်လေတော့သည်။
" ဒီပုံစံအတိုင်းသာဆို နောက်ပိုင်းကျုပ်သူ့ကိုရှာမယ့်အချိန်ကျရင် အတော်လေးခက်ခဲသွားတော့မှာမဟုတ်ဘူးလား ? "
ဒုတိယအကြီးအကဲက သက်ပြင်းချလိုက်သည်။
" ဒါတော့ကျုပ်လည်းမတတ်နိုင်တော့ပါဘူး. .လုံရှန့်ပြည်က အင်မတန်ကြီးမားလွန်းတာကိုး။ နောက်ပြီးအဆင့်၁၀မှော်ဆရာတစ်ယောက်ကသာ ပိပိရိရိပုန်းနေမယ်ဆိုရင်လည်း ရှာဖို့အရမ်းခက်မှာပုံမှန်ပဲလေ. .သြော် ဒါနဲ့ ခင်ဗျားတပည့်အကြောင်းကိုရော ကြားပြီးပြီလား ? "
VOCÊ ESTÁ LENDO
尹琊's 传说之主的夫人{The Legendary Master's Wife}
Ficção HistóricaThe Legendary Master's Wife [ Chuanshuo Zhi Zhu De Furan ] Original Writer - Yin Ya 尹琊 English translators - Exiled Rebels Scanlations Myanmar Translation From Chapter - 321 [ Zawgyi X Unicode ] Genres : BL , Action , Adventure , Fantasy , Comedy...
