尹琊's 传说之主的夫人{The Legendary Master's Wife}

Chapter - 379 ( သောက်ယွင် ၊ ေသာက္ယြင္ )

[Unicode]📜

အဆင့်၁၀သားရဲကိုမှ အကောင်ရာချီဆိုတော့ကား။ ဦးနှောက်ရှိသောလူတိုင်း ထွက်ပြေးဖို့သာရွေးချယ်ကြလိမ့်မည်ပင်။ သို့သော်လင်းရှောင်၏စွမ်းအားနှင့်သာဆိုလျှင်တော့ အနှီကားဘာကြောက်စရာတစ်ခုမှရှိမနေသော်လည်း နယ်မြေရွှေ့ပြောင်းလှိုဏ်ခေါင်းသည် အတော်လေးကိုမှအထိမခံသည့်အမျိုးဖြစ်သည်။ တစ်ကြိမ်တစ်ခါလောက် ပြင်းပြင်းထန်ထန်တိုက်ဆောင့်မိမည်ဆိုလျှင် ဒုတိယကြားခံနယ်မုန်တိုင်းတစ်ခုဖြစ်ခြင်း သို့မဟုတ် လှိုဏ်ခေါင်းပြိုကွဲခြင်းအားဖြစ်ပေါ်သွားစေ၏။ ထို့ကြောင့်ပင်လူအများစုသည် ယင်းကဲ့သို့အခြေအနေမျိုးဖြင့်ကြုံတွေ့ပါက ထွက်ပြေးဖို့သာရွေးချယ်ကြမည်ဖြစ်သည်။

အော်ဟစ်အကူအညီတောင်းသည့်လူမှာ လူငယ်တစ်ဦးဖြစ်ပြီး အသက်နှစ်ဆယ့်ငါးနှစ်ခန့်ရှိပုံရသည်။ ထိုလူငယ်၏အထင်ရှားဆုံးအရာကား သူ၏ကတုံးပြောင်ပြောင်ဖြစ်ပေ၏။ သူ့ထံတွင်သားရဲရာပေါင်းများစွာကို ဆွဲဆောင်နိုင်သည့် မည်သို့သောအရည်အချင်းမျိုးရှိနေလဲတော့မသိ။ အတိုပြောရရင်တော့ မည်သူကမှသူ့ကို ဂရုစိုက်မနေချေ။

သို့သော်ကံခေမှုများကတော့ ဆက်လက်ဖြစ်ပေါ်နေဆဲပင်။

ထိုသားရဲရာချီလိုက်ခံနေရသည့်လူကား ရေကုန်ရေခမ်းထွက်ပြေးလျက်ရှိပေ၏။ ထိုကဲ့သို့သောအရေအတွက်များလှသည့် ဆူပူလှုပ်ရှားမှုသည် အဆုံးသတ်တွင်လှိုဏ်ခေါင်းအား မှန်ကွဲအက်သကဲ့သို့ ပြိုကွဲပျက်စီးစေ၏။ ပျက်စီးသွားသည့်အစအနများအားလုံးမှာ ကြားခံနယ်စွမ်းအား၏ဝါးမျိုခြင်းကို ခံလိုက်ကြရသည်။

ယူရှောင်မိုနောက်ဆုံးမြင်လိုက်ရသည်ကား ယင်းကောနှင့်ကျန့်ယွီရွှမ်းတို့ဆွဲငင်ခံလိုက်ရပြီး အလင်းတန်းထဲသို့ပစ်ဝင်သွားကာ ပျောက်ကွယ်သွားကြခြင်းဖြစ်သည်။

နောက်တစ်စက္ကန့်အတွင်းမှာပင် သူတို့သည်လည်း အလင်းတန်း၏ဝါးမျိုခြင်းကိုခံလိုက်ရတော့သည်။ သားရဲများ၏ဟိန်းဟောက်သံများသည်လည်း ချက်ချင်းကိုမှပြတ်တောက်သွားကြကုန်၏။