尹琊's 传说之主的夫人{The Legendary Master's Wife}

Chapter - 367 ( ဆိုးရွားနေသည့်အခြေအနေ ၊ ဆိုးရြားေနသည့္အေျခအေန )

[Unicode]🐥

သောက်ရှင်းတက္ကသိုလ်၏အခြေအနေမှာ အနည်းငယ်မျှထူးဆန်းနေသည်။

အစပိုင်းမှာတော့ယူရှောင်မိုသည် အကြီးအကဲချုပ်မှ စိတ်စွမ်းအင်ကျောက်တုံးများကိုပြန်ယူရန် လူများလွှတ်ပေးလိမ့်မည်ဟုမျှော်လင့်ခဲ့သော်လည်း ယခုမှာတော့သူသည် ကျောင်းရှိထိပ်သီးပုဂ္ဂိုလ်များကို လွှတ်၍မရနိုင်သည့်အကြောင်းအား နားလည်သိရှိသွားတော့သည်။

ဟေးထျန်သည် ချိုရန်တို့အဖွဲ့အား တစ်ယောက်တည်းရင်ဆိုင်နိုင်စွမ်းမရှိသည့်အပြင် တခြားအကြီးအကဲများသည်လည်း ကျောင်းမှထွက်ခွာနိုင်စွမ်းမရှိကြပေ။ သူတို့မှာသောက်ရှင်းတက္ကသိုလ်အား ကာကွယ်စောင့်ရှောက်ရမည်ဖြစ်ပြီး နက်ရှိုင်းတောင်တန်းများမှ မှော်ဝင်သားရဲထုကြီး၏ကျူးကျော်ဝင်ရောက်မှုအား ခုခံကြရမည်ပင်။ အနှီအခြင်းအရာသည် ကမ်းမဲ့ပင်လယ်မှကိစ္စရပ်အတွက် သောက်ရှင်းတက္ကသိုလ်မှ ဟေးထျန်နှင့်သွမ့်ချီထျန့်ကသာလျှင် ကြီးကြပ်ခဲ့ရသည့် တကယ့်အကြောင်းအရင်းမှန်သာဖြစ်သည်။

သို့ဖြစ်ရာယခုအခြေအနေအား သုံးသပ်ကြည့်မည်ဆိုပါက သောက်ရှင်းတက္ကသိုလ်သည် ထိုစိတ်စွမ်းအင်ကျောက်တုံးများအား ပြန်လည်ရယူနိုင်မည်မဟုတ်ချေ။

" အခုကဘာလဲ ? ကျွန်တော်တို့ကစိတ်စွမ်းအင်ကျောက်တုံးတွေကို ချိုရန့်ဆီဒီအတိုင်း " လက်ဆောင် "ပေးလိုက်ရတော့မှာလား ? "

ယူရှောင်မိုတစ်ယောက် လင်းရှောင်ရှေ့သို့အမြန်ပြေးသွားမိသည်။ သူတို့၏စိတ်စွမ်းအင်ကျောက်တုံးများအား သူတို့မုန်းတီးသည့်လူထံသို့ လက်ဆောင်ပေးလိုက်ရမည့်ဖြစ်အင်မှာ ဆိုးရွားလှပြီး သုံးဆယ်ရာခိုင်နှုန်းမှာလည်း အတော်လေးကိုမှများပြားလွန်းသောပမာဏဖြစ်နေ၏။ တစ်တုံးဆိုရင်တောင် ဟုတ်တုတ်တုတ်။

" ဒါဆိုလည်း မင်းကဘာလုပ်ချင်လို့တုန်း ? "

လင်းရှောင်ပျင်းရိစွာမေးမြန်းလိုက်သည်။

ယူရှောင်မိုသည် လင်းရှောင်လတ်တလော အင်မတန်နှစ်ခြိုက်နေသည့်မိသားစုဆွေးနွေးပွဲအား သတိရသွားသည့်အခါ၌မူ တစ်ခဏမျှပါးစပ်ပိတ်သွားပြီး ဂနာမငြိမ်မှုများသည်လည်း အနည်းငယ်မျှလျော့ကျသွားလေ၏။