Hindi makahinga
Sa lungkot na nadarama
Taling unti-unting gumagapos
Sa pusong naghuhumangosNalulunod sa alon
ng nahihirapang damdamin
Paano ako makawawala,
hindi ko alam kung saan ito nagmulaTalukap ng mata'y bumibigat
Tibok ng puso'y sumasakit
Lalamunan ay sumisikip
Nabibingi sa ingay ang isipNamumutla, nawawalan ng kulay
Nanghihina itong yaring buhay
Gusto kong sumigaw, ako'y pakinggan
Gusto kong umiyak, ako'y yakapinHinga ng malalim, pumikit nang mariin
Linawin ang isip, paligid ay patahimikin
Luha'y di na mapigil, nanlalabong mga mata
Pag-asa, nasaan ka, hindi ko na talaga kinakaya
BINABASA MO ANG
Deep Well of Thoughts and Feelings
PoesíaSilent tears, muffled sobs and their hidden words