RUBUTACCIYAR K'ADDARA

BABI NA ASHIRIN DA SHIDA

*RUBUTACCIYAR KADDARA*

*HASKE WRITERS ASSOCIATION*
( *home of expert and perfect writers)*💡

*SOPHIE GALADANCHI* ✍🏼

26

"Chabdi! Muna aikin me har haka ta faru? Wallahi bazata sab'u indai nice nan MAGAJIYA mai iko da gidan karuwan dayafi kowanne a garin nan sai na girgiza indo, sain bullo mata ta hanyar da batayi zato ba, shikuma Deeni sai ya durkusa da gwiwoyinsa kasa yana bani hakuri Dan sai na banbance masa aya da tsakuwa, ni ba irin macen da ake tabawa bace a kwashe lafiya" zeenatu dake zaune kujerar tsakar gida tana tsifa ta kalli yadda magajiya ke safa da marwa tace "Anty magajiya fa kina da daurawa kai wahala, matar nan batada ra'ayin yin irin taki Sana'a kin takurata ta bar miki gida yanzu kuma tayi aure zaki koma shiga rayu..." Ta kalli zeenatu kasa da sama tace "ke anya kuwa kinada hankali? Kinsan wacece indo? Indo wadda ta zauna dakin da nake yanzu kafin su koma wancen gidan, indo wadda har ta bar gidan nan babu Wanda yasan asalinta ta zauna a wulakance tana wanki da guga dan ta samu abinda zataci, indo data zo da cikin shege ta haifi yarinya agabanmu
Ba a san ubanta ba, sannan taki yadda da Wanda na kawo mata har Ku yadda ita ba karuwa bace? To bari kiji wani Abu da baki sani ba, bake ba har sauran yan uwanki gasunan, Alhaji Abdullahi maimota, suna daya daga cikin wayanda family dinsu sukayi sunan arziki ba sokoto kadai ba  Nigeria gaba daya, sunan mai mota da kikaji Babansu yana daya daga cikin mutanen farko da suka fara siyan mota a Nigeria, sunan maimota sanannen suna ne, ko yanzu su Kansu yayan daya bari sunada dukiyarda zuri'arsu bazata yi talauci ba nan da shekaru masu dama, manyan yan kasuwa shahararrun yan siyasa, har kike wani cewa in kyaleta, to bari kuji ko kotu aka je Abu daya kuka sani, indo KARUWA CE!" Ta fada a tsawace, zeenatu tayi shuru tana kallonta sai kuma tayi murmushi tana daura dankwalinta tace "idan na fahimceki akwai samu ta bangare biyu"? Ta kanne ido daya, magajiya ta kwashe da dariya suka tafa cike da nishadi.

Tun karfe biyar zuka tashi yau, girki sukayi da Dan yawa suka zuba a cikin warmers, karfe Tara suka gama shiri, har sun fito sai ga Deen ya shigo da sabuwar motarshi, LAND CRUISER fara tas tasha wanki sai kyalli take, fitowa yayi yana Sauri ya karaso kusadasu yana gaidasu, Abba ya kalleshi yace "Nuruddeen barka da safiya, kazo muna shirin kama hanya ko"? Yana Sosa keya yace "ai saurin da nake kenan Dan nima zanje na kwana biyu banjeba" Abba yayi dariya yana cewa "to ai hakan Nada kyau nasan baka Cika son shiga garin nan ba saboda bakason irin maganganunsu da irin abubuwan da sukeyi, amma fa sai hakuri" ya gyada kansa cike da gamsuwa Abba yaci gaba da cewa "tunda kazo sai kaje da Halima da Safiyyah, Iro zai daukomu a waccen motar ni dasu  Hajiya" to ya amsa dashi yayi gaba bayan ya musu addu'a su Halima suka bi bayanshi.

Har sun zauna a mota sai ga Hajiya ta fito da Dan basket dinta da kular kankara da drinks sai bowl mai murfi basu san meye aciki ba, Halima ta tsinguli Safiyyah dake zaune baya ta nuna mata Hajiya da baki tana cewa "gafa mutuniyarki nan ta fito" Safiyyah tayi dariya tace "babu ruwana kika tabo yar gaban goshin Abba" Deen ya kallesu su biyu yana cewa "kunada hankali kuwa? Da matar babanku kuke wannan shashancin? Wallahi yanzu zan bata muku rai" shuru sukayi kamar ruwa ya cisu.

Yayi tsaki sannan ya tada motar Dan tuni su Abba sukayi gaba.

Tun a cikin gari ya tsaya ya siya musu nama da drink sannan suka kama hanya, suna tafiya basuyi nisa ba Safiyyah ta bingire tana bacci, juyawa yayi ya kalleta bai yi magana ba yaci gaba da tafiya.

Tunda Hajiya ta shiga motar ga zauna gefen Anty take harare-harare tana yatsina fuska, kamshin turarenta Sam baiyiwa Anty ba, dakyar ta bude bakinta tacewa Hajiya "Hajiya ina kwana, ya gida" mai makon ta amsa sai tsaki tayi, duk da abinda tayi ya taba zuciyar indo amma sai ta share, Abba ya juyo ya kalli Hajiya ta kwada masa harara ya maida dubansa ga indo sai tayi murmushi tana kallonshi , shima murmushin yayi ya maida kallonsa ga driver yana cewa "malam Iro tafiya ta hankali kamar yadda aka saba" gyada kansa yayi yana cewa insha Allahu.

Hakuri kawai Anty takeyi amma a wurin ji take kamar zata amaye hanjin cikinta, sun fita daga tambuwal kadan hakurinta ya kasa tayi saurin tabo kafadar Abba ya juyo yana kallonta, da hannu ta nuna masa a tsaya Dan bakinta cike yake da yawu, ya kalli driver yace "malam Iro Dan samu wuri kayi parking" gefen titi ya sauka Bayan ya rage gudu ya tsaya.

Motar ta bude ta fito da kafafuwanta waje da da fuskarta tana kallon waje, Abba ma fitowa yayi ya tsaya gefenta yace "lafiya dai Aisha" kafin ta bashi amsa ta fara sheka amai duk abinda ta ciyo sai da ta fitar dashi sannan ta tsaya tana maida numfashi, ruwa ya bata ta kuskure bakinta ya sake tambayarta yana cewa "meyake damunki"? A hankali tace "bana son warin turaren Hajiya" tausayinta yaji yace "to kiyi hakuri kinji karbi hanky na ki toshe hancinki mun kusa karasawa" gyada kanta tayi sannan ta karbi hanky ta yi yadda yace.

"Wannan wane irin wulakanci ne zaku batawa mutane lokaci inkasan batada lafiya meye na kwasota kazo da ita tana yiwa mutane kazanta"? Shuru Anty tayi tana gyara zamanta shi dinma bai tankata ba, taci albarkacin driver da kuma zama datayi babu haihuwa batareda ta Tayar mai da hankali ba duk da yana ganin matsalar daga wurinta ne.
Hajiya tana gunguni tace "wama ya sani ko cikin shegen ne ta kuma kwasowa tunda an saba" Antya data gama jiyo abinda take cewa ta kalleta sosai gabanta na faduwa Dan ita ta manta da wani Abu waishi ciki, sai ta sake kwantar da kanta jikin kujerar tana lumshe idonta.

Suna shirin dagawa su Deen suka iso wurin ganin motar Abba yasa Deen tsayawa ta gefensu ya sauke glass ya tambayar ko lafiya, Abba yace masa lafiya lau, sannan suka ci gaba da tafiya.

Ba karamin dadi Innarsu Abba taji ba da ganinsu, musamman Safiyyah, Deen da Halima, tana matukar son jikokinta, sai taga Anty kuma yarinya ce sosai ta shiga daki ta kirawo Abba ya bita dakin tace "Abdalla matar nan kamar yarinya sosai" yayi dariya yace "Eh gaskiya batada shekaru sosai dan lokacin data haifi Safiyyah ma batafi girman Safiyyah dinba" ta gyada kai tace jeka ka kirawo min ita, babu dadewa suka dawo tareda Anty, ta durkusa gabanta tana sake gaisheta inna tace "hakurin nan dai zan sake baki, rabon wannan yarinyar ne yasaka abinda ya faru ya faru din, sannan dan Allah ki kama kanki ki zauna da kowa lafiya musamman mu nan babu dadi duk idan aka zauna matan yayana ake suka hakuri kawai nake, na roke ki koda ta gefen ki ne kibari naji sanyi, tunda mahaifiyarsu Halima ta bar duniya ban sake jin sanyi ta gefen Suruka ba, Allah ya jikanta itada mijinta Ku kuma Allah ya kara hada kanku, sannan abokiyar zamanki ma idan arziki da mutunci basu hadaku ba to kiyi hakuri kada ki bari rashinsu ya hadaku, duk abinda zatayi kibarta ita tayi koba komai ba sa'ar yinki bace" ta kalli Abba tace "idan ka fita ka turo yaran nan su shigo, ga abinci nan ma kuci naga kamar Aisha bata jin dadi ko yunwa ce" ya mike yana cewa "Babu mamaki tana jin yunwa dan tun a hanya ta sheka amai" kallonta inna tayi tana murmushi tace "lallai kam" daga haka Anty ta koma palo ta zauna, sai a lokacin taga Hajiya zaune Ashe tana palon, zama tayi kan carpet, dogon tsaki Hajiya taja tana hararar indo, haushi ya kara kamata ganin an zauna ana ta cin abincin da suka zo dashi ita kuma tana fama da guntun basket.

Gidan goggonsu yayar babansu Abba suka je, su kuma a gidan basa shiri dasu Abba saboda goggo taso aura masa diyarta Allah bai nufa ba amma taki fahimta, yanzu daya auro Aisha sai suka samu abin yi masa fade. Bai damu ba danshi namiji ne indai yayi abinda yakeso to bashida sauran matsala.

Mutanen gidan sai nan-nan suke da Hajiya tana faman yashe baki Anty kuwa babu Wanda yayi kamar ya ganta, sai zindenta suke ana sakin maganganu.

Goggo ta tabe baki ta kalli Halima tana cewa "ke wai har yanzu baki bar munafurci ba, ga yan uwanki kin koma can kin rakube cikin bare" Halima ta kalleta sannan ta mike tace "mu yanzu ma gidan inna rahane zamu mu karbo b'ula, Anty muje" ta fada tana kallon Anty suka mike tsaye Anty tace "sai anjima" bata jira amsar su ba ta fita, daga dakin taji ana cewa "agayas dai gayyar na ayya gayyar shaggu" goggo ta maida kallon ta ga Hajiya tana rike baki tace "kina me ya auro wannan yar duniyar kiga wannan ado dataci tana tafiya tana karkada mana duwawu" Hajiya tayi tsaki tana cewa "wai bakauye ya shigo birni ke kuwa hmm" goggo tace "ki dai tashi tsaye ba kizauna kina Cika da batsewa ba" shuru kawai tayi tana kad'a kafa.

Anty kuwa sauran dangi duk sunyi farin cikin ganinta ta kwaso sha Tara na arziki sannan suka yi shirin dawowa, kallon Abba tayi tana cewa "Ku tafi kawai bana son warin turaren nan nata zan shiga motar su Deeni" Abba yayi shuru yana kallonta yaga ta hade rai badan yaso ba ya barta ta tafi, Hajiya ta kalle shi cike da jin haushin abinda Anty tayi tace "to uban waye zai daukar mata wannan tarkacen" bai kalleta ba yace "ni" shuru tayi taci gaba da cin ranta.

Sai bayan magrib suka iso, suna matukar jin gajiya, Anty kuwa har wani zazzabi take ji daurewa kawai take.