اجتمع الجميع بغرفة الصالون بنائا على طلب تقى ....
وقفت تقى بالمنتصف وقالت بابتسامة :
"طبعا اكيد الفضول هيقتلكم عشان عاوزين تعرفو ايه هي فكرتي .. وليه طلبت نتجمع.....
(ثم تنهدت )
انا ملاحظة ان احنا من ساعة ما جينا هنا .. متجمعناش سوا .. غير طبعا على الاكل. .. ولما بنتجمع على الاكل.. مبنتكلمش مع بعض.. حاسه ان احنا بعاد جداا عن بعض .. والمفروض ان احنا عيلة .. يعني اقرب لبعض من كدا. ... فعلشان كدا انا فكرت في فكرة .. اتمنى انها تعجبكم ..
الفكرة دي عبارة عن ... ان احنا هنتجمع بكرا ان شاء الله من بعد صلاة الجمعة .... يعني اللي عندو حاجه ضروري يخلصها قبل الصلاة علشان احنا هنقضي باقي اليوم مع بعض..... وانا بكرا ان شاء الله هبقا مجهزة برنامج نقضي بيه اليوم سوا ... ايه رأيكم "
حبيبة بحماس :
"ماااشي ... انا معنديش مانع "
شهد بمرح:
"موافقون يا ريس"
اسر :
"مفيش مشكلة "
حمزة :
"ماشي "
محمد :
"تمام"
زينب وليلى :
"ماشي"
ادهم :
"بس ادم وعيلته جايين بكرا .."
تقى بابتسامة :
"مفيش مشكلة .. نتصل عليهم ونقولهم ان احنا هنقضي اليوم سوا ...... "
ادهم بابتسامة :
"طيب يا حببتي... لو ادم وعيلته وافقو ..انا معنديش مشكلة .... اتصلي على ادم وقوليله "
تقى بضيق :
"ما تتصل انت يا بابا "
أدهم بخبث:
"هو انا مراته ولا انتي "
تقى بمحايله :
"يا بابا بقا علشان خاطري "
ادهم :
"اتصلي عليه انتي ...دي فكرتك "
تقى بتنهيده :
"ماشي ..... استنو اتصل عليهم الاول "
ثم توجهت بعيدا واتصلت برقم ادم ..
بعد دقائق اجاب بهدوءه المعتاد:
"السلام عليكم "
يا الله .. لماذا تشعر بالتوتر كلما استمعت صوته .. تشعر ان دقات قلبها تتسارع وتقرع كالطبول ...
تقى بتوتر :
"احم.. وعليكم ..السلام ... ك..كنت عيزه اقولك يعني ... ان بكرة ان شاء الله احنا عاملين تجمع اسري .... ف ..ممكن تجيب طنط واخوك .. وتيجو بعد صلاة الجمعة ... يعني .. علشان هنقضي باقي اليوم مع بعض "
ادم بهدوء:
"بس انا عندي شغل ... ف مش هقدر اجي غير ساعتين تلاتة بالكتير "
تقى :
"طيب ممكن تيجي تقضي معانا الكام ساعة دول .. وطنط تقضي معانا باقي اليوم ... علشان خاطري "
ادم :
"طيب تمام .. مفيش مشكلة "
تقى بفرحة :
"بجد.. شكرا اوي اوي اوي .. بجد مش عارفه اقولك ايه . شكرا اوي"
ادم بابتسامة :
"العفو .. "
تقى :
"مع السلامة "
ادم بجد :
"تقى "
احست تقى برعشة سرت بقلبها جراء نطقه لاسمها...
تقى :
"ن..نعم"
ادم :
"يا ريت متخرجيش لوحدك .. يعني لو هتخرجي هدي حد معاكي.. وياريت يكون والدك او اخوكي... "
تقى بتساؤل:
"ليه ؟"
ادم بجد :
"اسمعي الكلام بس.. يلا مع السلامة"
ثم اغلق الخط .. نظرت تقى الى الهاتف باستغراب ..
ثم توجهت اليهم بفرحة قائلة:
"وافق.."
ادهم بابتسامة :
"طيب تمام كدا .. بعد اذنكم هطلع انام "
ليلى :
"استنى يا ادهم خدني معاك "
زينب :
"يلا يا ولاد تصبحو على خير"
توجه ادهم وليلى الى غرفتهما و زينب الى غرفتها ..
نظرت تقى الى اخوتها قائلة :
"انتو هتنامو ؟"
حبيبة بنعاس:
"اه .. مش قادرة هموت وانام... من الفجر وانا صاحية"
شهد بنعاس:
"وانا كمان "
نظرت تقى الى اسر قائلة:
"وانت يا اسورة "
اسر بسخرية:
"اسورة !!! اه .. اسورة هينام "
تقى لحمزة:
"وانت يا ميزو"
حمزة بدهشة :
"ميزو .. و اسورة!!!!! يا خبر ابيض ... دا احنا لو حد سمع ان احنا بيتقالنا كدا .. البرستيج هيبقا تحت الارض ... مش في الارض😂"
تقى بضحك:
"ما تخلص يا بتاع البرستيج انت ... هتنام ولا ايه "
حمزة :
"اه يا ستي هنام"
قالت لهم تقى :
"يا خونة ... كلكم هتنامو ... يبقا كدا مفيش غير موزو حبيبي هو اللي هيقعد معايا .. احنا نايمين طول النهار"
محمد بضحك:
"بصراحة .. انا هكمل نوم ... لاني ما صدقت اخدت الاجازة .. "
تقى بغيظ:
"يا حيوااااان ... طيب بقا كل واحد بالصلاة على النبي كدا هيجبلي شوكولاتاية ك تعويض لانكم هتسيبوني اقعد لوحدي .. ومفيش نقاش في الموضوع .. انا هطلع اوضتي "
ثم تركتهم وتوجهت سريعا الى غرفتها وهي تضحك بينما انفجرو هم ايضا بالضحك عليها ....
أنت تقرأ
غصب عني ❤
Random(رومانسية-اجتماعية-دراما ) في أحد الاحياء الراقية بالقاهرة تسمع أصوات صرير إطارات سيارة تشق ذلك السكون يليه صوت تحطم وصراخ يتجمع لإدارة حول تلك السيارة المحطمة كليا ثم يصرخ أحدهم "حد يطلب الإسعاف بسرعة ". ..... ما الذي حدث وتسبب بالحادث وما تأثيره ع...
