غصب عني ❤

بارت 35

ارسلت حبيبة موقع المنزل الى اسر وحمزة .. ولم تمر سوى دقائق حتى وصل اسر إلى الموقع ثم اتصل على حبيبة واخبرها انه بالخارج ... كانت في ذلك الوقت موجودة في منزلها يحاول سيف تهدئتها وما ان تلقت من اسر الأتصال حتى خرجت إليه مسرعة فرأته يقف أمام بوابة المجمع ويبدو على وجهه الغضب وتعبيراته لا تبشر بخير فتحركت بسرعة نحوه وتبعها سيف .. وما ان وصلت حتى قالت بلهفة :
"ها يا اسر ... عرفت حاجة "
اسر بغضب يحاول السيطرة عليه :
"لا ... هو فين ادم "
قاده سيف إلى منزل ادم فطرق عليه طرقات مفزعة .. ومرت ثوان وفتح ادم ببرودة اعصابه المعتادة ونظر لاسر ببرود فبادله نظرات غاضبة وقال بغضب وهو يمسكه من تلابيب قميصه:
"أختي فين ... عارف لو حصلها حاجة مش هيكفيني فيها رقبتك "
ابعد ادم يد اسر بقوة وقال له :
"صوتك ميعلاش .. وبعدين مش انا اللي خليتها تمشي .. هي مشيت لوحدها ... واللي اعرفه انها راحتلك ... يعني المفروض انا اللي أسألك هي راحت فين مش العكس"
اسر بحدة :
"هي يعني لو كانت جتلي كان زماني انا بضيع وقتي معاك دلوقتي"
سيف لاسر :
"اسر مش وقت الكلام دا ... تعالى ندور عليها دا الاهم دلوقتي "
تبادل ادم واسر نظرات نارية ...في ذلك الوقت حضر كلا من هدى وريان فسألهم ريان بقلق :
"ها يا ولاد ... لاقيتوها "
سيف :
"لا لسه هنبدأ ندور في المستشفيات والاقسام "
ادم ببرود:
"متتعبش نفسك هي مش موجودة في اسكندرية ولا في القاهرة... تعالو ادخلو وهنتكلم جوا .. "
دخل الجميع ال  مكتب ادم وجلسوا جميعا منتظرين من ادم ان يتحدث فقال بهدوء :
"انا بدأت ادور عليها من ساعتين وعرفت انها مش موجودة في ولا مستشفى و لا  قسم في القاهرة او في اسكندرية ... انا من فترة اديتها سلسلة فيه جهاز تتبع احتياطا لمواقف زي دي وهي متعرفش الموضوع دا ... عايزك يا سيف تعملي تتبع للسلسلة دي "
ريان :
"طيب يا جماعة افرضو هي كويسه وهي مش عاوزاكم توصلولها"
حبيبة بقلق:
"دي هتبقا مشكلة اكبر .... لان هي لو فرضا اتخطفت ممكن نقدر نوصلها عن طريق جهاز التتبع دا .. لكن لو هي قاصدة تختفي... هتبقا حاجة اقرب للمستحيل ان احنا نوصلها "
سيف بتعجب:
"ليه يعني"
تنهدت واردفت:
"تقى دماغها مش سهلة واذكى بكتير من انها تقع غي حاجة زي دي وتفكيرها من زمان اكبر من سنها .. واما بتحط حاجة في دماغها استحالة حد يقدر يعطلها عنه.. دا غير انها طلبت مني اني اعملها برنامج على التليفون واعلمها ازاي تستخدمه"
اسر بترقب:
"برنامج ايه"
حبيبة:
"برنامج بيشتغل مع جهاز استشعار صغير جدا طلبت مني بردو احطهلها في التليفون .. الجهاز دا بيعمل ذبذات صوتية وبيبعتلها على البرنامج تحذير لما بتقابله اي ذبذبات خارجية صادرة من اجهزة التتبع ... دل غير نظام الحماية اللي حطاه على تليفونها صعب ان احنا نتتبعه ....بس بردو عشان منسبقش الاحداث احنا نعمل تتبع للتليفون وللسلسلة "
ذهب سيف الى منزله وبعد دقائق عاد حاملا معه اللاب توب وبعض الاسطوانات واالاسلاك ليحاول تتبع جهازها ...
بعدها انضم إليهم حمزة الذي كان ردة فعلة لاتقل عن ردة فعل حبيبة او اسر ...وقضو ثلاث ساعت او اكثر في محاولة تتبع السلسلة والهاتف فاكتشفو انها قد تركت السلسلة في المنزل اما الهاتف فقد كان مغلقا فلم يستطيعوا تتبعه....