غصب عني ❤

بارت 27

"وعليكم السلام ازيك يا ست البنات عامله ايه "
تقى بدموع:
"الحمد لله يا حبيبي انت عامل ايه"
ادهم:
"الحمد لله بخير يا حببتي .. بتعيطي ليه .. ادم مزعلك في حاجة"
تقى وهي تمسح دموعها وتنظر لادم:
"لا ابدا يا حبيبي .. ادم مش مزعلني ولا حاجة .. انت بس واحشني"
ادهم :
"طيب متعيطيش يا حببتي .. احسن اركب واجيلك دلوقتي اهو"
ضحكت تقى من بين دموعها وقالت له بابتسامة :
"خلاص مش هعيط ... ماماتي واسر وبوسي وشهد وطنط زينب وموزو عاملين ايه "
ادهم:
"الحمد لله بخير يا حببتي كلهم قاعدين وسامعينك اهو وبيسلمو عليكي"
تقى بمرح:
"كدا يا حاج .. بتخلص مني انا وميزو وبتتجمعو مع بعض من غيرنا"
سمعت تقى قهقة الجميع اتية من الجهة الاخرى ثم سمعت صوت اسر يقول:
"اييه يا توتا هتبصلنا في القاعدة ولا ايه"
تقى بضحك:
"انا اقدر بردو يا اسورة ..."
حبيبة بضحك:
"بتقولك يا اسورة"
اسر:
"خليكي في حالك يا ام لسانين"
تقى بضحك:
"معلش يا عم اسر نسيت ان الاسبيكر مفتوح وحبيبة وقفالك على الواحدة .. عاملة ايه يا ام لسانين ..ا..قصدي يا حبيبة ... "
حبيبة:
"كدا يا توتو .. ماااشي.. انا كويسة ياختي بخير .."
تقى:
"ومامتي حبيبتي"
ليلى:
"انا كويسه يا نور عيني"
تقى:
"وانتي يا شوشو"
شهد:
"انا كويسه يا توتو بخير"
تقى:
"وطنط زينب عامله ايه"
زينب:
"انا كويسه يا حببتي"
محمد:
"كدا يا توتو تسألي عليهم كلهم الا انا"
تقى بضحك :
"انا اقدر بردو يا قلب توتو .. دا انت اللي في الحتة الشمال يا ولا ..انا هقفل بقا عشان منخلصش لحضرة الظابط الرصيد .. مع السلامة "
ثم اغلقت الخط ...واعطت الهاتف لادم دون ان تنظر له ..
كانت تقى تشعر بالجعوع ..فهي لم تأكل اي شئ منذ البارحة فعليا ... ولكنها بالتأكيد لن تطلب منه شيئا.. عطست تقى عدة مرات ..
فسألها حمزة:
"يا بنتي طيب خدتي حاجة للبرد"
تقى بتعب تحاول اخفاؤه وهي تعطس:
"اتشوو.. اه .. خدت قبل ما انزل متقلقش ... بقولك يا ندى .. تعالى نروح الحمام  "
نهضت ندى وتقى واتجهتا نحو الحمام..
ندى لتقى:
"مالك يا توتا .. شكلك زعلانه اوي ... في حاجة حصلت"
تقى بابتسامة:
"لا يا قلبي ... مفيش حاجة حصلت انا كويسه .. بس البرد تاعبني "
ندى بشك:
"عليا بردو .. دا احنا متربيين سوا يا توتا .. على العموم لو احتجتي تحكي انا موجودة "
تقى بحب:
"تسلميلي يا ندى ...اتشووو"
ندى وهي تضع يدها على جبهة تقى تتحسس حرارتها :
"يا نهار ابيض يا تقى .. انتي سخنة اوي .. انتي خدتي حاجة متأكدة"
تقى :
" والله انا خدت الدوا ..  شويه كدا والحرارة هتنزل متخافيش"
نظرت لها ندى ولم تعقب تعلم ان تلك الفتاة امامها صاحبة رأس يابس .. من الصعب اقناعها بغير الشئ المقتنعة به...
وقفت تقى في مكان شبه خالي ونظرت للبحر امامها .. فكان الكافيه يطل على البحر مباشرة ..
ندى لتقى :
"وقفتي ليه توتا"
تقى بهدوء:
"الجو على البحر جميل .. شكل القمر في السما مع الميه جمييل اويي .. ياريت كان معايا الدفتر بتاعي "
ندى:
"فعلا المنظر جميل اوي .... يلا بدل ما نتأخر ويقلقو"
توجهت تقى وندى الى الحمام .. وعدلت كل منهما حجابها ثم عادتا اليهما ... همست تقى لادم :
"انا عايزه امشي"
ادم بهمس:
"احنا لسه جايين ... استني شوية "
تقى :
"لا انا عاوزه امشي ... انا عايزه انام"
ادم بسخريه:
"تنامي ايه .. انتي لسه صاحية من شوية"
تقى بغيظ:
"لسه صاحيه وعاوزه انام تاني فيها ايه دي .. لو سمحت انا عايزه امشي بجد مش قادرة اقعد"
تنهد ادم ثم قال بهدوء لحمزة:
"معلش يا حمزة هنستأذن احنا "
حمزةبقلق:
"ليه .فيه حاجة ولا ايه .. انتي حاسه انك تعبانة يا تقى ولا ايه"
تقة بابتسامة:
"متقلقش انا كويسه .. "
ادم :
"اصل ورايا حاجة مهمة ..لازم نمشي دلوقتي"
حمزة بابتسامة:
"ماشي يا كنج .. خلو بالكم من نفسكم"
ندى لتقى:
"ابقي طمنيني عنك يا توتا"
تقى بابتسامة:
"تسلمي يا نودا ..مع السلامة"
______________
مجهول بغضب:
"يعني ايه اتجوزته يا عمر .. مش انا قولتلك بوظ الموضوع بأي طريقة .. اغيب كام اسبوع ارجع الاقيهم اتجوزو "
عمر بخوف:
"والله يا بشا حاولت بس معرفتش اعمل حاجة .. وبالأخص انه شدد الحراسة عليها اكتر من الاول...بس اطمان ... اكيد محصلش بينهم حاجة .. بس الي متأكد منه..ان في مشكلة حصلت بينهم .. اصل بعتلها الخطة بتاعة ادم واللواء .. اكيد حصلت مشكلة بينهم بسببها "
مجهول بغضب:
"طب غور من وشي دلوقتي"
ثم قال في نفسه بغل:
"متفتكرش انك خدتها مني يا ادم ... دي بتاعتي .. انسى انها تكون ليك او لحد تاني"
____________
دخلت تقى الشاليه ومنه الى غرفتها دون ان تنطق كلمة مع ادم .. تعجب هو الاخر من حالها فهي لم تتكلم طوال الطريق .. وكانت تعطس بين كل فنية والاخرى ... وكان يبدو عليها التعب ولكنها كعادتها كانت تقول انها بخير كلما سألها ... وهذا ما اقلقه بشأنها .. توجه هو الاخر الى غرفته واخذ حماما وصلى فرضه ثم جلس على حاسوبه ينجز بعض اعماله ..
عند تقى .. دخلت تقى غرفتها وهي تشعر بأن كامل جسدها يؤلمها فتحاملت على نفسها وابدلت على ملابسها ثم صلت فرضها وتوجهت الى سريرها والقت بجسدها عليه بتعب ...

استيقظت تقى بعد منتصف الليل وهي تشعر بالاختناق ..وفي نفس الوقت تشعر ببرد شديد والم يجتاح جسدها ... فتوجهت الى غرفة ادم بخطى مترنحة وطرقت الباب بتعب وهي ترى كل شئ امامها مشوشا ..

كان ادم في ذلك الوقت مستيقظا ولا يزال يعمل على حاسوبه ويتحدث مع يوسف و حازم .. سمع طرق بطئ على الباب فقال لهما:
"اقفلو هكلمكم بعدين ..سلام"
ثم اغلق الخط وتوجه الى الباب وفتحه فتفاجئ بتقى وهي تنظر له بتوهان ووجها وشفتيها محمرتان بشدة ... فنظر لها بتساؤل .. وفجأة مالت عليه فامسكها بسرعة قبل ان تسقط ..عندما امسكها شعر بسخونة تخرج من جسدها .. وشعر بها ترتجف بشدة .. فحملها ووضعها على سريره ووضع يده على جبينها فشعر كأنه لمس قطعة جمر .. فربت على وجهها بقلق ... ففتحت عينيها بصعوبة ثم اغلقتهما مجددا ...
ادم في نفسه:
"دي مولعة.. شكل عندها حمى .. اعمل ايه انا دلوقتي "
ثم نظر الى ملامحها البريئة .. والى وجهها وشفتيها المحمرتان بسبب الحمى وشعرها الاسود الغجري المتناثر حول وجهها مما زادها جمالا ... تنهد ادم في وقال في نفسه:
"انت ايه يا شيخة .. يخربيت كدا .."
.. اتصل ادم على طبيب ماهر يعمل بالمستشفى الخاصة به .. وبعد دقائق اجاب فقال ادم بهدوء:
"ايوا يا احمد .. "
احمد بحفاوة:
"ازيك يا فندم.. عامل ايه ..  "
ادم بهدوء:
"انا تمام .. المهم دلوقتي ..المدام سخنة جدا شكل عندها حمى .. "
احمد:
"طيب هقولك على دوا خافض للحرارة بس هاتو بسرعة علشان الحمى غلط على المخ"
املاه احمد عدة ادوية للبرد وخافض حرارة .. وشكره ادم ..ثم اغلق الخط ... دثر ادم تقى جيدا ثم اتصل على احدى الحراس واملاه اسماء الادوية واخبره ان يأتي بهم على جناح السرعة .. وتوجه هو الى المطبخ واحضر قطعة قماش وطبق وضع فيه ماء فاتر .. وجلس بجانبها يقوم بعمل كمادات لها لتنخفض درجة حرارتها .. حتى اتصل عليه رجل الحراسه ليخبره انه احضر الدواء .. فتوجه لاسفل واخذ منه الدواء .. ثم عاد اليها .. واسندها واعطاها الدواء ثم جلس واكمل عمل الكمادات حتى بدأت حرارتها تنخفض تدريجيا .. فاقترب من اذنها وقال بهمس:
"انا اسف ... عارف ان كل اللي بيحصلك دا بسببي ... عشان كدا مش هينفع اخليكي معايا .. مقدرش اشوفك بتتأذي بسببي ..انا عارف ان معاملتي ليكي بتوجعك .. بس انا مقدرش اشوفك بتتأذي لان طول ما انتي معايا هتفضلي في خطر ..وانا مستحيل اعرضك للخطر بأي شكل ... عشان انا ... بحبك "
____________________
رأيكم وتوقعاتكم😘

غصب عني❤
بقلمي:تقى وائل.