اقترب اسر بضع خطوات فقال له الرجل بحدة:
"لو قربت هفرغ رصاص المسدس في دماغها "
تراجع اسر قليلا ونظر الى فرح فوجد الذعر مرتسم على ملامحها .... وعلى حين غرة دعست فرح على قدم الملثم .. وعضت يده ... فاستغل اسر انشغال الملثم وتوجه اليهما سريعا وقام بجذب فرح خلفه ..ولكم ذلك الملثم .. فسقط ارضا ولكنه وقف على الفور .. واخرج بخاخا من جيبه ورشه بوجه اسر .. وركب تلك السيارة وفر هاربا ... اما اسر فوضع يديه على عينه بألم ... وقالت له فرح ببكاء وقلق:
"ا..انت كويس. ... عينك فيها حاجة "
اسر وهو يفرك بعينه :
"اه ...اه كويس .. انتي كويسه "
فرح ببكاء :
"اه .."
اسر وهو يحاول فتح عينيه :
"طيب يلا نخرج من هنا "
اومأت له بصمت وخرجا سويا...
اسر بهدوء:
"احسن دلوقتي"
فرح وقد هدأ بكائها:
"اه .. شكرا"
اسر :
"العفو.. مكن اسألك سؤال"
فرح:
"اتفضل"
اسر:
"مين اللي كان بيهددك دا"
فرح:
"انا ما اعرفوش .. بس اعتقد انه من طرف نائل الرازي"
اسر بتذكر:
"مش دا بتاع شركات الحديد والصلب ... بس ايه علاقته بيكي ... وايه اللي يخليه يبعتلك حد ؟!"
فرح :
"معلش .. هصححلك معلومة صغيرة .... نائل الرازي ... مش صاحب شركات الحديد والصلب بس .. لا ..دا من اكبر الناس اللي بتعمل غسيل اموال في البلد ... واما بقا بعتلي ناس ليه ... علشان انا قربت اكشفه واكشف كل صفقاته المشبوهة "
اسر بهدوء:
"انا عارف اني لو قولتلك ان اللي بتعمليه دا هيأذيك او هيضرك ... هتقوليلي ان اللي بتعمليه هو الصح ... وهتتمسكي برأيك اكتر ... لكن كل اللي اقدر اقولهولك .... انك متبقيش لوحدك .. دايما خليكي وسط تجمعات ... دا أأمن ليكي "
أومأت فرح برأسها بهدوء ... ولم يتحدثا مجددا حتى وصلا الى القاعة من جديد ...
انقضت الامسية على خير
توجه ادهم وليلى وزينب وحبيبة واسر ومحمد وشهد الى منزلهم ..
وكذلك توجه سيف ووالدته الى منزلهم ..
وكذلك فعلت اسرة ندى .. ودعاء حضر خطيبها واوصلها لمنزلها ..
اما حمزة فتوجه هو وندى وادم وتقى ليقضوا اسبوعا في الغردقة ...
وتوجه حمزة وندى الى الشاليه الخاص بهم ... وتوجه ادم وتقى ايضا الى الشاليه الخاص بآدم .. وبالطبع لم يقصر احد بتوصية ادم على تقى وحمزة على ندى 😅
عند حمزة وندى
عندما دخل حمزة وندى للشاليه اقترب حمزة من ندى ولثم وجنتيها بيديه وعلى ثغره ابتسامة وقال لها:
"اخيرا يا ندى ... بقيتي معايا(ثم قال لها بهمس )بعشقك يا ندايا "
ندى بخجل:
"وانا كمان بحبك "
حمزة بخبث:
"بس ايه الحلاوة دي "
ندى بخجل :
"بس بقا يا حمزة "
حمزة بضحك:
"احلى حمزة سمعتها في حياتي ..بس عارفه احلى حاجة ايه ... انك محطتيش مكياج ... انتي اصلا حلوة .. مبالك بقا لو حطيتي مكياج "
ندى بخجل:
"هو صراحة انا كنت هحط ... بس تقى قالتلنا انه حرام .. ومينفعش نغضب ربنا وبالذات في يوم زي دا ... (ثم ضحكت وقالت)دي قالتلنا اللي هتحط مكياج هشلفطلها وشها .. ومشوفتش بقا البنت بتاعة الميكب ارتست بصت لتقى ازاي "
حمزة بضحك:
"انت هتقوليلي على تقى .. دي مسخرة (ثم قال بخبث )وبعدين بقا هنقضي باقي اليوم نتكلم عن تقى ولا ايه .. ما.. تيجي اقولك حاجة سر .. في غاااية الخطورة"
....................
عند تقى وادم ..
أنت تقرأ
غصب عني ❤
Random(رومانسية-اجتماعية-دراما ) في أحد الاحياء الراقية بالقاهرة تسمع أصوات صرير إطارات سيارة تشق ذلك السكون يليه صوت تحطم وصراخ يتجمع لإدارة حول تلك السيارة المحطمة كليا ثم يصرخ أحدهم "حد يطلب الإسعاف بسرعة ". ..... ما الذي حدث وتسبب بالحادث وما تأثيره ع...
